Eins og allir vita þá enda sum fyrirtækjanöfn á orðinu -land. Leikfangaland, tölvuland. klósettland osfr. Hversvegna hefur engum dottið í hug að stofna ísbúðina Ísland? Ísland væri móðir allra ísbúða og þar væri hægt að fá skriljón tegundir af ís. Matseðillinn gæti verið með vísanir í jökla landsins. Miðlungsstór ís gæti heitað "Langjökull", stærri ís og feitari héti "Mýrdalsjökull" og stærsti ísinn í búðinni héti að sjáflsögðu "Vatnajökull" Sjeikin héti "Jökulhlaup". Í Íslandi væri hægt að fá miðstærð af skeiðarárrhlaupi, með súkkulaði og jarðaberjabragði. Kúluísinn héti að sjálfsögðu "snjóbolti".
Annars rekur mig minni til þess að tilraun hafi verið gerð um að setja á fót kristinlegan hamborgarastað í Grafarvogi. Það var hægt að kaupa Tvöfaldan Jesú með farisea-frönskum. Lærissveina lærissneiðar og Júdasarfisk sem væri tvöfaldur í roðinu. Fyrir fyllibyttur væri hægt að fá Lazarusborgara en hann væri klassískur þynnkuborgari með spæleggi, rauðkáli og allskonar viðbjóði. Þessi staður (Jesúborgarar við Hverafold) var ekki langlífur og eigandinn gafst fljótlega upp. Þessi tilraun vakti töluverða athygli í byrjun 9.da áratugarins og oftsinnis vitnað í Jesúborgara í ræðu og riti meðal ríkiskirkjupresta. Þetta var kölluð "djörf hugmynd í anda byltingarmannsins Jesús" og var álitið vænlegt til þess að ná til unga fólksins.
Annars rekur mig minni til þess að tilraun hafi verið gerð um að setja á fót kristinlegan hamborgarastað í Grafarvogi. Það var hægt að kaupa Tvöfaldan Jesú með farisea-frönskum. Lærissveina lærissneiðar og Júdasarfisk sem væri tvöfaldur í roðinu. Fyrir fyllibyttur væri hægt að fá Lazarusborgara en hann væri klassískur þynnkuborgari með spæleggi, rauðkáli og allskonar viðbjóði. Þessi staður (Jesúborgarar við Hverafold) var ekki langlífur og eigandinn gafst fljótlega upp. Þessi tilraun vakti töluverða athygli í byrjun 9.da áratugarins og oftsinnis vitnað í Jesúborgara í ræðu og riti meðal ríkiskirkjupresta. Þetta var kölluð "djörf hugmynd í anda byltingarmannsins Jesús" og var álitið vænlegt til þess að ná til unga fólksins.
1 comments:
Ég sem hélt ég vissi allt um Grafarvoginn, sérstaklega Foldahverfið! Jesúborgarar hafa alveg farið framhjá mér. Skil ekkert í því að þetta hafi ekki gengið. Hægt að mæta í messu hjá Vigfúsi kl. 10 og ganga svo til ataris á Jesúborgurum í Hverafoldinni á eftir, "einn Lazarus og messuvín takk".
Góðar þessar jöklahugmyndir, ég þarf að skjóta þeim að Hlédísi. Það er gaman að sjá hvernig sveitastelpa skreytir ísbúðina sína, stór mynd af kúm út í haga og svo "fjölskyldumyndaveggur" með týpískum sveitamyndum, börn með lömb og kálf, fólk í heyskap, Ferguson o.s.frv. Þú þarft að kíkja við í Suðurveri næst þegar þú átt leið um.
http://www.facebook.com/pages/Reykjavik-Iceland/Isbudin-island-Sudurveri/299115666416
Kv. Dofri.
Sendu inn athugasemd