Heillaráð.

Ég á vin sem er stundakennari við háskóla. Ég gaf honum eitt heilræði. Felldu a.m.k 50% nemendanna.

-Helmingur þeirra eru undir meðalgreind bekkjarins.

Broddstafablinda

Fyrir nokkrum dögum var ég skammaður af Gunnari Erni Heimissyni. það er hverjum [ein]-staklingi hollt að vera skammaður í hófi. Gunnar skammaði mig m.a fyrir að skrifa bríksl en ekki brigsl. Þetta er fín ábending frá Gunnari en lesendum til fróleiks þá þjáist ég af broddstafablindu.

Broddstafablinda lýsir sér þannig að ég á erfitt með að bera fram (og rita) orð sem innifela broddstafi. Í verður -i. Ú verður -u. Bónus-ís verður bonus-is.

Ég smitaðist af broddstafablindu af kærustu sem ég átti einu sinni og hef aldreigi getað losað mig algerlega við hana.

-Ég fæ mér t.d alltaf is.

Slasaðist lítið.

Ég rak augun í skondna frétt á ruv.is. Fyrirsögnin greip mig samstundis og vakti upp ljúfar minningar um áþekka vitleysu. Fyrirsögnin var á þá leið að kona hafi "slasast lítið". Áhugaverð spurning vaknar um hvort það sé frétt í sjálfum sér að kona hafi "slasast lítið". Meiri tíðindi væri sjálfsast í því að konan hefði slasast mikið.

Svona ekki-fréttir vekja kátínu hjá mér.

Rögnvaldur gáfaði, stórskáld frá Akureyri hefur vakið athygli á undarlegum kveðskap sem allir þekkja um að það búi litlir dvergar í björtum sal. Litlir dvergar!.. Auðvitað eru þeir litlir! Þeir eru dvergar!. Enn furðulegra væri ef textinn á þá lund að það byggju stórir dvergar í björtum sal. Hugrenningar vakna um skilgreiningu á dverg. Svoleiðis hugleiðingar eru hollar hverjum þeim sem hefur áhuga á mannlífinu.



Eitt skondnasta ekki-fréttar mál sem ég þekki er þegar Hjalli frændi sagðist næstum því hafa hitt Lionel Richie! Lionel stundaði víst sömu krá í Oxford og Hjalli frændi og var víst nýfarinn þegar frænda minn bar þar að. Ég hló mig máttlausan. Ég veit ekki hvort það var sú staðreynd "að hafa næstum því hitt einhvern" eða að á þessu augnabliki sá ég Lionel fyrir mér í laginu "Hello" þar sem hann er með þráhyggju á blinda stúlku. Eitthvert viðbjóðslegasta myndband tónlistarsögunnar.

-Óborganlegt.

Guðlaugur Þór er ekki lygari

Guðlaugur Þór heilbrigðismálaráðherra segist hafa endurgreitt Hauki Leóssyni andvirði umdeildrar laxveiðiferðar en neitar að sýna fram á kvittun fyrir viðskiptunum. Sú staðreynd gerir orð hans ómerk og gildislaus.

Þau eru jafn gildislaus og ef ég segði að Guðlaugur Þór hefði aldrei greitt Hauki krónu og væri því lygari af ómerkilegustu sort.

Það er hefur s.s jafn mikið gildi að segja að Guðlaugur hafi endurgreitt Hauki Leóssyni og að segja að hann hafi ekki endurgreitt Hauki Leóssyni.

Efinn hangir í loftinu og málið allt. Meðan Guðlaugur Þór sýnir ekki með óyggjandi hætti að hann hafi endurgreitt Hauki Leóssyni umdeilda laxveiðiferð, er Guðlaugur lygari –eða hvað?

Það er svo fjarska auðvelt fyrir hann að sýna fram á millifærslu eða þvímulíkt og koma sterkur út úr þessum stormi, sem maður orða sinna (segist alltaf endurgreiða boðsferðir) ellegar vera sá ómerkingur sem skreytir sig fjöðrum heiðarleikans (segist alltaf endurgreiða boðsferðir) en ástunda hið gagnstæða.

Stóra Toblerone málið.

Í skemmtilegum Kastljósþætti á föstudaginn voru gestirnir Hallgrímur Helgason og Sveinn Andri Sveinsson. Sveinn sem hefur undanfarið komið að umræðunni um sjálftöku stjórnmálamanna minntist þar á "Toblerone-málið" sem kom upp í Svíþjóð 1995.

Í stuttu máli snérist málið um að Mona Sahlin þáverandi ráðherra í ríkisstjórninni notaði kreditkort ríkisins fyrir einkaneysluna sína. Hún endurgreiddi að vísu alltaf til baka og sagðist hafa litið á þessa notkun á kortinu sem fyrirfram laun. Aðspurð sagðist hún hafa notað kortið m.a til að kaupa beyjur og Toblerone. (þaðan sem nafnið á hneykslismálinu er fengið) Hún fór að lokum með málið fyrir dóm þar sem hún hugðist hreinsa nafn sitt. Þar kom m.a í ljós að Sahlin skuldaði mikið fé í stöðumælasektir, skuldaði afnotagjöld af sjónvarpinu, hafði greitt seint og illa peninga fyrir leikskóla barna sinna og hafði haft í vinnu barfóstru sem hún borgaði svart. -Frekar slappur ferlill af mannesku í lykilstöðu í opinberri stjórnsýslu. Í kjölfar Toblerone-málsins sagði Sahlin af sér sem varaformaður Sósíaldemókratanna og hætti þingmennsku ári síðar. Allt um Toblerone-máli hér. [Sænska] [Enska]

Það var því fyrir tilstuðlan blaðamanna Expressen að þetta mál fór af stað. Spurningum á borð við að hvort manneskju sem notaði kreditkort ríkisins fyrir eigin neyslu væri treystandi til þess að gegna ábyrgðarstöðu. Auðvitað er ekkert merkilegt að kaupa Toblerone fyrir peninga ríkisins en það er hugarfarið bak við kaupin sem eru ámælisverð.

Þarna sýndi sig að kerfið virkaði. Fjórða valdið var að standa sig. Nú um stundir sýnist mér íslenskir fjölmiðar vera áhugalausir um fjölmörg mál sem mörg hver eru töluvert alvarlegri en Toblerone-málið í Svíþjóð. Mér þykir t.d sú skoðun Árna Þórs Sigurssonar um að það sé "eðlilegt" að Samgöngumálanefnd Alþingis gisti á hóteli í Reykjavík (þrátt fyrir að allir nema ein búi á höfuðborgarsvæðinu) sæta undrum. Þingmaður með svo slappan siðferðisstuðul hlýtur að vera með eitthvað verra í pokahorninu en þessa asnalegu hótelgistingu.

Hvar á að draga mörkin? Er í lagi að þingmenn eða ráðherrar noti kreditkort fyrir eigin neyslu? Er í lagi að nota smávegis? Ef það er í lagi, þá hvað mikið? Eru þessir opinberu þjónar ekki með nógu mikið kaup til þess að kaupa sér vörur á borði við Toblerone? Eru íslenskir þingmenn með kreditkort? Ef svo er, hverjir. Eru greiðslusögur á svoleiðs kortum aðgengileg almenningi? Er Árni Johnsen með greiðslukort á vegum Alþingis? -Fjölmargar spuringar vakna.

Eins og Jónas Kristjánsson bendir á á blogginu sínu hafa bloggarar tekið við kyndlinum af hinum hefðbundu fjölmiðlum í því að fletta ofan af spilltum stjórmálamönnum. Það er kannski tímana tákn en fjandinn hafið það. Það hlýtur að vera meira púður í blaðmönnum sem starfa á fjölmiðlum landsins. . .

Skammaður.

Gunnar Örn Heimisson skammar mig á blogginu sínu. Hann segir mig vera lélegan í stafsetningu, taglhnýting Jónasar Kristjánssonar og umrita mitt eigin blogg. -Þetta er allt rétt hjá Gunnari.

Ég er frekar slappur í stafsetningu og skrifa frekar hratt á lyklaborðið, því slæðast inn meinlegar villur. Einhverra hluta vegna skrifa ég alltaf "fynnst" en ekki "finnst". Þetta er meinloka.

Ég er líka hrifinn af skrifum Jónasar Kristjánssonar þessa stundina. Sennilega vegna þess að ég er að lesa Chomsky.

Það er bara eitt sem ég er ósáttur við palladóm Gunnars. Ég er ekki "wannabe" intelektúal. Ég er intelektúal. Ekkert "wannabe" í því dæmi. Þessi skoðun, að það sé eitthvað slæmt við að vera intelektúal er í rauninni rannsóknarefni. Það er hálfgert tabú að vera intelektúal og viðurkenna það. En hinu er ekki að neita að það er sjaldan að fólk sé beinlínis bríkslað um að vera intelektúal en það segir hinsvegar mikið um bríkslarann og almenningsálitið sem mótar bríkslarann.

Þessi almenna skoðunn samfélagsins að "itelektúal" sé skammaryrði er ugglaust ein af þeim rótum sem hafa haldið aftur að almennilegri þjóðfélagsumræðu á Íslandi. Ég hef bloggað um hinn sára skort á því að besta fólkið okkar skipti sér að þjóðfélagsmálum og hafi látið stjórmálamönnum eftir að móta þjóðfélagsumræðuna. Sú staðreynd hefur skilað sér í því spillta og súra samfélagi sem við upplifum á hverjum degi. Meir að segja þingmaður VG sem stærir sig af því að vera með hreinar hendur í allir stjórnsýslu finnst eðlilegt að stela frá skattborgurunum.



Auðvitað er alltaf gaman að fá gagnrýni á sjálfan sig og enn skemmtilegra að fá gagnrýni frá Gunna sem birti mynd af typpinu á sjálfum sér á blogginu. :)

- (auðvitað er þetta ekki spottinn á Gunnari Erni, en ég bara varð...)

Varðhundar og stórlaxar

Mér til töluverðra vonbrigða hafa fjölmiðlar lítið fjalla um hneykslismál siðustu daga og vikna. Jónas Kristjánsson bendir réttilega á þetta furðulega ástand mála í grein sem heitir "Hluti af valdakerfinu". Ég tek undir hvert einasta orð hjá þessum frábæra samfélagsrýni.

Blaðamenn virðast engan áhuga hafa á að fletta ofan af spillingu hjá hinu opinbera! Ég sem hélt að það væri hlutverk blaðamanna að varpa ljósi á skuggaspil þeirra sem sólunda skattpeningum borgaranna eða brjóta lögin á einn eða annan hátt.

Í mínum huga eiga blaðamenn með metnað í starfi að líta á það sem ígildi uppstoppaðara laxa að hafa komið því til leiðar að spilltur ráðherra segi af sér.

(Reyndar á Helgi Seljan eina stóra framsóknarhryggnu upp á vegg og Christian Guy Burgess á 3 kjörtímabila sjógenginn stórlax ættaðan úr Vestmannaeyjum.)

Sennilega er þetta vegna þess að blaðamenn skilja ekki hina hefðbundu uppbyggingu vestræns lýðræðiskerfis. Grunnhugsunin í því er að opinberir starfsmenn eru þjónar. Þeir eru í opinberri þjónustu. -Þjónarnir sem eru nú um stundir vinna fyrir okkur eru að stela úr eldhúsinu.

Það sem er kannski alvarlegast í því dæmi er ekki að þeir stela (sem er reyndar hrikalegt), heldur að þeir líta á þýfið sem hluta af starfskjörum sínum. Þeim finnst það eðlilegt að stela. Siðferði slíkra þjóna er á því stigi að óréttlætanlegt er að hafa þá í starfi.

Guðlaugur Þór heilbrigðismálaráðherra er búin að koma sér í svo mikið klandur að það ætti ekki að taka mikinn tíma fyrir sniðugan blaðamann að opinbera það að Guðlaugur tók við mútum, sagðist hafa endurgreitt- en gerði að sjálfsögðu aldrei. Hví er maðurinn ekki krafinn um sannanir um að hann hafi endurgreitt Hauki Leóssyni veiðiferðina umdeildu. Málið lyggur kylliflatt fyrir hvern þann sem villi vinna sér inn stórlax á vegginn.

Árni Þór Sigurðsson sem finnst það "eðlilegt" að gista á kostnað skattgreiðenda á lúxushóteli í Reykjavík (þótt hann búi á Tómasarhaga 17) Það mætti segja mér það að maður með svo sérkennlega siðferðisvitund væri með eitthvað skuggalegra á samviskunni en eina gistinótt á lúxushóteli. Sama gildir um alla nefndarmenn í Samgöngumálanefnd. það er eitthvað meira en lítið að svona (sjálftöku) liði.

Guðni Ágústsson gerði sig sekan um að breyta ræðu sem hann flutti í vetur. Ræðu sem er opinbert plagg. Enginn blaðamaður hefur athugað hvort hann hafi ástundað þessar falsanir eða hvort þett sé leyfilegt, hvort aðrir hafi falsað ræður sínar og hvaða reglur gilda um ræður þingmanna eftir að þær hafa verið fluttar!


-Hylurinn er fullur af spriklandi laxi fyrir duglega blaðamenn. Vonandi endurreisir stéttinn ímynd sína sem varðhundar almennings. Flottir varðhundar sem góma þjófa þegar þeir í skjóli myrkurs reyna að brjótast inn til okkar.

Eðlilegt....

Mér blöskraði eins og fleirum við orð Árna Þórs Sigurðssonar í VG um að umdeild hótelgisting á lúxushóteli hafi verið "eðlileg".

Nú legg ég þann skilning í hugtakið "eðlilegt" að það innifeli einhvernvegin náttúrulega skipan hlutanna. Það er t.d eðlilegt að vatn leitar alltaf niður á við. Það er eðlilegt að lögreglumaður sé í lögreglubúningi. Hugakið er satt best að segja nokkur skýrt.

Það að Árni Þór telji "eðlilegt" að nefndarmenn í Samgöngumálanefnd gisti á lúxushóteli þótt þeir eigi allir heima í Reykjavík*, -er frekar hrollvekjandi

Þetta orðalag kemur nefnilega upp um þá staðreynd að Árna Þór þykir "eðlilegt" að hann og vinir hans gangi í skattfé landsmanna eins og þeim lystir.

Árna Þór þykir þessi sjálftaka, ekki orka tvímælis, ekki vera vafasöm, ekki vera hæpin á nokkurn hátt. Árna Þór þykir þessi sjálftaka "eðlileg". Hann deilir þessari sérkennlegu skoðun reyndar með fleira fólki sem vinnur fyrir hið opinbera því reynslan segir okkur að þetta sé hin almenna skoðun lykilfólks í opinberri stjórnsýslu.

Þeim þykir þetta eðlilegur hluti af starfinu sínu. Þeim þykir það í alvörunni og botna sennilega ekkert í gagnrýnisröddunum sem átelja þá. Það er svolítið sérkennlegt að setja sig í þessi spor að finnast "eðlilegt" að ástunda sjálftöku.

-en lengi má manninn reyna







*aðeins Herdísi Þórðardóttur býr fyrir utan höfðuborgarsvæðið en hún býr á Akranesi. Þó að hún sé sennilega sá sem mest þurfti gistingu þessa nótt, keyrir hún til og frá vinnu og er engin vorkun í því að keyra heim til sín að loknum vinnudegi.

Allir íslendingar gera það án þess að krefjast þess að vinnuveitandinn greiði fyrir sig nótt á lúxushóteli.

Eðlileg sjálftaka

Það voru kunugleg viðbrögð sem heyrðust frá Steinunni Valdísi (formanni Samgöngumálanefndar) og Árna Þór (í Samgöngumálanefnd) þegar þau voru spurð út í umdeilda lúxusgistingu á hóteli í Reykjavík.

-Þetta var eðlilegt.

Árni Þór er í stjórmálaflokki sem gerir sig út fyrir að vera með hreinar hendur í íslenskri pólitík og hefur oft og tíðum virkað sem ljósið í siðferðislegum álitamálum sem upp hafa komið. VG stóð t.d eitt á móti sablæstri REI og GGE. Svandís Svavarsdóttir var sú eina sem sá í gegnum plottið og tókst að forða OR frá því að lenda í höndunum á nokkrum ofurríkum einstaklingum. Hún hefur það sem er kallað á ensku "moral clarity". Því miður deilir Árni Þór þessum hæfileika ekki með Svandísi.

Segjum sem svo að Árni Þór þurfi að láta gera við þakið hjá sér. Hann kallar til pípara og smið til þess að taka út þakið. Iðnaðarmennirnir hittast, skoða þakið hjá Árna og fá sér síðan kvöldverð á lúxushóteli. Þeir gera gott betur og gista líka á þessu hóteli. Senda siðan Árna reikning fyrir herlegheitunum.

Þetta er nákvæmlega svona sem Samgöngumálanefnd hagaði sér. En Árna finnst þetta í lagi og borgar með bros á vör. Þetta er "eðlilegt" í huga Árna Þórs.

Það sem vekur forvitni mína er skoðun samherja Árna í VG um þessa lúxusgistingu. Þau hafa verið grunsamlega hljóð í þessu ógeðfelda máli. Minna hefur þurft til þess að setja flokkinn á annann endan þegar andstæðingar þeirra hafa ástundað sjálftöku.

Gull á Óheiðarleikunum í Peking

Fær Guðlaugur Þór sem hefur gefið út digurbarkalegar yfirlýsingar um að hann hafi alltaf endurgreitt boðsferðir í laxveiði.

Samt neitar hann að sýna fram á að hann hafi hafi endurgreitt Hauki Leóssyni umdeilda laxveiðiferð.

Ef að Guðlaugur Þór væri sá heiðarleika-hnakki sem hann gefur sig út fyrir að vera, ætti hann að fagna því að sýna fram á það svart á hvítu.

Því miður lítur allt út fyrir að yfirlýsingar Guðlaugs um eigin heiðarleika séu orðum auknar. Súrari lygarar eru vandfundir en þeir sem stæra sig af dygðum hverskonar en brjóta gegn þessum sömu dyggðum í sömu andrá.

Ef það keppt væri í lygi á óheiðarleikunum í Peking , væri Guðlaugur ekki silfurverðlaunahafi.

-Hann fengi gullið.

Alkahólískt samband

Það hefur gengið mikið á í íslensku samfélagi undanfarna viku. nokkur alvarleg hneykslismál hafa komið upp á yfirborðið.

• Fyrsta hneykslið var laxveiðiferð til þá verandi toppa OR í boði Baugs og neitun Guðlaugs Þórs heilbrigðismálaráðherra um að sýna fram á að hann hafi endurgreitt ferðina.
  
• Annað hneykslismálið var gisting samgöngumálanefndar á lúxushóteli í Reykjavík þrátt fyrir að allir hótelgestir ættu heimili nokkra kílómetra frá hótelinu.
  
• Guðni Ágústsson var síðan staðin að því að "fegra" ræðu sína um grunnskólalögin þar sem á Alþingisvefnum. Breyting á opinberum plöggum eftirá hlýtur að orka tvímælis sér í lagi þar sem upptökur eru til af ræðu Guðna sem stemmir ekki við hina "fegruðu" ræðu.
• Umdeild ferð Menntamálaráðherra til Kína hefur einnig verið í deiglunni og vegna 4 miljón króna kostnaðar. Fyrir utan þá staðreynd að hún fór 2svar til Kína á fáeinum dögum.
  

Þetta er svona það helsta. Því miður skyggði heimkoma Ólympíufaranna á þessi hneykslismál og satt best að segja blöskraði fólki þegar þingmenn reyndu að baða sig í silfurljóma verðlaunapeninga íslenska handboltaliðsins. En þett er ekki efni þessa bloggs. Efni þessa bloggs eru viðbrögð almennings við þessum rað-hneykslismálum.

Á blogginu og á spjallvefjum fóru menn mikinn í gremju og reiði gagnvart þessum málum en það sem var gegnumgangandi í umræðunni var einskonar sjálfsásökun. Á leiðinni í leikskólann með strákana mína þyrmdi yfir mig að svona umræða er nákvæmlega eins og hvernig fólki sem býr við heimilisofbeldi líður. Þetta er þeim að kenna. Svona upplifa einnig mörg fórnarlömb nauðgana sig. Þetta var þeim að kenna. Makar í alkahólísku sambandi upplifa einnig svona sjálfsásökun. "það er mér að kenna að maki minn drekkur".

Svona hugsunarháttur er afar skaðlegur og meðferð t.d til handa aðstandendum alkahólisma gengur út að að losna við þennan hugsunarhátt.

Staðreyndin er þessi. það er ekki okkur að kenna að Alþingismennirnir og sveitastjórnarmennirnir okkar eru siðspilltir ruddar. það er þeim að kenna. Stjórmálamenn eru kosnir af almenningi til þess að halda tímabundið um stjórntaumana og eiga að umgangast valdið sem þjónar en ekki stjórnendur. -Þeir eru þjónarnir okkar, ekki ósnertanlegt yfirvald.

Ef að ég ræð mann til að sjá um garðinn minn og kemst að því að hann stendur sig ekki í stykkinu og lýgur að mér, þá rek ég viðkomandi. Nákvæmlega sama gildir um stjórnmálamenn. Ef þeir ræna frá okkur eigum við að reka þá.

Sérkennilegt

...að Guðlaugur Þór sem segir sjálfan sig alltaf endurgreiða allar boðsferðir í lax.....

.... Neitar að sýna fram á að hann hafi endurgreitt slíka ferð.

Samgöngumálanefnd Alþingis

Samgöngumálanefnd Alþingis kynnti sér á dögunum vegamál í Reykjavík. Það heyrði til nýlundu að nefndin færi ekki neitt út á land heldur væri þar sem umferðin er mest og því. Venju samkvæmt var samt ákveðið að taka á leigu lúxushótel í Reykjavík fyrir nefndarmenn þrátt fyrir að allir nema einn byggi á höfðuborgarsvæðinu.

Hérna er listi yfir nefndarmenn sem gistu á lúxushótelinu og hvar þeir búa.

Árni Johnsen býr í Rituhólum 5 í Reykjavík
Árni Þór Sigurðsson býr á Tómas arhaga 17 í Reykjavík
Guðjón A Kristjánsson býr í Reykjabyggð 20 í Mosfellsbæ
Herdís Þórðardóttir býr að Bjarkargrund 8 Akranesi
Karl V. Matthíasson býr að Flúðaseli 72 Reykjavík
Ólöf Nordal býr á Reynimel 44 í Reykjavík

Það sem er hrollvekjandi við þessa lúxushótels-gistingu er ekki endilega sú heimska og fordæmalaus fjárjóstur sem felst í þessum gerningi, heldur sjálftöku-hugsunarhátturinn.

"Gerum-þetta-bara-Ríkið-borgar-hugsunarhátturinn" er að því er virðist vera þessu fólki inngróinn. Þau gleyma öll að þau eru þjónarnir okkar, kosnir af almenningi til 4 ára til að fara með ákveðið vald. Meðlimir samgöngumálanefndar líta ekki svo á. Þau líta sem svo að þau hafi valdið til eignar og geti því gert það sem þeim dettur í hug.

-Þjónarnir okkar eru að ræna okkur.

Guðlaugur Þór er heiðarlegur.

Guðlaugur Þór Þórðarson heilbrigðismálaráðherra segist hafa endurgreitt umdeilda laxveiðiferð til Hauks Leóssonar fyrrverandi stjórnarformanns OR. Guðlaugur Þór snýr sér þannig á vissan hátt undan ábyrgð í þessu ljóta máli. Vissulega er það skárra en ekki að endurgreiða svona boðsferðir en eigi að síður er sá gerningur að þiggja slíka ferð ámælisverður.

Guðlaugur segir í frétt á Vísi orðrétt

",Ég setti það viðmið fyrir rúmlega 20 árum þegar ég byrjaði í stjórnmálum að þiggja aldrei boðsferðir frá fyrirtækjum og hef staðið við það og mun að sjálfsögðu gera það áfram," segir Guðlaugur og bætir að að hann hafi einungis verið að þiggja boð Hauks vinar síns þegar hann ákvað að fara með í ferðina"

Þessi afstaða Guðlaugs er til fyrirmyndar. Hann sér eins og flestir skattgreiðendur að boðsferðir æðstu yfirmanna opinberra stofnana er afar hæpnar (svo ekki sé tekið dýpra í árinni).

Það kemur því ferlega á óvart að Guðlaugur neitar að sýna fram á að hann hafi í raun og veru endurgreitt téða laxveiðiferð í boði Baugs! Þetta sætir undrun. Guðlaugur segist standa fyrir heiðarleika og gegnsýni (sbr orð hans hér að ofan) og ætti þvi að taka því fagnandi að sýna það svart á hvítu að hann er maður orða sinna og slíkur prinsippmaður sem hann segir sig vera.

Guðlaugur segst ekki vita "hversu langt maður eigi að opna heimilisbókhaldið" í því að sýna fram á eigin heiðarleika. Hann segir ennfremur að hann taki ekki við kvittunum frá vinum sínum þegar þeir eigi í viðskiptum (með laxveiðiferð í þessu tilfelli). Ef að Guðlaugur á heimabanka þá tekur það um 20 sekundur að prenta út millifærsluna til Hauks Leóssonar.

Með því móti getur Guðlaugur Þór hreinsað nafn sitt af þessum ávirðingum. -Hann kýs samt að gera það ekki!.

Hugsanlega notar Guðlaugur Þór ekki heimabanka og notar bara reiðufé. Hann hefur því greitt Hauki Leóssyni fyrir laxveiðiferðina í sæmilega þykku umslagi!.

-Frekar grunsamlegt satt best að segja.

Einsýnt er að á meðan Guðlaugur Þór sýnir ekki með óyggjandi hætti að hann hafi endurgreitt Hauki Leóssyni þessa laxveiðiferð, er Guðlaugur að ljúga.

Guðni Ágústson er kjáni

Nýjustu tillögur Guðna Ágústsonar í efnahagsmálum eru all í senn broslegar og hrollvekjandi. Broslegar af því hver kjánalegar þær eru og úr tengslum við veruleikann og hrollvekjandi að formaður stjórmálaflokks skuli setja þær fram í alvöru. En hverjar eru þessar broslegu en jafnframt hrollvekjandi tilögur? Jú Guðni Ágúststsson formaður Framsóknarflokksins vill "skipta upp íslenskum bönkum" !

Guðni er s.s að koma með tillögu að þjóðnýta bankana. Hvernig skyldi það svo vera framkvæmt? Jú það er hægt að kaupa hlutabréf í bönkunum og ná eignarhaldið þannig eða setja lög þannig að ríkið geti hirt bankana. Hugo Chavez einræðisherra í Venesúela er iðinn við þetta þessa daganna en það er önnur saga og dapurlegri.

Ásætður þessara þjóðnýtingarhugmynda er að bankarnir munu hafa "farið offari". Samkvæmt þessu má þjóðnýta öll fyrirtæki sem hafa farið "offari". Þjóðnýta fjárfestingafélög, þjóðnýta veitingahús (sem hafa farið "offari") og beinlínis þjóðnýta allan þann rekstur sem að mati Guðna Ágústssonar hefur farið "offari".

Má ekki segja að landbúnaðurinn allur hafi farið "offari" því mér skilst að landbúnaður sé meira og minna á hausnum?

Það hefur sjálfsagt farið framhjá Guðna að í heiminum ríkir bankakreppa sem á rætur til ódýrra húsnæðislána í Bandaríkjunum. Vandræði íslensku bankanna er EKKI sér íslenkskt vandamál. Lausn Guðna á þessari kreppu er svo kjánaleg að öllum meðalsnotrum almenningi fallast hendur.

Sú staðreynd að kjáni stýrir Framsóknarflokknum hefur líka tvær hliðar rétt eins og tillaga Guðna um lausnina á lausafjárkreppunni í heiminum. Tillagan sýnir að Framsóknarflokknum er stýrt af kjána en á hinn veginn er það bara hið besta mál. Það verður gaman að sjá úrslitin úr næstu þingkosningum því ljóst er að flokki sem stýrt er af kjána fær ekki mörg atkvæði.

-0-0-0-0-0-

í lokin og þessu ótengt þá hvet ég lesendur til að kynna sér "leiðréttingar" Guðna á eigin orðum úr ræðustól Alþingis. Hann viðurkennir að hafa "leiðrétt" eigin orð og fegrað þau sér til vegsemdarauka.

Sögufölsun á Alþingisvefnum ! ! !

Ósvífinni ritskoðun hefur verið beitt á vef Alþingis. Ræða Guðna Ágústssonar hefur verið "fegruð".

Matthías Ásgeirsson benti á þetta í blogginu sínu. Óli Gneisti tekur undir. Ég hvet ykkur lesendur góðir að kynna ykkur þetta mál.

Eru fleiri en Guðni búnir að "leiðrétta" það sem sagt var í raun og veru? Eru þetta vinnubrögð sem eru einstök eða almennur háttur alþingismanna? Óteljandi spurningar vakna.

Getur virkilega verið að Guðni Ágústsson hafi vísvitandi breytt ræðu sinni á Alþingisvefnum? Ef svo er, hversvegna gerði hann það? Skammaðist hann sín fyrir ræðuna sína?

Er ekki alvarlegt að breyta opinberum gögnum á borð við ræðum Alþingismanna?

Ógeðfeld uppgötvun.

.
Við fjöskyldan á Ormebacksgötunni ætum að vera um jólin á skíðum. Þetta er vinsælt skíðasvæði í Svíþjóð og hófsamt hvað brekkur varðar og verð á skíðeríinu. Það finnst mér amk. Nokkrir póstar hafa gengið á milli fjölskyldanna sem förum í þessa ferð eins og gengur.

Mér til mikils hryllings uppgötvaði ég að það birtist auglýsing á Gmailinu hjá mér (hægra megin í renningi) þar sem auglýst er "vintersport i Salen".

Augljóst er að Google er með forritsbút sem les bréfin manns (eftir e-m) lykilorðum og birtir auglýsingar í samræmi við innihald bréfsins. -Ég er alvarlega að spá í að skipta um póstforrit.

Hérna er skjáskot af þessari ófyrirleitnu auglýsingu. Ég strokaði yfir nöfn og þ.h í bréfinu enda kemur það ekki málinu við

Góð grein á vantru.is

Ég mæli sterklega með grein Ásgeirs Bergs Mattíassonar sem heitir „Hvers vegna er eitthvað til fremur en ekkert?“ : Gunnar Jóhannesson og heimsfræðirökin . Þar svarar Ásgeir sérkennilegri guðssönnum séra Gunnars Jóhannessonar.

Það er ljóst að guðsmynd hinna "nútímalegu" presta er fjarri þeim guði sem sagt er frá í Bibíunni. Samkvæmt guðfræði nútíma prestanna er guð einhverskonar afl bakvið hið óútskýranlega. Guðinn í Bibíunni er því miður allt öðruvísi.

Richard Dawkins lýsir honum vel.

Minority Report

Ég sá "Minority Report" í gær. það er nokkuð góð mynd. Endirinn er reyndar full klysjukendur. Max Von Sydow sem "vondi". Þessi mynd á að gerast í kringum 2050 og framtíðarsýnin er hrollvekjandi. Ekki síst fyrir áengar auglýsingar sem eru allsstaðar. Dagblöðin eru nettengd og uppfæra nýustu fréttir. Hreyfimyndir eru í dagblöðum, utan á kókópuffsinu og á öllu veggplássi. Persónulegar auglýsingar sem sjá hver þú ert og heilsa manni með nafni.

Myndin er frá árinu 2002 og er hefur elst vel. Slatti af framtíðarsýn höfunda hennar er að birtast nú um stundir. Næfurþunnir skjáir sem eru allsstaðar. Ég held að Spielberg hafi verið með þessar mynd að vera svolítið "harðari" en venjulega. Þessi mynd er í hasarblaðastíl og ber að taka þannig. Maður nýtur hennar ekki ef maður heldur að hún sé "alvarleg" eða það vanti uppá samtölin eða þ.h.

Athyglisvert er að 2 Svíar eru "vondu" Max Von Sydow og Peter Stormare.

Klósettraunir og leikskóli

Ég losaði stýfluna klukkan 12 í dag. Skrúfaði Gústafsberginn frá gólfinu og losaði það sem fyrir var. Því miður var það ekki bara legókubbar heldur líka tannbursti og kremtúba. Og nokkrir metrar af klósettpappír. Úff!

Kannski gerist ég klósettkafari hérna í Swe. -Losa stýflur fyrir fyrir Svía?

Ég þreif mig síðan hátt og lágt og skúraði gólfið á salerninu. Síðan náði ég í strákana í leikskólann. Fyrsti dagurinn þeirra gekk vonum framar. Þeir átu á við 4 sænksa og það er vel.

Núna bíðum við eftir Ingunni.

Svar Paragvæ við Völu Flosa...

...... ! !

Tímamót

Núna loksins loksins eru strákarnir byrjaðir á leikskóla. Þeir verða 5 klst á dag til að byrja með. Ég hef þá verið heimavinnandi í 5 mánuði. Að vera heimavinnandi með 2 litla krakka er allt að því mannskemmandi. Auðvitað er gaman að vera með sonum mínum en 24 tima á dag í 5 mánuði er bara of mikið af því góða.

Það er ástæða fyrir því að fólk skiptir lífinu sínu mili heimilis og vinnu. Þetta er besta kerfið.

Núna hefst nýr kafli í mínu lífi þar sem ég þarf að redda mér vinnu næstu 11 mánuði eða svo. Mér er slétt sama hvað ég tek mér fyrir hendur en ætla fyrst að tékka á tölvubransanum hérna í G-borg. helst hjá DELL því það eru eins og allir vita lang bestu tölvurnar.

Í fyrsta fríinu mínu heima slappaði ég bara af. Horfði smá á DiscoveryChannel (fróðlegur þáttur um Katrínu miklu) og smellti mér í bað. Klukkan 12 tekur alvaran við því ég þarf að taka vatnið af húsinu, skrúfa klósettið af og ná í Lego-Dubló kubb sem synir mínir stífluðu klósettið með.

Gaman gaman.

Silfrið á CNN

Ég var að horfa á CNN í gær. Þar var m.a sagt frá helstu úrslitum dagsins á OL. það vakti athygli mína að fréttamaðurinn sagði frá því að Ísland hefiði unnið silfur. Hann tiltók ræddi svo um leiðina að úrslitaleiknum, áhugan á Íslandi og Ólaf Stefánsson. Svo klikkti hann út á því rétt í blá-lokin að Frakkar hefuðu unnið gullið... :)

-Gaman að þessu..

Risastór öryggislykill

Öryggislyklarnir hérna í Swe eru RISA-STÓRIR. Þetta er mynd af minum. Ekki nóg með að þetta séu hinir mestu hlunkar, þá er mikið flóknara að pródúsera með þá. maður þarf að skrá inn 2svar. Við byrjun og enda hverrar færslu.

Þjóðin sem fann upp öryggisbeltin tekur sko enga sjensa á netinu.

Alvöru þjóðsöngur.

Mikið er franski þjóðsöngurinn flottur. Alvöru mars með nettri dramatík um miðbik og enda. Í íslenska þjóðsöngun sameinast leiðinlegt lag, erfitt sönglag og ömurlegur texti.

"Titrandi smáblóm".. -Ullabjakk.

..Ekki bara vöðvar

Það var kostlegt að fylgjast með leiknum á Eurosport. Sænskir íþróttafréttamenn héldu heldur betur með Íslandi. Skemmtilegast var þegar það HEYRÐIST í Adólfi Inga, íþróttafréttamanni RUV. Hann yfirgnæfði Svíana þótt hann væri að tala fyrir RUV en ekki Eurosport.

Sænskum þótti þetta afar fyndið enda ekki á hverjum degi sem svo mikið gangi á að Íslenska heyrist hrópuð í tryllingi sigurvímunnar í bakgrunni á íþróttaviðburðum.

Sænsku íþróttafréttamennirir voru eins og áður segir afar hrifnir af leik liðsins. Sérstaklega Ólafi Stefánssyni. Þeir minntust einnig á Sigfús Sigurðsson og sögðu hann vera 130 kílóa tröll en það væri ekki bara vöðvar á maganum á honum :)

Útsala í dýrustu laxá landsins.

Komið hefur í ljós að veiðiferðin i boði Baugs mun hafa kostað Hauk Leósson um hálfa miljón í stað 1,8 miljóna sem er raunverð. Hann mun því hafa fengið þessar stangir á sannkölluðum Bónuskjörum.

Mér finnst þetta vera alltsaman hið grunsamlegasta mál. Hvaða sannanir eru fyrir því að Haukur hafi í raun greitt fyrir stangirnar? Hvaða sannanir eru fyrir því að Guðlaugur Þór hafi endurgreitt Hauki? Ef að rétt reynist, að Guðlaugur hafi í raun endurgreitt Hauki sinn hluta, hvað gerði Haukur við féð? Hirti hann það ellegar lét hann Baug fá það aftur?

Það þarf engann spesíalista til þess að fatta að svona boðsferðir eru ígildi beinharðra peninga eins og sannast í þessu dæmi.

Það er með algerum ólíkindum að svona mútur tíðkist. Það er einnig með ólíkindum að fulltrúar almennings skuli vera svo einfaldir að sjá ekki tilganginn með svona laxveiðiferðum. Það er ljóst að ekki er hægt að treysta á siðferðiskennd kjörinna fulltrúa og það verður því að setja skýrar reglur og lög um svona múturferðir.

Hugsanlega líta kjörnir fulltrúar almennings á svona boðs eða mútuferðir sem hluta af ávöxtum valdsins og telja það eðlilegt að "njóta dagsins". það viðhorf var allavega ríkjandi fyrir ekki svo mörgum áratugum. Þessu tímabili er lokið. Því miður fyrir marga. Aðgangsharka fjölmiðla, virkt bloggsafélag og upplýstur almenningur krefst þess að mútur til handa stjórmálamönnum tilheyri fortíðinni en ekki nútiðinni.

Fyrir nú utan það smekkleysi þeirra sem völdin hafa hverju sinni að finnast það eftirsóknarvert að vera í ölvunarástandi út í fagurri á, búnir að míga bjórnum í vöðlurnar.

Boðsferð í lax breytist í peninga.

Þegar Guðlaugur Þór endurgreiddi Hauki Leóssyni 550.000 krónur vegna laxveiðiferðar í boði Baugs, hlýtur Guðlaugur að hafa millifært upphæðina inn á reikning Hauks. Varla hefur hann greitt honum í reiðufé.

Hvað gerði Haukur Leósson við peningana! Getur verið að Haukur hafi látið féð aftur til Baugs? Eða hirti hann það bara sjálfur?

Það verður að skoða þetta mál nánar því ef Haukur hefur haldið fénu er hann orðin sekur um mútuþægni. Ef að Gunnlaugur Þór hefur ekki greitt Hauki, hefur hann gerst sekur um lygi.

Þessir gaurar verða að gera betri grein fyrir þessum peningum.

Hauki Leóssyni var mútað.

Ef það er rétt sem Guðlaugur Þór heldur fram að hann endurgreiddi Hauki Leóssyni 550.000.- krónur...

Endurgreiddi Haukur Leósson Baugi til baka þennan pening? Breyttist gjöfin frá Baugi skyndilega í reiðufé í meðförum Hauks?

Nú kann það að vera að 550.000.- krónur séu smáræði í vasa Hauks Leóssonar en líklegt er að aðrir starfsmenn Reykjavíkurborgar líti ekki sömu augum á málið.


Ljóst er að Hauki Leóssyni var mútað af Baugi til að liðka fyrir samblæstri REI og Geysir Green Energy.

Svona liggur þá í því.

Haukur Leósson þáverandi stjórnaformaður OR fær "gefins" nokkrar stangir í dýrustu laxveiðiá landsins frá Baugi. Haukur býður síðan Vilhjálmi Þ Vilhjálmssyni (borgarstjóra), Birni Inga Hrafnssyni (þáverandi varaformanni stjórnar Orkuveitunnar og RE), Guðlaugi Þór Þórðarsyni (Fyrrverandi stjórnarformanni OR) í lax. verðmæti þessarar gjafar er um 550.000 fyrir hvern þeirra þriggja.

Mánuði síðar er gerð tilraun til þess frá Baugi ( í gegnum FL-Group) að sölsa undir sig Orkuveitu Reykjavíkur.

-o-o-o-o-

Guðlaugur Þór segist hafa endurgreitt sinn hluta enda vandur að virðingu sinni. Væri þá ekki ráð að fara fram á að Guðlaugur sýndi fram á það með einhverjum hætti? Hann gæti t.d sýnt fram á millifærslu eða þvíumlíkt. Það er bara faglegt og eykur traust.

Hugsanlega hefur Guðlaugur þó greitt Hauki Leósyni í reiðufé og erfitt að sýna með beinum hætti fram á það að Gulli hafi greitt Hauki. Ágætu lesendur. Hvað er að þessari mynd!

Guðlaugur Þór heilbrigðisráðherra og fyrrverandi stjórnarmaður í OR lætur Hauk Leósson fá umslag með 550 þúsund.

- - Smá hush-hush en enginn glæpur..

Í boði Sjálfssóknarflokksins

Þegar forseti Kína kom einhverntíman í opinbera heimsókn til Íslands upphófst mikið leikrit. Jógaiðkendur kenndir við Falun Gong voru handteknir í stórum stíl og settir í einangrunarbúðir í hrauninu við Grindavík. Þeir mótmælendur sem komust til landsins í gegnum síu íslenskra stjórvalda létu það ekki stoppa síg og röðuð sér meðfram Hverfisgötunni til þess að mótmæla.

En viti menn!. Stuðningsmenn kínverska forsetans mættu einnig og vopnaðir gríðarstórum fánum. Fánana breiddu þeir síðan út þannig að þeir skyggðu á mótmælendur forsetans. Þetta skapaði að sjálfsögðu nokkra núninga og ég man sérstaklega eftir Sigurði A þar sem hann tuskaðist við kínverskan námsmann.

Mér datt þessi saga hug þegar ég las um að stuðingsmenn nýjasta meirihlutans í Reykjavík ætluðu að mæta um leið og stuðnginsmenn minnihlutans í Reykjavík. Sjálfstæðis og Framsóknarfólk er hvatt til þess að mæta snemma (til þess að ná dýrmætu plássi á pöllunum) til að andstæðngarnir fengu ekki plássið.

Hver sá sem datt þessi smölun stuðningsmanna nýjasta meirihlutans ætti að taka pokann sinn. Með þessu móti er TRYGGT að fjöldi mótmælenda verður mikið meiri en ella. Mér þykir reyndar furðulegt að þessi smölun hafi farið af stað. Mótmælendur hafa sagst ekki ætla að fara inn á pallana (sennilega af tillitsemi við borgarfulltrúa) og standa fyrir utan Ráðhúsið. Samt ætla Sjálfssóknarmenn að mæta með staðgenglana sína á palla Ráðhússins!

Ég treysti á að Hanna Birna geri engar bommertur. Haldi stillingu og með bros á vör.

Ætti ekki að koma á óvart.

Frétt þess efnist að Baugur hafi boðið helstu forkólfum Orkuveitunnar í laxveiði rétt fyrir REI-bræðinginn ætti ekki að koma á óvart. Allar helstu ákvarðanir eru oftast teknar undir svona kringumstæðum. Útfærslan er síðan gerð á opinberum vetvangi.

Mýtan um reykfylltu herbergin er ekki mýta heldur veruleiki.

Ég hélt að þetta vissu allir og fréttin þ.a.l ekki frétt.

Sjálfur hef ég séð menn í svona veiðiferðum og það er satt best að segja hálf sorglegt. Forstjóri í ölvunarástandi, að þykjast vera að veiða út í á, er ekki fögur sjón. Ég man eftir forstjóra í opinberri stofnum sem var búin að drekka svo mikið að hann meig því sem hann hafði innbirt í vöðlurnar sínar.

Það sullaði svo í hlandinu í hverju spori.

Lúxusgildran

Það eru ferlega skemmtilegir þættir á stöðu 3 í sænska sjónvarpinu. Þættirnir heita Lyxfällan og eru einskonar raunveruleikasjónvarp. Tveir fjármálaráðgjafar fá til sín fólk sem er með allt niðurm sig fjárhagslega. Vandinn er skoðaður, greindur og lagaður. Allar skuldir viðkomandi eru settar saman, mánaðarleg útgjöld og tekjur viðkomandi. Síðan er komið með tillögu að sparnaði og jafnvel farið með viðkomandi í bankann og samið um skuldbreytingu.

Þetta eru þættir sem allir ættu að tengja við á einhvern hátt og oft og tíðum liggur vandamálið ljóst fyrir. Svíjar eru reyndar ekki með yfirdráttarskuldir og skulda því sennilega minna en Íslendingar. Kreditkortanotkun er vandamál í Svíþjóð eins og á Íslandi og margir hafa farið flatt á plastinu.

Hérna er dæmi um efnistök Lyxfallan. Sniðugur þáttagerðamaður ætti að kópía þennan þátt upp á íslensku. Svona þáttur gæti skipt sköpum fyrir marga og vakið fólk til umhugsunar um eyðsluna sína.

Bönnuð IKEA auglýsing..

það er ekki oft sem auglýsing frá IKEA er bönnuð. Þessi auglýsing er alveg óborganlega fyndin. það andar nettri Hrafns Gunnlaugssonar-stemningu í þarna. Svo ógeðfeld er hún.

Hræsni

Fréttaflutningur af innrás Rússa inn í Georgíu er með eindæmum. Allir virðast hafa gleymt að það var fávís forseti Georgíu sem ruddist með her inn í afar umdeilt landssvæði þar sem 90% íbúanna eru Ossetar með rússnesk vegabréf. Ekki nóg með að Georgíuher ruddist inn með ofbeldi þá drap hann 10 rússneksa friðargæsluliða og drápu um 2000 Osseta þar með talin konur og börn. Héldu þeir virkilega að Rússar myndu horfa framhjá þessu!

Þetta er álíka og ef Serbar hefðu ráðist inn í Kosovo með alvæpni, dræpu 10 Bandaríska friðargæsluliða og fremdu óhuggulega stríðsglæpi.

Vestrænir fjölmiðlar ná ekki upp í nasir sér af hneykslan yfir innrásinni. Auðvitað eru Rússar grimmir, vitlausir og óvægnir. Þeir skera sig reyndar ekki á neinn hátt frá öðrum herjum hvað það varðar. Stríð kallar fram það versta í mönnum.

Vonandi lýkur þessu ógeði sem fyrst. Tapararnir í mínum huga eru vestrænir fjölmiðlar. það er ekkert að marka þetta rugl sem þeir skrifa.

Hérna er frétt um stríðið á upphafstdögum þess.

Ólafur Flokkaflakkari.

Farsinn heldur áfram. Ólafur F er gengin aftur í Frjálslynda flokkinn. Áður hafði hann verið í Íslandshreyfingunni. Þar áður í Frjálslynda flokknum og þar áður í Sjálfstæðisflokknum.

Ólafur Flokkaflakkari hefur því farið kollhnýs afturábak og með skrúfu og twisti inn í Frjálslynda flokkinn. Reykvíkingar sem hélt að dellunni færi að ljúka verða að bíða um sinn. Það er alger óskhyggja og þess sennilega að vænta að Ólafur Flokkaflakkari finni sér annan flokk til að flakka í áður en farsanun lýkur.

Í frétt af kollnhýs Ólafs flokkaflakkara inn í Frjálslyndaflokkinn segir:

Ólafur F. Magnússon borgarfulltrúi boðaði til blaðamannafundar klukkan 11:00 í Ráðhúsi Reykjavíkur í morgun. Þar tilkynnti Ólafur að hann hygðist ganga í Frjálslynda flokkinn og bjóða fram undir merkjum hans í næstu kosningum.

Ólafur sagðist hafa rætt við Guðjón Arnar Kristjánsson, formann flokksins, sem styður ákvörðun Ólafs. Á fundinum vitnaði Ólafur einnig í minnisblað sem samið var á fjármálaskrifstofu borgarinnar en þar er gert ráð fyrir því að launakostnaður borgarinnar dragist saman um átta prósent auk þess sem dregið verði úr yfirvinnu.

Var ekki allt í sómanum þegar Ólafur var borgarstjóri. Svo var amk að heyra. Er skyndilega allt komið í kaldakol? Hvurskonar rugl er þetta?

Að sögn Ólafs eru þessar hugmyndir enn í vinnslu en að þær sýni glögglega þá slæmu stöðu sem uppi er í fjármálum borgarinnar. Ólafur segist standa fyrir trausta og ábyrga fjármálastjórn, og til þess að unnt sé að koma í veg fyrir að þessar humgyndir verði að veruleika, þurfi menn að hætta við „milljarða gæluverkefni" sem borgarfulltrúar Sjálfstæðisflokksins hafi sýnt áhuga á. Aðspurður hvaða verkefni hann ætti við nefndi hann hugmyndir um stokk frá Geirsgötu og út í Ánanaust sem dæmi.

Einn borgarfulltrúi Sjálfstæðisfllokks sammála Ólafi í Laugavegsmálinu

Á fundinum fór Ólafur í löngu máli yfir baráttumál sín og stefnu auk þess sem hann ræddi samskipti sín við sjálfstæðismenn í meirihlutanum. Hann sagði að samstarfsmenn sínir í meirihlutanum hefðu í mörgum málum viðhaft óvönduð vinnubrögð við ákvarðanatöku og nefndi hann sérstaklega kaupin á húsunum við Laugaveg 4-6 í því samhengi.

Hvað varð um samstöðuna og þann góða anda sem Ólafur var alltaf að básuna um þegar hann var borgarstjóri? Var Ólafur bara að plata?

Hann tiltók sérstaklega að einn borgarfulltrúi Sjálfstæðisflokksins hefði verið sammála borgarstjóra að í því máli hafi verið farið of geist. Þegar blaðamenn gengu á hann og spurðu hvaða borgafulltrúa hann ætti við neitaði hann að gefa það upp. Hann sagði þó að borgastjórnarflokkur Sjálfstæðisflokksins væri svo margklofinn að hann væri í raun óstarfhæfur.

Hví segir Ólafur ekki hvaða borgarfulltrúa hann á við? Er það leyndó. Reykvíkingar eiga heimtingu á því að vita þetta. Var meirihlutinn F og D lista virkilega svona morkinn? Þvert á það sem Ólafur hélt fram?

Ólafur sagði einnig afskaplega mikilvægt að þau mál sem hann stendur fyrir eigi sér málsvara í næstu kosningum, annars sé hætta á að „ungir og óreyndir" stjórnmálamenn taki til dæmis upp á því að flytja flugvöllinn úr Vatnsmýrinni.

Er Ólafur að tala um alla borgarfulltrúa nema sjálfan sig? Á virkilega að reyna að höfða til þeirra sem vilja flugvöllin kjurt til þess að halda honum sjálfum inni fyrir næstu kosnningar?

-o-o-o-

Ef það er til stjórmálamaður sem misst hefur trúverðugleika þá er það Ólafur flokkaflakkari. það er hreinlega ekkert að marka neitt sem hann segir.

Ballið er byrjað : )

Ekki hlaut nýji meirihlutinn í Reykjavík byr í seglin fyrstu metrana. Þetta byrjaði þó á léttu nótunum. Nafnið á nýju stjórninni er hið skonda nafn "Carry On-stjórnin" með vísun í endalausan flokk breskra grínmynda. Síðan þegar haldið var úr vör þá pusaði fyrst duglega yfir nýju borgarstjórnina.

• Marsibil ekki vera með og segir sig úr Framsókn. Meirihlutinn er því jafn veikur og meirihlutinn með Ólafi F

• Gísli Marteinn fara í nám en sitja sem fastast sem borgarfulltrúi í stað þess að kalla til varmann. Þetta mun skaða nýja meirihlutann og vekur hneykslan langt inn í raðir Sjálfstæðismanna. Gísli var ekki kosinn til þess að sitja tvo fundi í mánuði. Starf borgarfulltrúa er fullt starf.

• Ólafur F dylgjar svo endalaust um samstarfið við Sjálfstæðiflokkin sem sveik hann. Trúverðugleiki Ólafs er reyndar af skornum skammti en á móti kemur veit hann hvernig hlutirnir ganga fyrir sig innan vébanda Sjálfstæðisflokksins.

• Skoðanakannarir sýna að skaðinn eftir bommerturnar þegar Villi var borgarstjóri eru ennþá að skemma fyrir Sjálfstæðisflokknum. 25% fylgi er nánast helmingur af hefðbundu fylgi flokksins í Reykjavík.

Ef ég ætti að gefa nýja meirihlutanum heilræði þá væri það að taka andstæðinga sína svolítið á orðinu og gera svolítið úr "Carry On" stymplinum. Hafa gaman að þessu. Vinna vel og örugglega og brosa. Hanna Birna er góður borgarstjóri. Hún á að leiða flokkinn sinn út úr þessum vandræðum og endurvinna traust borgarbúa á stjórnmálunum sem ástunduð eru í ráðhúsinu.

Nú er ballið byrjað og Sjálfstæðisflokkurinn ætti að smella af sér hlekkjum feimninnar, stíga á þjöl og taka nokkur stuðmannahopp í takt við e-a tryllta sígaunatónlist. Sýna hóværð, mennsku og auðmýkt.

-En allt eru þetta deyjandi hugtök eins og allir vita.

Gandri hittir naglann á skallann.

Stórgóð grein Guðmundar Andra birtist í Vísi og í Fréttablaðinu. Guðmundur Andri er einn af okkar bestu samfélagsrýnum og sannar það svo um munar með þessari grein.

Ég hvet alla til að lesa greinina hans Guðmundar.

Pat Jennings

Ég kann að meta Pat Jennings. Hann er fellur vel að geði mínu.

Pat Benatar

Ég hef aldrei verið mikið fyrir Pat Benatar.

Svíar byggja 6000 vindrafstöðvar

Svíar ætla að bregðast við aukinni orkuþörf með því að fjölga vindrafstöðvum úr 900 í 6000. Reynslan af slíkum stöðvum er góð og vindrafstöðvabransinn blómstrar sem aldrei fyrr. Efnahagsmálaráðherra Svíþjóðar, Maud Olofson segir að vindrafstöðvar muni hafa afgerandi áhrif í því að ná markmiðum EU um orkuöflun. Sjá hér.

Þetta er ánægjuleg frétt og ætti að vera Íslendingum hvatning um að setja upp nokkrar vindrafstöðvar til reynslu. Ísland er mun heppilegra til fyrir vindrafstöðvar en Svíþjóð. Sambland af vindrafstöðvum og vatnsafslvirkjunum myndi reynast okkur Íslendingum happadrjúgt. Á veturnar minnkar oft raforkuframleiðsla vatnsaflsvirkjanna (vegna minnkandi rennslis og íss) og vindurinn gæti skaffað okkur það sem upp á vantaði. Ég sé t.d fyrir mér að lítil og meðalstór sveitarfélög gætu verið sjálfum sér nóg varðandi orkuöflun með orku úr vindrafstöðvum. Vestmannaeyjar, Selfoss, Hveragerði, Hella og Þorlákshöfn eru staðir sem eru fullkomnir fyrir vindrafstöðvar. Mikill og stöðugur vindur.

Ísland er miklu vindasamara en Danmörk og Svíþjóð þrátt fyrir það enginn vindrafstöð sé til á Íslandi. Mér segir svo hugur að vindurinn skipi álíka flokk og fisktegundir á borð við karfa og steinbítur fyrr á tímum. En þeim fiskitegundum var einfaldlega hent ef hann slæddist með í íslensku trollin. Það var ekki fyrr en síðar að íslendingar fóru að nýta þá auðlind sem aðrar fiskitegundir en þorskurinn var.

Það sem er svo frábært við vindrafstöðvar er það að þær eru ódýrar, umhverfisáhrif vegna þeirra eru afturkræf og þær er hægt að setja upp á flestum stöðum á landinu. Vindrafstöð er hægt að kaupa tilbúna til uppsetningar og virðuleg fyrirtæki á borð við General Electric framleiða slíkar stöðvar og mikil reynsla og þróun hefur átt sér stað í vindrafstöðvum.

Mér finnst að ríkisstjórnin ætti a.m.k að stuðla að því að prófa vindrafstöð á einhverjum góðum stað og taka saman reynsluna. Það kostar smáræði viðað við miljarðana sem vatnsaflsstöð kostar. Við höfum engu að tapa og allt að vinna.

Dramatískur Villi.

Ástæðan fyrir lélegri útkomu Sjálfstæðis og Framsóknarflokks í borgarstjórn er sú að fólki var ofboðið valdafíkn Sjálfstæðisflokks. Sjálfstæðisflokkurinn setti öll baráttumál sín til hliðar og tók upp stefnuskrá F lista í þeim tilgangi að fella Tjarnarkvartettinn. Þetta eru vinnubrögð sem eru fyrirlitleg. -Þetta gleymist ekki.

Skaðinn sem Vilhjálmur Þ hefur kallað yfir flokkinn sinn er yfirgengilegur. Fyrst með REI-ruglinu (þar sem afhenda átti verðmætasta fyrirtæki Reykvíkinga í hendur FL - Group) og svo með útsölunni á stefnumálunum til þess að komast að kjötkötlunum aftur. Afleiðinginn er sú að helmingur kjósenda Sálfstæðisflokksins hefur yfirgefið hann.

Sé saga Villa í borgarstjórn skoðuð er hún afar dramatísk. Shakespeare hefði ekki getað gert betur. Villi hefur verið maður númer 2 í valdakerfi Sjálfstæðisflokksins um áratugaskeið. Þegar Davíð fór úr borgarstjórastólnum var hann ekki eftirmaður þrátt fyrir að vera eðlilagasti kosturinn. Fengin var Markús Örn. Þegar Markús Örn klikkaði var aftur gengið yfir Villa af flokknum og Árni Sigfússon fenginn sem borgarstjórnarefni. Svo vann R-listinn sigur og stjórnaði borginni í 12 ár. Inga Jóna var oddviti Sjálfstæðismanna lengst af þeim tíma. Enn var gengið framhjá Villa. Loksins þegar hyllti undir sigur í borginni og eftir spennandi prófkjör fékk Villi loksins fyrsta sætið og vann barasta borgina og myndaði meirihluta með Framsókn.

Það má með sanni segja að Villi hafi sko aldeilis ætlað að sýna og sanna að hann gæti þetta. Ekki sýst fyrir samherja sína sem vantreystu honum ítrekað. Svo "lenti" hann í REI málinu. Var gabbaður og hröklaðist frá völdum.

Ég er þess fullviss ástæðan fyrir myndun meirihlutans með Ólafi F sé meira og minna persónulegur harmleikur Villa því hann setti allt í sölurnar til þess að vinna borgina aftur. Villi ætlaði ekki vera maðurinn sem tapaði borginni á svo snautlegan hátt. Þessvegna fóru stefnumálin á útsölu og Tjarnarkvartettinn sprengdur og Ólafur F gabbaður til samstarfs.

Nú er staðan þannig að það er Villi, maðurinn sem vildi sýna öllum og sanna að hann gæti verið borgarstjóri, er sá sem hefur skemmt mest fyrir Sjálfstæðisflokknum í Reykjavík. Villi er eitraða peðið. Hann er draumur andstæðinga sinna. Maðurinn sem eyðilagði glæsilega sögu Sjálfstæðisflokksins í Reykjavík.

Sálfstæðisflokkurinn mun eiga undir högg að sækja svo fremi sem Villi er í borgarstjórnarflokki Sjálfstæðisflokksins. Þetta er tragísk saga. Strákurinn sem var alltaf varamaður í fótbolta og fékk aldrei að spila. Loksins þegar hann fékk tækifæri með liðinu skorar hann sjálfsmark og leikurinn tapast.

Maðurinn sem vildi sanna sig fyrir samflokksmönnum sínum og klúðrar svo dæminu á ögurstundu.

-Villi er sambland af Ríkharði 3ja og Claudíusi keisara.

Ófullnægandi frétt.

Í nýlegri frétt um Ásrúnu Kristjánsdóttur borgarfulltrúa Framsóknarflokksins útskýrir hún frá því að frá samskipta erfiðleikum við Björn Inga Hrafnsson.

,,Björn Ingi kom ekki vel fram en ég vildi gefa honum möguleika," segir Ásrún sem að lokum sagði sig úr flokknum. ,,Hann kom í veg fyrir að ég gæti unnið að mínum málum en ég er hönnuður og myndlistarmaður og hef starfað sem slíkur í meiri en fimmtán ár."

Þarna vantar frekari upplýisngar. Hvaða aðferðum beitti Bingi til þess að Ásrún gæti ekki unnið að sínum málum. Á hún við að Bingi hefði staðið i vegi fyrir hennar pólitísku málum eða á hún við að Bingi hafi á einhvern hátt staðið í veg fyrir að hún gæti unnið að iðn sinni og list?

Er þetta bara klaufalega orðað hjá blaðamanni eða stóð Bingi í vegi fyrir því að þessi ágæta kona gæti stundað sína list?

-Þetta þarf að skýra betur.

Íslensk intelígensía

Prófessorar og lektorar hafa ekki áhuga á samfélagsmálum. Besta fólkið neitar að hafa skoðun. Mér skilst að einu hitamálin í intellígensíunni sé rifrildi um skrifstofur í Háskólanum. Þetta er miður. Besta fólkið á að sjálfsögðu að tjá sig um mál sem eru í deiglunni hverju sinni. Af hverju skrifa læknar ekki um kuklara sem hafa fé af veiku fólki?

Af hverju skrifa sálfræðingar ekki um þá fjárplógsstarfsemi sem þrífst í kringum fólk sem orðið hefu fyrir áfalli. Af hverju tjá viðskiptafræðingar eða hagfæðingar sig ekki um kosti og galla þess að taka upp evru. Af hverju eru heimsspekingar ekki meira áberandi í þjóðfélagsumræðunni. Þeir sem einmitt ættu að hafa sem hæst. Intelígensían hefur afar mikilvægu hlutverki að gegna fyrir almennilegt samfélag. Hún að leiða og útskýra þjóðfélagsumræðuna hverju sinni.

Við höfum látið stjórnmálamönnum eftir að leiða umræðuna í samfélagnu. það er miður. Þeir eiga að vera hluti af henni en það er fasískt einkenni ef stjórmálamenn leiða umræðuna.

Nú fyrir skömmu bloggaði heimsspekingurinnn Stefán Valdimar um málfar á tiltekinni bloggsíðu og eins og gefur að skilja túlkuðu vitleysingar internetsins á þann hátt að hann vildi BANNA sumar bloggsíður. Augljóst er að við suma verður ekki tjónkað. Mér þykir framtak Stefáns vera frábært. Þarna er hann að skipta sér af málum sem eru í deiglunni í stað þess að sitja spekingslegur og spekúlera hvaða skrifstofuherbergi hann girnist mest. Sigríður Þorgeirsdóttir lektor var einnig áberandi í umræðunni um stjóriðjumál.

Besta fólkið okkar á að skipta sér af. Við getum ekki látið vitleysingunum eftir að leiða þjóðfélagsumræðuna. Heimskan hefur verið færð upp á stall og heimskudýrkun þykir ekkert merkileg. Er orðin að normal ástandi. Orð Dr. Kings koma í hugann:

"Yet our best trained, best educated, best equipped, best prepared troops refuse to fight! Matter of fact, it's safe to say that they would rather switch than fight!"

Höfum hugfast....

Að 50% landsmanna eru undir meðalgreind.

Rifrildi á blogginu

Hressandi rifrildi á blogginu hefur geysað síðustu klukkustundir. Stebbi Valdi er að hneykslast á Dröfn Ösp Snorradóttur. Aðallega fyrir málfar. Honum þykir Eyjan.is setja niður við að hafa DD-Unit (Dröfn) sem bloggara þar á bæ. Don Pedró nokkur tekur upp hanskann fyrir Dröfn sem og Bobbí Breiðholt. mér sýnist athugasemdakerfn hjá öllum þeim lengjast í veldisfalli.

Bobbý Breiðholt þessi gerir mikið úr því að Stebbi Valdi sé sextugur og telur aldur hans skipt höfðumáli í umræðunni.

Stebbi Valdi er skemmtilegur penni og það gladdi mitt anarkíska hjarta að sjá virðulegan prófessor kalla andstæðing sinn heilalausan. -Slíkt gerist allt of sjaldan.

Auðvitað er það svo að sumt blogg fer í taugarnar á mér. Ég sleppi þessvegna bara að lesa slíkt blogg. Mér þykir ekkert sniðugt eða fyndið að láta meint aukasjálf blogga eins og Dröfn geri og les þessvegna ekki bloggið hennar. Mér sýnist Dröfn vera að herma eftir Katrínu bloggdrottningu. Það er Katrínu sjálfsagt til vegsauka.

Það sem Stebbi Valdi verður að hafa í huga er að vitleysingar þurfa að drepa tímann eins og aðrir. En skemmtanir fyrir neðstu lög samfélagsins eru allt frá fegurðarsamkeppnum, bowling og yfir í að lesa kjánablogg á borð við það sem Dröfn fæst við.

Nýr meirihluti

Sem betur fer er komin nýr meirihluti. Mér þykir bara fínt að Sjálfstæðismenn og Framsókn hafi náð saman aftur. Dansinn með Ólafi F var komin út í vitleysu.

Núna þarf nýji meirihlutinn að halda vel á spöðunum. Vinna vel og af einurð. Hanna Birna er flottur borgarstjóri sem hefur ólíkt fyrirrennara sínum góða návist og talar skýrt. Óskar Bergsson þar sannarlega að standa sig í stykkinu því fylgi Framsóknar er álíka og fylgi fyrrverandi borgarstjóra.

Ég vona að Marsibil standi með Óskari því þar fer stjórmálamaður sem er sympatísk. Það er sjaldgæfur eiginleiki. Ég vona að vegur hennar verið sem mestur í framtíðinni. Ef Óskar er klókur þá setur hann Marsibil í áberandi lykilstöður innan borgarstjórnar. -Marsibil er lausnin við vanda Framsóknarflokksins.

-o-o-o-

Obb-ob-bobb..

Marsibil styður ekki meirihlutann. Ósniðugt. þara er hún að stypmla sig frá frekari áhrifum innan Framsóknar. Hún gengur sennilega til liðs við Samfylkinguna..

Ólafur F - In Memoriam

Loksins loksins er Ólafur F hættur sem borgarstjóri. Lélegri borgarstjórna hafa Reykvíkingar aldrei haft. Óvinsældir hans má rekja til augljósrar valdagræðgi en hann plottaði sjálfan sig í borgarstjórastólinn með vafasömum hætti. Skyndilega var maður með 6000 atkvæði á bak við sig orðin borgarstjóri. Allar tilraunir Ólafs til að breyta almenningsálitinu voru máttlausar. Framkoma hans í fjölmiðlum var grátlega léleg og einkendist af árásum á fjölmiðlanna. Það var eins og það væri verið að taka viðtal við hreysikött í vondu skapi þegar hann birtist á skjánum.

En nú er þetta sem betur fer búið. Ég hef enga sérstaklega spádómsgáfu en ég fullyrði að eftir næstu kosningar eru dagar Ólafs F í stjórmálum taldir. Það verður spélegt að fylgjast með Ólafi F í minnihluta að gagnrýna spillinguna.

Sögusagnir um að Ólafur hefði verið tilbúin að endurreisa Tjarnarkvartettinn þegar ljóst var að Sjálfstæðismenn ætluðu að snúast gegn honum eru ótrúlegar. Svikarinn ætlaði að svíkja aftur.

-Þetta er eins og að halda fram hjá viðhaldinu með eiginkonunni.

Í þessum meintu tvísvikum felst afhjúpun á stjórmálalegu inntaki Ólafs F. Skyndilega voru Sjálfstæðismenn orðnir vondir og ástæða til þess að skipta aftur yfir. Bara vegna þess að hann sjálfur var í pólistíku uppnámi! -Hvar voru hagsmunir borgarbúa sem Ólafur klifaði stöðugt á að hann væri talsmaður fyrir?

Vægan fékk hann dóm.

Mig svíður að níðingurinn sem nauðgaði stjúpdóttur sinni þarf sennilega ekki að afplána nema helming tímans. Hann sleppur sennilega út eftir 3 ár.

Mér finnst fáránlegt að fangelsismálayfirvöld geta stytt refsingar sem hæstiréttur hefur ákveðið. Ég er þess fullviss að almenningur er sammála mér. Dómar í ofbeldis og kynferðisbrotamálum eiga að vera þyngri og stytting á afplánun á ekki að vera möguleg.

-Nú er lag fyrir alþingismenn að breyta þessu til hins betra.

Það er svo skrýtið að lög og reglur virðast ekki endurspegla almenningsálitið í ofbeldismálum. Refsingar við ofbeldisglæpum eru furðulega vægar. Þær brotalamir sem margir hafa bent á varðandi ofbeldi sem beint er gegn konum eru augljósar. Ekki er hlustað á þá sem bent hafa á þessa brotalöm í lögum landsins. Í sannleika sagt þá er hið opinbera að senda afar skýr skilaboð með þessum vægu refsingum.

-Þeim stendur bara á sama. Þeim finnst þetta ekkert merkilegt.

Besta leiðin til að byrja með er að breyta lögum um að fangelsismálayfirvöld geti stytt dóma. Þannig er hægt að útloka að níðingar á borð við þann sem var dæmdur á dögunum sleppi út áður en þeir hafa afplánað sinn dóm.

Fyndin skilaboð

Ég rakst á þetta fynda skilti í lítilli búð um daginn. Á skiltinu stendur:

Kæri kúnni!
Við biðjum þig að hugsa um að þetta er lítil búð og megum illa við þjófnaði. Ef þjófnaður heldur áfram þá verður kannski enginn Sorbet (nafnið á búðinni) til.

-Fyrir utan að þú hafnar í helvíti.

Búinn til úr hjólabrettum.

Þessi stóll er búinn til úr bólstruðum hjólabrettum. Sá hann á safni fyrir nokkrum dögum

Nostalgía

Fisser og Price eru ENNÞÁ að framleiða svona síma.... Þetta sætir furðu í fortíðarhatri samtímans.

Fjórði barnavagninn..

Við hjónin keyptum okkur ferlega flottan systkinavagn í gær. Risastór, léttur, praktískur og bara frábær. Hann er af tegundinni Chariot Carrier og kemur frá Kanada. Ástæðan fyrir því að við keyptum þennan vagn er sú að það er hægt að breyta honum í aftanívag fyrir reiðhjól. Nokkur handtök og maður þeysist um með strákana á hjóli. Þeir byrja nefnilega í leikskóla í næstu viku og þá er alveg beisikk að hjóla með þá. Vagninn var nokkuð dýr (7000 skr) en við seljum hinn systkinavagnin uppí. Ég hef reyndar aldrei séð eftir peningum sem vara í vandaðar vörur fyrir strákana. Stundum sparar maður bara á því að eyða aðeins meiri pening. Ég tók nokkrar myndir af vagninum þegar við vígðum hann.

Victoria Sylvsted

Fræga fólkið hér í Svíþjóð er kallað "kendis", í fleirtölu "kendisar". Ég fylgist náið með gleði og sorgum kendisanna hér í Svíþjóð því ég les alltaf forsíður slúðurblaðanna þegar ég kaupi í matinn. Charlotte Pirelli er að skilja við kallinn sinn, þekkt sjónvarpskona dó um daginn og satt best að segja þá er líf fræga fólksins voða svipað og á Íslandi. Sumt er afar áþekkt. Svíar eiga t.d algera hliðstæðu við Ásdísi Rán. Það er hún Victoria Sylvsted. Hún er uppáhalds kendisinn minn. Hún er oft í sjónvarpinu og deitar að mér skilst bara gaura sem eiga Ferrari. Það kom viðtal við systur hennar um daginn í slúðurfréttum. Sú vinnur hjá fasteignafélagi í Stokkhólmi. Mig grunar að fjölskylda hennar sé af yfirstétt í hinni stéttlausu Svíþjóð. Yfirstéttin hérna sker sig út á furðulegan hátt. Þetta fólk er afar fagurt yfirlitum og ekur gjarnan um á Volvo með blæju. Drengir í yfirstétt eru gjarnan í pólobol með liðað hár og hvítar tennur. Tennisspaði er oft og tíðum kæruleysislega staðsettur í baksæti blæjubílsins. Konurnar eru eins og Victoría.

Auðmjúkt yfirlæti einkennir þetta fólk.

Framsókn bjargar meirihlutanum?

Getgátur um að Framsóknarflokkurinn komi inn í núverandi meirihluta (til að styrkja hann) eru athygliverðar. Augljóst er að þessi meirihluti er í andarslitrunum. Innkoma Framsóknarflokksins gæti blásið lífi í hann að nýju og Ólafi F verður bolað út. Gott og vel.

-Þetta er ágæt tillaga

En hvað græðir Framsókn á þessu? Meirihlutinn er gott sem fallinn og Tjarnarkvartettinn bíður bara rólegur til þess að taka yfir. Hvort skyldi nú Framsókn ganga betur með lömuðum Sjálfstæðisflokki og Ólafi F Magnússyni eða með 100 daga kvartettinum? Fylgi Framsóknar er í sögulegu lágmarki og Óskar Bergsson verður að hugsa sig vel um hvað kemur upp úr kössunum í næstu kosningum. Napóleón sagði eitt sinn að maður skyldi ekki trufla andstæðinga sína þegar þeir eru að gera mistök. Sannleikurinn er sá að Óskar Bergsson er með þetta í hendi sér.

Hann getur stokkið inn og bjargað Sjálfstæðisflokknum og Ólafi F eða beðið eftir því að taka yfir þegar Kvartettinn kemst að í borgarstjórn. Reyndar er það svo að Óskar hefur sagt að hann ætli að standa með kvartettinum og syngja í takt og kjósendur kunna að meta þegar stjórmálamenn standa við svona prinsipp.

-Það er satt best að segja komið nóg af svikum í borgarstjórn Reykjavíkur.

Vantrú er öflug.

Nú síðustu daga hefur hver dúrndurgreinin birtst á Vantrúarvefnum góða. Félögum hefur einnig fjölgað síðustu daga og augljóst að málflutningur Vantrúar á góðan hljómgrunn í samfélaginu.

Við birtum laun innan hindurvitnageirans í gær og það vekur ákveðna furðu hvað miðlar og kuklarar eru með lélegar tekjur. Oft og tíðum er langur biðlisti eftir tíma hjá miðli (stundum 6 mánuðir) og hver "lestur" kostar um 5000 kall. Ekki er ólíklegt að dulegur miðill fái 3-6 kúnna á dag. Það ætti að skila viðkomandi 315 til 630 þúsund króna mánaðarlaunum. Samt virðast miðlar lepja dauðann úr skel. Furðulegt nokk. -Flestir eru rétt fyrir neðan skattleysismörkin.

Auðvitað sjá miðlar fyrirfram hvort þeir lenda í úrtaki hjá RSK þannig að ekker er að óttast...

Fyrirfram skammir.

Ég spái því að íslenska krónan muni falla um svo sem 5-10% á næstu 2 mánuðum.. Jöklabréf þarf að borga, atvinnuleysi eykst, kjarasamningar í gangi, o.s.fr, o.s.fr. Því miður.

-Botninum er ekki náð.

Kreppan hér í Svíþjóð er kids-stuff miðað við ástandi á Íslandi. Atvinnuleysi hefur ekki aukist þótt erfiðara er að fá vinnu, krónan er ekki eins sveiflukennd. Sænska kerfið er hægagangi og lullar eins og Volvo Penta vel í traustum bát.

Hér er kerfið einnig opnara, fjölmiðlar betri og samfélagsumræða á hærra plani. Ég tók t.d eftir því í frétt af stuðningi Davíðs og Halldórs við Íraksstríðið þá neituðu þeir að tjá sig. Ég skal hengja mig upp á það að þessir kumpánar þurfi ekki að standa reikningsskil varaðndi þennan ólöglega og ógeðslega gjörning sem stuðiningurinn við stríðið var. Íslenskir blaðamenn eru svo slappir að þeir láta þá komast upp með þetta Svarið "ekki náiðst í Davíð Oddson vegna þessa máls" er látið heita gott. Auðvitað á að sitja um þessa kóna og fá þá til að SVARA spurningum sem brenna á þjóðinni. Ekki dugar að svara út í loftið og röfla um bragðgæði íslenska labaketsins.

-Efnisleg svör verða að fást við þessar mestu hneysu íslenskrar stjórnmálasögu.

Merkingarlaus spuni - Eða hvað?

Bestu spunaðaferðirnar ráðast gegn tungumálinu. Þegar hamrað er á einhverju ný-yrði eins og það sé sjálfsagður hlutur. Sovna orð skilja áheyrandann eftir hálf hissa og smám saman verða þessi orð virk. Ágætis dæmi um svona spuna orð er "hátæknispítali" sem Davíð Oddson á heiðurinn af. Í raun og veru er þetta orð marklaust því að Landsspítalinn er t.d hátæknispítali ef út i það er farið.

Stjórmálamönnum er afar tamt að reyna að beygja tungumálið til þess að virka gáfulega. Stundum heppnast það. Ég var lengi að fatta að orðin "tvíhliða viðræður" og "þríhliða viðræður" eru í raunni bara viðræður. Þetta "tví" og "þrí" forskeyti segja bara til um hvað margir taka þátt í téðum viðræðum. Orðið "viðræður" er fallegra, skiljanlegra og betra.

Þessi lúmsku spuna-orð koma stundum algerlega aftan að manni. Ég tók eftir að á Eyjunni var verið að fjalla um eitthvað sem heitir "rammaáætlun". Þetta er klassískt dæmi um spuna-orð. Marklaust og þýðir nákvæmlega sama og "áætlun".

Við ættum að vera vakandi fyrir orðskrýpum stórmálamanna. Þau eru bara notuð til þess að skekkja veruleikan og rugla okkur í rýminu.

Ísland - Þýskaland

Svíar eru ekkert smá ánægðir með Íslendinga þessa stundina. Ég fylgdist með lýsingunni á Eurosport og sæknsku þulirnir átti ekki orð yfir leik Íslendinga. : )

-Gaman að því.

Lugna favoriter

Vinsælasta útvarpsstöðin hérna í G-borg heitir Lugna Favoriter. Það þýðir eiginlega "róleg uppáhalds[lög]". Þessi stöð spilar BARA sykurhúðað rólegheita popp. Inn á milli fá svo hlustendur að segja frá því hvað þeir elska makann sinn ótrúlega mikið. Ég get ekki hætt að hlusta. Þetta er Eurotrash eins og það gerist best. Það er samt svo skrýtið með mig að svona tónlist hittir á einhverja strengi í mér. Ég er svo hrifnæmur að ég á það til að fella tár eða tvö þegar ég hlusta á "Lugna". Einu sinni fékk ég alltaf útbrot við svona tónlist (roða á rasskinnar og hnerraköst) en ekki lengur.

-Ég held barasta að ég sé farin að meta Westlife.

- - - -Yyyyyyndislegt.

Gunnar Smári

Sá mun hafa verið fengin til að redda ímyndarmálum borgarstjórnarmeirihlutanum. Það er vel og engum er betur treystandi til þess að vinna þvílíkt grettistak og Gunnari Smára. Hann er hamhleypa til verka og sennilega eini maðurinn í heiminum sem gæti blásið lífi í kulnaðar vinsældaglóðir meirihlutans.

Ég vildi samt sjá Gunnar Smára í öðru hlutverki þarna. Ég vildi gjarnan sjá hann sem borgarstjóra. það yrði algert "thunder". Gunnar er skarpasti hnífurinn í skúffu íslenkskra blaðamanna og frábær samfélagsrýnir. Ég sakna Gunnars Smára sem ritstjóra á einhverju blaðinu. Gunnar hefur innsýn inn í samfélagsmálin sem flestir hafa ekki.

-Hann yrði ugglaust frábær borgarstjóri.