Óskhyggja Guðmundar.

Guðmundur Gunnarson verkalýðsleiðtogi kemur með tímabæra sparnaðartillögu í visi.is í dag. Hann leggur til að Alþingismönnnum verði fækkað um helming og spara þannig á fjórða miljarð. Þessi tillaga er svo augljós og liggur svo kylliflöt fyrir að undrum sætir.

Eins góð og þessi tillaga er, þá er það því miður svo að hún verður ALDREI samþykkt, né skoðuð af neinni alvöru. Flokkshagsmunir hafa ALLTAF vegið þyngra en þjóðarhagsmunir.

Hinsvegar er líklegt að alþingismenn reyni að telja þjóðinni trú um að nauðsynlegt sé að fjölga þingmönnum verulega. Spuni verður settur fram að sú tilhögun sé í rauninni hið besta sparnaðar-ráð.

Mótmæli í gíslingu

Ég fæ reglulega tilkynningar á Facebook um hvað sé á döfinni varðandi mótmæli til ráðamanna frá félaginu Nýjir tímar. Ég hef fylgst með mótmælunum frá Svíþjóð og stundum í fréttum á vefnum og umræðunni á blogginu. Hnakkus hitti naglann á höfðuðið í sinni greiningu á mótmælunum og aðstandendum þeirra. Ég hvet fólk til að lesa þessa færslu.

Ég vil þó bæta við orð Hnakkusar. Auðvitað er það sérkennilegt að horfa uppá að sumir virðast líta á þetta hörmungarástand sem persónulegt tækifæri til að vekja athygli á sjálfum sér! En sannast nú amhið fornkveðna að erfiðir tímar kalla fram það versta og það besta í okkur. Viðvera vinar míns Snorra Ásmundarsonar er mér gersamlega óskiljanleg. Hann setur öll þessi mótmæli í í paródískt ljós. Hann er ein stór paródía og vinnur i list sinni með svona gys. Býður sjálfan sig fram sem borgarstjóra, fer í forsetaframboð og núna: Stýrir mótmælum á mestu hörmungartímum lýðveldisins. Snorri ætti að draga sig úr þessum hópi ef honum er annt um að fjölga mótmælendum. Sama ætti Kolfinna að gera, mamma hennar og pabbi. -Þetta er komið gott. Þið eruð ekki aðal. -Get over it.

Ég held samt að þaðesé þörf á einhverskonar mótmælum á hverjum laugardegi. Ég held að krafan um kosningar sé réttmæt. Leyniþjónustan mín segir mér að um leið og um hægist muni Samfylkingin slíta þessu stjórnarsamstarfi enda er Sjálfstæðisflokkurinn ábyrgur fyrir bankahruninu og því ömurðarástandi sem hrjáir landið okkar. Ég vona að sem flestir mæti. Það myndi ég gera. Ég myndi flestur mæta.

Brennuvargargarnir eiga ekki að vera í slökkvuliðinu. Ekki nóg að þeir lufsist við að skökkva eldana sem brenna, heldur eru þeir beinlínis að skemma fyrir. Meint rannsókn Björns Bjarnasonar á bankahruninu er bara grátlegt yfirklór þar sem rannsóknaraðilar eru látnir rannsaka misgjörðir sona sinna. Það sér það hver maður að niðurstaðan úr svona "rannsókn" verður alltaf í skötulíki. En skötulíki eður ei, þá mun þessi rannsókn drepa málinu á dreif, þyrla upp ryki og gefa þeim seku að eyðileggja sönnunargögn.

Skrílkratar

Pabbi minn er mér endalaus uppspretta heilabrota. Hann á það til að nota nokkuð snúin hugtök á afar sjálfsagðan hátt. Eitt sinn var hann að lýsa einhverjum sögufrægum manni fyrir mér og romsaði upp úr sér forvitnilegustu skilgreiningum og inn á milli skaut hann því að að viðkomandi hefði í raun verið ósköp venjulegur "balkanjúði". Nú ber að staldra við.

Fyrir utnan hláturskastið sem ég fékk þegar ég heyrði þetta orð, þá vakti þessi skilgreining nokkrar athyglisverðar spurningar. Þessi skilgreining krefst þess af áheyrandanum að viðkomandi hafi nokkuð góða þekkingu á demógrafíu Balkansskagans og geri því greinarmun á gyðingum frá því svæði og annarstaðar. Einnig er gefið til kynna í samhengi samtalsins að um menntaðan mann sé að ræða og þá verður skilgreiningin ennþá þrengri. Orði balkanjúði gefur því einhverskonar fyrirheit um að viðkomandi sé hluti af skilgreindri heild sem hafi sín sérkenni, styrkleika, lesti og kosti. Hugtakið er því allt í senn illskiljanlegt en jafnframt auðskiljanlegt.

En þetta orð er ekki tilfefni til frekari hugleiðinga heldur annað orð sem mér er hugleikið. Það er orðið "Skrílkrati" en það orð notar viss einstaklingur þegar honum blöskrar eigin flokksmenn. Ég bjó einu sinni til orðið "mengunarkrati" og átti við þá Össur og Björgvin en þá voru þeir að svíkja kosningaloforð um að ekki fleiri álver yrðu byggð. Nóg um það. Orðið "skrílkrati" hef ég aldrei skilið fyrr en nú.

Skrílkrati er frábrugðin öðrum krötum á þann hátt að öll hans breytni miðast við hann sjálfan og persónu hans sjálfs. Stefnan skiptir minna máli en sá sem boðar téða stefnu. Þetta þýðir að skrílkratinn telur skipta meira máli að vera í sviðsljósinu heldur en að koma góðum málum í gegn. Skríkratinn getur ekki aftengt persónu sína frá stjórmálunum, er oft sjarmerandi og á meira skilt við leikara heldur en stjórmálamann.

Um helmingur þingmanna Samfylkingarinnar eru skrílkratar. þetta fólk er ónýtt þegar á hólminn er komið og ætti ekki að flækjast fyrir þegar mikið liggur við. Það er nefnilega svo að á ögurstundu kemur í ljós hverjir eru sauðirnir og hverjir eru hafrarnir. Samfylkinin þarf að hreinsa til í sínum ranni rétt eins og aðrir flokkar þegar storminn lægir. Það verður ekki gert nema með skýrum skilaboðum almennra flokksmanna.

Skrílkratar taka pláss frá almennilegu fólki og eru dagbítar á stefnu Samfylkingarinnar

Fyndin auglýsing.

Það er verið að keyra ótrúlega fyndna auglýsingu hér í Svíþjóð. Fyrirtæki sem selur allskonar heimlistæki auglýsir vörurnar sínar á sérlega fyndin hátt. Söguhetjan í auglýsingunni og talsmaður ELON er frekar morkin gaur sem þarf að klára einhverar þrautir. Þrautir sem hann rúllar upp eins og meistari. Undir hljómar svo gamaldags hár-rokk þar sem söngvarinn spyr sig í forundran "How do you know so much -about white goods". Ferlega fyndið. Hérna er -lýsingin.

"Nýja Ísland" Nei takk !

Mér líkar illa þegar talað er um "Nýja Ísland". Ólafur Ragnar notaði þetta hugtak yfir Ísland þeirra ofurríku. Nýja Ísland fór á hliðina og datt yfir alla landsmenn.

Það boðar ekki gott að skeyta við orðinu "nýja" fyrir framan grónar hugmyndir. Nýi miðbær Sjálfstæðisflokksins reyndist vera einhver mesti steinsteypuhryllingur í samanlagðri byggingarsögunni. "Nýi miðbærinn" er bókstaflega ógeðslegur og ég hef heyrt átakanlegar sögur af gyðingi sem lifði af helförina. Sá var í heimsókn í Reykjavík og ók fyrir framan bilastæðið á Kringunni, fyrir framan gömlu "nýju Moggahöllina". þar trylltist gamli maðurinn því hann fékk ofsalegt flassbakk frá tímanum í Buchenwald.

Allir muna hvernig fór fyrir "Nýja Bíó".

-Það brann.

IKEA fagnar afmæli

Í gær voru liðin 50 ár síðan fyrsta IKEA búðin var sett á laggirnar í Svíþjóð. Ingvar Kamprad er stofnandi og eigandi IKEA. Hann er lesblindur og á það sinn þátt í nafni fyrirækisins en IKEA er skammstöfun fyrir Ingvar Kamprad, Elmtaryd (sveitabærinn sem hann er fæddur), Agunnaryd (næsti bær við). Kallinn er nokkuð ern og tók í spaðan á búðargestum í tilefni dagsins. Ingvar er einn af ríkustu mönnum í heimunum og IKEA hefur aldrei gengið betur en í dag.

Ameríkanar hlógu óskaplega af Ingvari því það fréttist að hann ætti 15 ára gamlan Volvo og tæki stundum strætó. Ha ha ha. Sá hlær best sem síðast hlær. Núna eru ameríkanarnir farnir á hausinn og Ingvar er ennþá ríkari á gamla Volvónum sínum.

Kamprad nýtur virðingar. -Er ekki fyrirlitinn eins og Íslenskir auðmenn.

Lög sem vekja brennivínslöngun

það er furðulegt hvað sum lög slöngva manni aftur í tímann. Ég hætti að drekka brennivín fyrir um 8 árum síðan og ég er alveg hættur að hugsa um brennivín. Eftir að ég hætti þá hefur mig eiginlega aldrei langað á fyllerí eða þvíumlíkt. Ekki boffs.

Það var svo í dag að ég heyrði lag í útvarpinu þar sem ég var að flaka klukkan 8 í morgun.. lagið "The Rhythm Of The Night" með dömu sem heitir Corona. Gamall hittari sem eldist óvenju vel. Allt í einu langaði mig geðveikislega að detta í það! Hrynja í það á Ibiza eins og í gamla daga. Dansa úr mér allt vit á Rosenberg. -Djöfull er þetta fyndið. Fertugur maður í plastsvuntu og flökunarhnífa klukkan 8 um morguninn í Gautaborg langar 15 ár aftur í tímann og detta í það. -Ha ha ha. Þetta var óborganlegt andartak

Hérna er lagið sem kveikti þessa þrá.



Á næstunni birti ég lista yfir fleiri lög sem vekja hjá mér brennivínslöngun.

Blogg-hrós og blogg-skammir.

Uppáhalds bloggarinn minn er Margrét Hugrún. Ég les hana alltaf. Hún kemur manni oft í gott skap. Ekki skaðar að ég þekki hana pínulítið og það setur visst krydd í skrifin. Hún er frábær.

Jónas les ég alltaf. Stundun held ég að hann sé gengin af göflunum en svo koma líka þessar fínu færslur inn á milli. Kristalskýrar útskýringar sem feykja burtu spunaþvælunni lengst úr í horn. Jónas ætti að vera til á hverju heimili.

Óla Sindra og Maurildið les ég alltaf. Þeir eru ferlega fyrirséðir og halda alltaf með þeim sem eru í minnihluta. Nú eru þeir td aðal-stuðningsmenn Davíðs Oddsonar. Sennilega lýsa þeir stuðningi yfir Söru Palin á næstunni. Þeir eru hinsvegar ferlega góðir stílistar, sértaklega kennarinn. það er gáfu-rembingur í hinum.

Formannin les ég alltaf af tómri skyldurækni og vegna þess að ég er að bíða eftir að hann komi með uppskriftina af Pizzuborninum sem hann gjörir stundum á vantrúarhittingum. Matti ætti einnig að vera á hverju heimili enda vandfundinn annar eins geðprýðismaður.

Eirík Örn Norðdahl les ég einnig alltaf, aðalega vegna þess að ég er í alvörunni að reyna að skila kveðskapinn hans. Ég skildi loksins eitt ljóða Eiríks. Það var meir að segja nokkuð gott ljóð sem fjallaði um miljarða á miljarða ofan. Ég held að Eiríkur sé óvitlaus en á vitlausri hillu í lífinu.

Svo les ég náttúrulega allskonar blogg sem eru með forvitnilegum fyrirsögnum.

Andrés Jónson les ég alltaf sem og Andrés Magnússon. Egil Helga og Guðmund Magnússon. Ég nenni ekki að lesa tví-burana. Það hefur ekkert uppá sig. Ég forðast að lesa Binga en stundum kíki ég á hann. Ég er nefnilega alltaf að bíða eftir því að hann sjálfur segi frá þáttöku sinni í krinum REI-ruglið. Hann var nefnilega eins og alþjóð veit, í aðalhlutverki þegar FL group ætlaði að ræna OR frá Reykvíkingum. Bingi hefur aldrei þurfa að standa reikningskil á því dæmi eins furðulegt og það kann að hljóma. Nú stjórnar hann víst einhverjum þætti sem á að varpa ljósi á íslenska viðskiptahætti !!! Bingi hætti að hafa sjálfan sig sem aðalgest eitthvert skiptið og rusla inn áhorfi með því að SEGJA SATT einu-helvítis-sinni!

Stebbi Fr er mest óþolandi bloggari landsins. Ritstíll hans er eins og rop aftan úr rassgatinu á dauðasta Sjálfstæðismanni á landinu. -Jóni Þórláks. Stebbi lærði að lesa í gegnum Staksteina Morgunblaðsins og Sunnudagsbréf Styrmis. Það er stundum beinlínis hættulegt að lesa blogg þessa leiðinlega manns. Ég fæ í alvörunni útbrot á húð og sé litríka díla við jaðar sjónsviðsins. Hann kristallar allt það sem ég hata við íhaldið. Sjálfsumglaður, gagnrýnislaus og heimskur. Ég vil samt endilega að Stebbi hætti ekki að blogga. Því fleiri staksteinum sem hann fretar út um taðgatið á sér, - þeim mun betra.

Geir Haarde í sænska sjónvarpinu

Það var snautlegur forsætisráðherra sem birtist í sænska sjónvarpinu í gær Allir forsætisráðherrar norðurlandanna voru að ræða bankahrunið á Íslandi og aðgerðir til aðstoðar okkur Íslendingum. Ég get bara gert mér í hugarlund hvernig honum Geir var innanbrjósts við þessar erfiðu aðstæður.

Flokkurinn hans ber ábyrgð á bankahruninu. Ber ábyrgð á de-reglulation þeirri sem sleppti beislinu af úlfinum. Á hinum norðurlöndunum er stabíliserað kratakerfi en ekki á Íslandi. Á Íslandi hafa Sjálfstæðisflokkur og Framsókn alltaf staðið í vegi fyrir því að almennilegt samfélag þrjóaðist á Íslandi. Sjálfstæðisflokkur með einkavina og græðgisvæðingu að hætti Bandaríkjanna og Framsókn með afturhaldi í bland við hálffasíska þjóðernisstefnu og heybaggasósíalisma. Svo blandast þetta saman í allskonar varíöntum.

Svíar eru tregir að gefa upp hvað og hvernig þeir ætli að aðstoða Íslendinga. Reinfeld virtist fá svimakast þegar hann talaði um vandræðin á Íslandi. Hann átti ekki orð yfir því hvernig kollegi hans hafði klúðrað málum á svo hörmulegan hátt.

3 am

Ég er alltaf með útvarpið í eyrunum í vinnunni þegar ég er að flaka Nokkuð smellið lag er byrjað að grafa um sig í uppáhálds-stöð heilans. Lagið 3 am með Kleerup sem að Marit Bergman syngur. Furuðlega mikill eyrnaormur sem grefur um sig í heilaberkinum

Hér er lagið. Ekkert vídeó, bara hjóð Gott dæmi um einfalt lag sem svín-virkar.

Alkasamfélagið

Á dögunum skrifaði ég ritdóm um nýútkomna bók Orra Harðarsonar. Bókin heitir Alkasamfélagið og ég mæli með henni. Hún er skyldulesning hverjum þeim sem hefur áhuga á brennivínsmálum og ætti að vera til á hverju heimili með menningarlegan metnað.

Mynd af jeppanum umdeilda

Á blaðsíðu 22 í Fréttablaðinu í morgun er viðtal við Matthías Ásgeirsson formann Vantrúar. Ég hvet ykkur til að lesa þetta viðtal. Þar er lítilega minnst á mig í tengslum við að ég birti mynd af 10 miljón króna jeppa sem siðapostulinn og hófsemdarboðarinn Pálmi Matthíasson á. Hérna er færslan sem um ræðir.

Auðvitað er gaman að því þegar fjölmiðlar fjalla um Eimreiðina og ekki síðra að fleiri átta sig hugsanlega á þeim órétti sem felst í ríkiskirkjufyrirkomulaginu. 120 prestar á ofurlaunum við það að boða trú ríkisins. Sömu prestar stæra sig af leikföngunum sínum á borð við 2 miljón króna mótorhjól eða risa-jeppa eins og Pálmi ekur um á. Ég hef skrifað nokkar greinar á Vantrú það sem ég bendi á þann órétt sem þrífst í skjóli ríkiskirkjufyrirkomulagsins. Hér er ein.

Auðvitað er sorglegt til þess að vita að í nútímasamfélagi þrífst einhverkonar opinbert átrúnaðarkerfi hvers tilvíst hvílir á óréttlátum skatti sem kallast sóknargjald. Auðvitað eiga borgararnir að greiða til þess söfnuðar sem þeir kjósa án íhlutunar ríkisvaldsins. Fólk gerir sér kannsi ekki grein fyrir því en hver og einn þegn borgar um 13 þúsund krónur árlega til ríkiskirjunnar. Þetta er því um 26 þúsund á hvert heimili og meira ef unglingar á vinnualdri búa með fjölskyldunni. Auðvitað á fólk að fá að velja hvort það borgi eða borgi ekki til söfnuðarins síns.

Ég er t.d þess fullviss að fólkið í söfnuði Pálma Matthíasarsonar er myndi snarlega hætta við að greiða til Bústaðakirkju ef það vissi að féð fer í það að kaupa og reka lúxusjeppa af "verstu" sort.

Formaður prestafélags Íslands bregst hart við aðfinnslum formanns Vantrúar.

Þeir eru bara að reyna að búa til leiðindi í garð presta og nota hvert tækifæri til þess. Það eru ekki við heldur kjararáð sem ákveður launin okkar. Ef það finnast hins vegar dæmi um presta sem berast á og fylgja ekki eigin sannfæringu þá er alveg sjálfsagt að Vantrú ræði við þá.

Gamalkunnugt stef heyrist hér úr látúnsbarka slaufuprestins.

1. þeir eru bara að búa til leiðindi
2. Við ákveðum ekki launin okkar

Ef ég svara þessu lið fyrir lið þá má með sömu rökum segja að öll gagnrýni á órétt sé undanrenna frá þeirri hvöt að "búa til leiðindi". Gagnrýni á kvótakerfið er bara "að búa til leiðndi". Barátta Amnesty International er bara "að búa til leiðindi". Gagnrýni landsmanna á græðgiskerfið sem leitt hefur þjóðina í glötun er bara "að búa til leiðindi".

Hvað lið 2 varðar þá kemur það ekki málinu neitt við hver ákveður þessi ofurlaun. Aðalatriðið er að þau eru ranglát og í hrópandi mótsögn við boðskap trúarinnar sem þó þessir sömuofurlaunaþegar vinna við að boða. Við í Vantrú vitum vel að laun presta eru ákvörðuð kjararáði sem ákveður laun æðstu embættismanna ríkisins. Við höfum reyndar heimildir fyrir því að einungis munaði einu atkvæði á því að prestar væri ekki undir kjararárð. Svo enn er von að uppræta ósómann. Það er samt svolítið spélegt að um leið og Þjóðkirkjan segist ekki vera ríkiskikja þiggur hún laun frá ríkinu og laun presta eru ákveðin af ríkinu. Um þessa þversögn má lesa í greininni 11 ástæður fyrir þvi að Þjóðkirjan er ríkiskirja.

það er samt fagnaðarefni að formaður Prestafélagsins skilur og sér "vandamálið". Hann segir sjáflur að "Ef það finnast hins vegar dæmi um presta sem berast á og fylgja ekki eigin sannfæringu þá er alveg sjálfsagt að Vantrú ræði við þá". Auðvitað flestir prestar þetta ósamræmi í eigin boðun og ofurlaununum sem þeir þiggja. Formaður prestafélagsins gefur því sannarlega undir fótinn að það finnist prestar sem "berist á". Egill Hallgrímsson prestur í Skálholti lætur sér ekki duga 528.000 krónurnar í mánaðarlaunin heldur er hann selur einnig Herbalife vörur eftir svokölluðu pýramídasölukerfi og ráðleggur fólki að fjárfesta í áhættusömum fyrirtækjum í gegnum áhættufjárfestingaklúbbinn Bridge. Ég reit grein um þetta asnalega mál fyrir nokkru síðan. Hvað ætli margir hafi tapað fé á viðskiptum sínum við Herballife-prestinn í Skálholti?

Kristbjörg er í heimsókn

Vinkona okkar frá Malmö hún Kristbjörg er í heimsókn. Þær Ingunn eru vinkonur frá fornu fari. Ég kom þeim á óvart í gær með þvi að kaupa írskt viskí og bruggaði fyrir þær stöllur Irish Whiskey. það er afar einföld uppskrift. Slurkur af visskí-i, sykur, kaffi og rjómi. Þetta sló þvílíkt í gegn að þær voru báðar smá timbraðar í morgun. Ég veit ekkert um hvernig þessi drykkur braðgast en ég held að hann sé ágætur. Allavega er þvílíkur ánægju-glampi í augum konu minnar á þessari mynd. Hún er sennilega fíkill.













Hér er svo mynd af stöllunum með sitthvora Íris-ina. Hér ríkir gleðin ein. Takið eftir að kona mín hefur ekki augun af drykknum og starir á hann eins og í leiðslu.















Hér er svo mynd af hlutfalli wiskeys í glasið. Ég hafði svona einn sentimeter. Kaffi 6 sentimetrar, matskeið af púðursykri og slatti af þeyttum rjóma ofan á. Ég keypti írkst whiskey, ekki enskt af augljósum ástæðum. Í fysta lagi á maður ekki að versla við óvininn og svo heitir þetta "Irish Whiskey". Ekki English Whiskey. Írar hafa reyndar farið afar flatt á samskiptum sínum við Breta í gegnum tíðina og undrum sætir að þeir skuli hafa lifað af sem þjóð eftir öll þau ósköp. Meiri níðingar finnast ekki á byggðu bóli en Bretar. Þeir kunna þó ýmislegt fyrir sér í matargerð en breskur matur er afar gómsætur.

Íslenskir miljarðamæringar eignalausir

Samkvæmt úttekt sænska viðskiptavefmiðlinum börs24.se eru íslensku miljarðamæringarnir eignalausir. Athygli vekur að Pálmi í Fons virðist þó eiga eitthvað smotterí. Listann má finna hér.

Fjölmiðar að hætti valdhafa.

Ég þurfti að lesa frétt Mbl.is nokkrum sinnum yfir til þess að fá staðfestingu á þeim hroka sem kemur fram í orðum Geirs Hilmars Haarde, forsætisráðherra. Hann segir:

„En hitt veit ég, að það sem fjármálaráðherrann sagði í þessu viðtali, sem nú hefur verið birt, svo furðulegt sem það er nú að það skyldi leka í fjölmiðla, sýnir að það var okkar afstaða að standa við okkar skuldbindingar en við gætum ekki reiknað með að geta fallist á allar kröfur Bretanna. Hverjar eru þá okkar skuldbindingar? Um það snýst ágreiningurinn. Við teljum að þær séu miklu minni en Bretarnir halda fram. Það er þetta, sem þarf að leysa, annað hvort með samkomulagi eða einhverskonar úrskurði," sagði Geir.

Hvað er eigninlega að þessar mynd? Er hugmyndin um upplýsingaflæði stjórnvalda og upplýsingaöflun fjölmiðla svona mikið tabú í huganum á Haarde? Valdhafar EIGA að láta í té upplýsingar til fjölmiðla en ekki stýra í skugganum. Ef að fjölmiðlar fá ekki upplýsingar frá valdhöfum EIGA þeir að afla þeirra með öðrum hætti. Það er hlutverki fjölmiðla. Það er skylda þeirra. Fjölmiðlar eru eina brjóstvörn almennings gangvart valdhöfum, spiltum eða óspilltum.

Því miður brugðust íslenskir fjölmiðlar í aðdraganda gjaldþrots þjóðarinnar. Þeir lentu í rassvasanum á aðalskúrkunum í þeim hrunadansi. RÚV brást líka, sennilega vegna eigin metnaðarleysi.

Því miður hafa fjölmiðlar misst trúverðugleika sinn. Það tekur enginn mark á Mogganum, Fréttablaðinu eða Viðskiptablaðinu í náinni framtíð. það er helst RÚV sem gæti rifið upp orðstýrinn.

Ágætis dæmi um ofantalið er nýleg grein Spunakerlingarinnar Agnesar Bragadóttur í Mogganum þar sem hún kennir útlendingum um bankahrunið. Augljóst er að hún er að ganga erindum Flokksins og eigenda Moggans. Fyrir vikið hefur hún misst allt átoritet sem blaðamaður og kallast víst hér eftir "Vefarinn mikli úr Valhöll".

Jón Ásgeir á ekki 10 miljón dollara íbúð.

Jón Ásgeir á ekki 10 miljón dollara íbúð eins og oft er talað um. Hann á tvær íbúðir, hvora ofan á annari. Þær munu ekki hafa kostað undir 24 miljónum dollara.

Hérna er frétt NY times frá 29. apríl 2007. Hér fyrir neðan er úrdráttur úr fréttinni.

In January, property records show, Mr. Johannesson, and his partner, Ingibjorg Palmadottir, paid just over $10 million for a floor-through unit on the 16th floor at 50 Gramercy Park North, the new apartment tower created by Ian Schrager at the Gramery Park Hotel.

The couple liked that apartment and the hotel services in the building so much, brokers say, that they came back and bought the duplex penthouse above it, for $14 million more, including $4 million to acquire another buyer’s rights to the apartment.

The combined space will have 7,000 square feet on three levels, along with a 738-square-foot terrace on the 16th floor and two large terraces, totaling 1,300 square feet, on the 18th floor. That works out to just over $3,400 a square foot, excluding the terraces.

Ég hvet lesendur til að gúggla "Gramercy Park Hotel" og skoða myndirnar. Þetta er yfirgengilegt rugl.

Talan 10

Þegar ég sé töluna 10 dettur mér alltaf í hug Maradona.


Hann er sá besti

Svíar eru hundfúlir

Svíar eru beinlínis hundfúlir út í að hafa selt frá sér SAAB og Volvo á sínum tíma. Ford keypti Volvo og SAAB var selt til GM. Þessi amerísku fyrirtæki hafa stillt upp þessum sænsku gæðamerkjum þannig að þau keppi ekki við aðra bíla sem þau framleiða. Þess utan eru sænskir fúlur að geta ekki keypts sér umhverfisvæna bíla frá þessum fyrirtækjum. SAAB og Volvo eru flokkaðir sem lúxusbílar, eru dýrir og eyða miklu eldsneyti. Hér í Gautaborg eru hundruðir ef ekki þúsundir af óseldum lúxusjeppum sem áttu að fara til Bandaríkjanna. Uppsagnir hjá Volvo eru gríðarlegar og ekki sér fyrir endan á þeim.

Vinnufélagar mínir segja að gömlu Volvóarnir eru betri en þeir sem eru framleiddir í dag undir ægishjálmi bandarísku fyrirtækjanna. Þessu get ég vel trúað því að ekki er óalgengt að sjá volvóa á blocket.se sem eru eknir um og yfir 40.000 sænskar mílur (um 400.000 km) og eru í góðu lagi.

Alþjóðavæðingin hefur skaðað þá gæðaframleiðslu sem Svíar eru þekktir fyrir. Í staðin er selt einnota bandarískt drasl sem hannað þannig að líftími vörunnar er takmarkaður. Allt gert til þess að fólk þurfu að kaupa annan bíl eftir 5 - 10 ár.

The horror...The horror...

Japanskt yen er komið upp í 1,3079 IKR, var 0,48 í fyrrasumar.

Maður sem tók 40millj ikr lán þá í yenum, skuldar nú 108millj ikr ...

Það var nokkuð algengt að fólk væri að taka húsnæðislán í yenum.

Hrikalegar fréttir frá Svíþjóð

Hlutabréfamarkaðurinn fellur um 7,8%. 177 miljarðar skr (2655 miljaðar ískr miðað við 15 kr gengi) hurfu á 3 klst. Meira hér.

10 miljón króna jeppi

Útrásin, peningatryllingurinn og stöðutáknageðveikin nær inn á flest svið mannlífsins. Meir að segja þau svið sem hafa það að inntaki að boða hófemi í hvívetna.

Þetta er nýji jeppinn hans Pálma Matthíasarsonar ríkiskirkjuprests. Hann fær mánaðarlega um eina miljón á mánuði frá okkur skattborgurunum. Sá kann svo að velja sér bíl við hæfi. Reyndar setir þessi smá strik í reikninginn meðal "umhverfis-guðfræðinga" en það er önnur saga. Þetta er s.s M.Benz GL og kostar á bilinu 10 - 14 miljónir eftir aukabúnaði. Töluverð umræða átti sér stað í Svíþjóð þar sem ég bý um hvort leyfa ætti svona bíla á götunum vegna þess hve bíllin mengar mikið. Prestar eru hálaunastétt sem eru fá helmingi hærri laun er t.d framhaldsskólakennarar þótt engum dylist að kennarar gera 100 sinnum meira gagn. Þessi óréttur er einn af þeim sem við Íslendingar þurfum að kippa í lag við uppbyggingu landsins.

Ég mæli sterklega með grein Brynjólfs Þorvarðarsonar á Vantrúarvefnum í dag. Sú grein er skyldulesning.

Vaskað upp á plastparketi.

Ég var að vaska upp þegar það þyrmdi yfir mig. Ég hafið verið að
horfa á Kompásþáttinn um útrásina í tölvunni minni og var hugsi
yfir þessum hrikalegu tíðindum. Þetta er bara svo óraunverulegt.
Vinur minn hafði rétt áður haft samband við mig og beðið mig um
að athuga með að selja bílinn sinn hér í Svíþjóð. Annar félgi
minn hafði samband við mig í sömu erindagjörðum nokkrum dögum
áður. 3 vinir mínir hafa misst vinnuna og eru í verulega vondum
málum. Fjölskyldumenn.

Þar sem ég stóð þarna á plastparketinu mínu með bununa seytlandi
milli fingrana rann upp fyrir mér að allt kapítal í landinu er
farið. Búið. Gufað upp. Enginn peningur til að framkvæma, ráða
fólk í vinnu, borga laun og það fé sem er í umferð er verðlaust.
Þá var sem ég væri einhvernvegin holaður að innan. Ég vildi fá
landið mitt til baka og ég var gagntekin söknuði eftir Íslandi.
Fjölskyldu minni, vinum mínum og Hellisheiði á rigningardegi.
Sjálfstæði landsins okkar er í hættu. Auðlyndir þess eru
skotmörk ósvifinna stórfyrirtækjasamstæða og fjárglæframanna.
Rússar voru víst voða spenntir fyrir að lána Íslendingum fé en
misstu áhugann þegar við komumst ekki i Öryggisráðið. Það átti
að selja þetta lán dýru verði. Við áttum að gera allt sem Rússar
vildu að við gerðum. Það undarlega í öllu þessu máli var að
Birni Bjarnasyni leist svona assgoti vel á þetta Rússalán.
Þegar ég hugsaði um þær ógnarupphæðir sem við þurfum að borga
vegna fjárglæfra útrásarmanna fór ég bara að snökkta við vaskinn
á plastparketinu. Við munum aldrei koma til með að geta borgað
þetta. Sama hvað við erum dugleg og sama hvað við erum klár.
Börnunum mínum mun ekki endast aldur til þess. Unga fólkið mun
flytja í burtu. Þarna stóð ég þriggja barna faðir snöktandi með
eldhúsburstann og horfið á bununa og langaði heim.

-Þetta er of mikið. Ísland er við það að missa sjálfstæðið.
Auðlindir okkar eru bara tæki fyrir skuldunauta okkar til þess
að fá greidda peninga.

Rétt fyrir hrunið voru fjárlög afgreidd með 50 miljarða halla og
þótti mörgum nóg um. Nú hafa horfið 3000 miljarðar. Sparnaður
fólks gufaður upp. Vinafólk mitt tapaði ævisparnaðinum 19
miljónum. Alræmdasti sparnaðarpotturinn var Sjóður 9 sem fékk
alþingismanninn Illuga Gunnarson í Sjálfsstæðisflokknum til að
löggilda hve tryggur hann var. Sá þáði fé frá Glitni til þess að
þegja og horfa framhjá þeim myrkraverkum sem framin voru á
sjóðsþegum. Skuldir landsins ofan á þessa 3000 miljarða verða
yfirgengilegar. 4 miljarðar dollara eða 456 miljarðar króna á
genginu í þegar þetta er skrifað. Skuldir bara vegna
Icesave-ránsins nema 4 miljónum á hver Íslending. Kurlin hafa
ekki ennþá komið til grafar. Enginn veit hver raunveruleg
skuldastaða Íslands er.

Hvernig við komumst í þessa hrikalegu aðstöðu er annað mál og
var gerð góð skil í þættinum Kompás. Við vorum einfaldlega
plötuð. Við trúðum blint á vísdóm 30 menningana. Við dáðum þá og
óttuðumst þá. Allt samfélagið var samansúrrað af aðdáun á þessum
þrjótum. Ég hef starfað sem blaðamaður og byrjaði að blogga til
að halda mér við skriftirnar. Ég viðurkenni að oft var ég að
ritskoða sjálfan mig því þessir kónar áttu alla fjölmiðla
landsins. Voru með alla ritstjóra og fréttastjóra í rassvasanum
og ef ég ætti einhver sjens í að fá vinnu i framtíðinni ætti ég
sko ekki að tala illa um Björgúlfana (Mogginn), Jón Ásgeir
(Fréttablaðið) eða Bakkavararbræður (Viðskiptablaðið).

Sú stétt manna sem hefði átt að vara okkur við þessum kónum voru
blaðamenn. Þeir þorðu því ekki og þeir sem höfðu hugrekki voru
bara afskrifaðir sem rugludallar. Páll Vilhjálmsson hafði rétt
fyrir sér. Jónína Ben hafði rétt fyrir sér. Við vildum ekki
heyra neitt ljótt um “víkingana” okkar. Um leið og víkingarnir
fóru á hausinn losnaði um takið á fjölmiðlunum og sannleikurinn
kemst loksins upp á yfirborðið. Íslensk blaðamannastétt þarf svo
sannarlega að fara í gegnum naflaskoðun þegar storminn lægir því
þeir sviku heilögustu vé starfsins síns. -Að standa vaktina
fyrir lesendur sína en ekki eigendur sína.

Almenningur hefur ekkert traust til opinberra stofnanna. Ekkert
traust til Alþingis. Ekkert traust til stjórnmálamanna. Ekkert
traust til fjármálastofnanna. Ekkert traust til forsetans.
Ekkert traust til gjaldmiðilsins í landinu. Ekkert traust til
lögreglunnar sem áðurnefndur Björn Bjarnason hefur verið að
breyta í einhverskonar sérsveit og leynilögreglu á kostnað
almennrar löggæslu. Einmitt þegar við borgararnir þurfum góða
löggæslu. Það hriktir í grunnstoðum samfélagsins. Það er ekkert
traust til stjórnkerfisins. Ekkert traust til
stjórnmálaflokkanna og ekkert traust til nágrannaríkja okkar sem
brugðust okkur á ögurstundu. Mér skilst að það hlakki Dönum enda
fóru “víkingarnir” þar um með yfirgengilegum hroka og
uppvöðsluhætti. Þetta sýnir líka hvað samband nýlenduherra og
nýlendu er eitrað. Svona samband þarf að rækta vel því stutt er
í hatursglampa í augum beggja aðlila þegar eitthvað bjátar á.
Auðvitað er þetta hroðalega ástand einhverjum að kenna. Við
verðum að gera hrunið upp þegar um hægist hjá okkur. Ef þeim
ábyrgu verður klappað á kollinn og sagt að skammast sín getum
við lokað landinu flutt öll burtu. Þá var þetta bara 1200 ára
tilraun sem mistókst. Íslendingar eru komnir með upp í kok af
því að heyra stjórmálamenn skjóta sér frá ábyrgð í stórum málum
sem smáum. Margir sem ég hef talað við segja við mig með
brostinni röddu að sennilega verður enginn látinn gjalda fyrir
hrunið. Ég er voðalega smeykur um að stjórmálaflokkarnir séu nú
þegar að plotta um exit hvað þetta varðar. Við verðum að gera
þetta mál upp eins og fólk en ekki eins og aumingjar. Við eigum
að sækja miljarðatugina sem er búið að stela frá okkur og rétta
yfir þjófunum. Við eigum að leita allra leiða til að svo verði.
Það er gersamlega óþolandi tilhugsun að víkingarnir sleiki
sólina á Bahama á snekkjunum sínum eftir að hafa lamað landið
með tryllingslegri græðgi.

Við þurfum nýjan forseta. Við eigum ekki að fyrirgefa honum
útrásardekrið. Við þurfum nýja þingmenn. Hugmyndafræðingar
útrásarinnar ættu aldrei að koma nálægt opinberri stjórsýslu.
Gott dæmi um siðferðisstig helsta hugmyndafræðings útrásarinnar,
Péturs Blöndals er að þegar allt var að hrynja taldi hann
réttast að “leita ekki sökudólganna”. Það var það fyrsta sem kom
upp í hugann. Ekki það að lífsgildi hans höfðu reynst blekking,
að hugmyndir hans höfðu komið þjóðinni á kné. Nei. “Við skulum
ekki leita að sökudólgum”. Þetta minnir um margt á þegar
Heidrich Himler var handtekinn í lok stríðsins. Himler var í
dulargerfi og með passa manns sem hafði látist við að verja
Þýskaland. Illuga Gunnarson ætti að sækja til saka vegna
vanrækslu og mútuþægni varðandi Sjóð 9. Við þurfum nýjan
seðlabankastjóra. Hann er lykilmaðurinn í hversu illa fór. Hann
sleppti hundunum lausum og rýmkaði allar reglur til þess að þeir
gætu gert sem mestan skaða. Vanhugsuð og heimsluleg ummæli hans
munu kosta okkur miljarða tugi ef ekki hundruði miljarða. Þótt
ekkert væri gert annað en að reka Davíð þá væri það nóg. Hann er
tákn fyrir hvernig fór. Heimska hans og hroki verða í minnum
höfð. Við Íslendingar höfum eignast okkar Quisling.
Fjármálaeftirlitið á að skoða í kjölinn. Hvaða andskotans
eftirlit ástundaði Fjármálaeftirlitið mér er spurn? Mikilvægast
verkefnið er þó uppstökkun í öllu embættismannakerfinu. Það á
ekki að líðast frekar að ríkistjórnir hverju sinni í samkrulli
með minnihlutanum skuli útbýtta opinberum embættum til þess að
styrka innviði sína eigin flokka en ekki landinu til hagsbóta.
Samtrygginguna verður að uppræta. Hún er meinsemd sem á stóran
þátt í því hvernig fór. Í heilbrigðu lýðræði væri fyrrverandi
forsætisráðherra ALDREI valinn sem seðlabankastjóri! Maðurinn
veit ekkert um hagfræði. Hvernig haldið þið ágætu lesendur að
Davíð tæki á móti vini sínum, stjórnarformanni Landsbankans
Kjartani Gunnarsyni í Seðlabankanum? Þeir eru báðir óhæfir þvers
og kruss.

Ég er þess fullviss að þungamiðja íslenskra stjórmála mun
breytast verulega eftir hrunið. Ég spái því að
Sjálfstæðisflokkurinn hverfi af sjónarsviðinu. Þetta er
flokkurinn sem er ábyrgur fyrir þessu. Þeir hafa ráðið ferðinni
s.l 20 ár og hafa felt úr gildi reglur sem hefðu komið í veg
fyrir hrunið. Ávöxtur stefnunnar er ljós. Hrun og kollsteypa.
-Brotlending.

Ef ég ætti eftir einn dag ólifaðan og ætti að gefa
löndum mínum eitt heilræði fyrir lífstíð væri það þetta; Ekki
kjósa Sjálfstæðisflokkinn.

Því miður hefur spuni Flokksins virkað að hluta til í þessari
krísu. Nú á að kenna Englendingum um ófarirnar. Gordon Brown er
álitin hið mesta fól. Það er honum að kenna að eigur Íslendinga
voru frystar. Þetta er jafn sorglegt og þetta er rangt. Það var
Davíð Oddson sem frysti eigur Íslendinga í Bretlandi. Í dýrasta
sjónvarpsþætti í heimssögunni blaðraði embættismaðurinn Davíð
Oddson á svo óábyrgan hátt að múrarnir hrundu. Takið eftir
lesendur góðir. Takið eftir! Davíð Oddson sagði að Íslendingar
ætluðu ekki að standa við skuldbindingar sínar í Englandi!. Hann
viðraði hugmyndir um stærsta kennitöluflakk sögunnar. Það var
vegna þessara orða Seðlabankastjóra að allt fór í lás. Kaupþing
féll og hryðjuverkalög sett á íslenskar eigur. Gordon Brown var
bara að bregðast við orðum Seðlabankastjóra. Deila má um hvort
hann hafi notað málið í pólitískum tilgangi eða sér persónulega
til framdráttar, en það skiptir ekki máli. Seðlabankastjóri lét
Gordon Brown frá í heldurnar slegguna sem rotaði Ísland.
Framtíðin er dökk sama hvað valdhafar segi landsmönnum um að
“standa saman”. Málið er að valdhafar hafa aldrei nokkurntíman
staðið með þjóðinni. Þeir hafa í besta falli staðið með flokknum
sínum og fjölskyldumeðlimum. Ef horfir fram horfir mun Íslenska
þjóðin læsast í skuldakrísu næstu áratugina. Fólksflótti blasir
við og er í rauninni hafinn. Stærsa ríkisvæðing Íslandssögunnar
stendur fyrir dyrum. Við stefnum inn í blöndu af Argentínu og
Austur þýskalandi.

-Einhver slappasti hræringur sem hægt er að hugsa sér.

Ég ætla að Haarda í kvöld...

Unglingar eru yndislegt fólk.

Nýjasta slangrið í Reykjavík mun vera sögnin að "Haarda".
Setningin, "Ég ætla að Haarda í kvöld" þýðir að að viðkomandi ætli ekki að gera neitt....

Beyoncé

Vinsælasta lagið hér í Swe er lagið "If I were a boy" með Beyonecé. Ég hlusta á þetta lag svona 4x í vinnunni enda með útvarp í eyrumum allan daginn. Ég verð allaf jafn slegin yfir þvi hvað hún Beyoncé syngur þetta lag vel. það er unun að heyra. Hérna er lagið:



Textinn er einnig nokkuð sterkur.

If I Were A Boy

If I were a boy
even just for a day
I'd roll out of bed in the morning
and throw on what I wanted and go

Drink beer with the guys
and chase after girls
I'd kick it with who I wanted
and I'd never get confronted for it
cause they stick up to me

If I were a boy
I think I could understand
How it feels to love a girl
I swear I'd be a better man
I'd listen to her
Cause I know how it hurts
When you lose the one you wanted
Cause he's taking you for granted
And everything you had got destroyed

If I were a boy
I would turn off my phone
Tell everyone it's broken
so they'd think that I was sleeping alone

I’d put myself first
and make the rules as I go
Cause I know that she’ll be faithful,
waiting for me to come home, to come home.

If I were a boy
I think I could understand
How it feels to love a girl
I swear I'd be a better man
I'd listen to her
Cause I know how it hurts
When you lose the one you wanted
Cause he's taking you for granted
And everything you had got destroyed

It's a little too late for you to come back
Say it's just a mistake,
think i'd forgive you like that
If you thought I would wait for you
you thought wrooong

But you're just a boy
You don't understand
and you don't understand, ohhhh
How it feels to love a girl
Someday you wish you were a better man
You don't listen to her
You don't care how it hurts
Until you lose the one you wanted
Cause you're taking her for granted
And everything you had got destroyed

But you're just a boy

Lax - Skötuselur og Aborri

Ég flakaði 250 kíló af laxi í dag. það tók slatta tíma og ég er aumur í þumalputta hægri handar eftir hnífslagið. Ég er orðin all-fær og var hrósað fyrir snör handtök. Eftir það þá flakaði ég 20 skötuseli fyrir nokkur veitingahús í borginni.

Skötuselur er ferlega skemmtilegur fiskur að flaka. Hann er ekki með beinagarð á hliðunum. Hann er þvi skorin eftir endilöngum hryggnum sitthvoru megin og snyrtur. Mér þykir pínulítið vænt um þennan ljóta fisk. Áferði skötusel er furðuleg. Hann er gríðarlega feitur fiskur, minnsta fitan er í ketinu sjálfu því að margslungnar fitu-himnur þekja fiskinn frá haus að sporði. Skötuselir geta orðið ferlega stórir. Ekki er óalgengt að sjá skötusel sem er meterslangur. Svíar eru vitlausir í skötusel og hann er dýr. Þykir lúxusmatur og aldrei keyptur af heimilum, bara krám og veitingastöðum.

Frönsk hæðni

Frakkar eru sértakir. Húnor þeirra á afar sérkennilegu plani. Mér geðjast yfirleitt af franskri kímni. Frægt dæmi um franska kímni var þann 12 september árið 2001, þegar stuttur skemmtiþáttur (sem var á dagskrá á hverjum degi fyrir fréttir) birti ljósmynd af tvíburaturnunum í rúst og fyrir neðan stóð

Allah 1 - Jesús 0


Það er eitthvað við þennan hrikalega svarta húmor sem hlægir mig.

Vefarinn mikli frá Valhöll

Spunakerlinginn og blaðamaðurinn Agnes Bragadóttir hefur verið að spinna útgáfu Sjáfstæðisflokksins af bankahruninu. Niðurstaðan er sú að hrunið er útlendingum að kenna. Spuni Agnesar er ekki að virka. það vita allir hvað gerðist.

Agnes kann sitt fag enda er hún Vefarinn mikli úr Valhöll.

101 smekkleysi

Ég varð fyrir ónotartilfinningu þegar ég sá nafnið á lúxus-skútu Jóns Ásgeirs og Ingibjargar konu hans. 101-skútan eitthvað í þá áttina. -Hundrað og einn skútan.

Nú er ég 101 maður og þekki vel hvað fyrirbærið stendur fyrir. Ég ástundaði Kaffibarinn í all-mörg ár og þekki allar rotturnar í 101. Ég fullyrði að skútan þeirra skútu-hjúa á EKKERT skylt við 101 stemninguna.

101 stendur fyrir frumleika, þor, lífsgleði, auðmýkt og meir að segja smekkvísi. Bóhemar í bland við skemmtilegt fólk. Ég á ógleymanlegar stundir (og margar gleymanlegar) frá Kaffibarnum og hitti allt frá Steingrími Njálssyni, Damon Albarn, og Uffe Elleman Jensen utanríkisráðherra Danmerkur á djamminu á þeim frábæra stað. Ég það kvöld fór ég meir að segja á trúnó með Jóni Baldvini þáerandi utanríkis. Kaffibarinn og 101 stemningin er óðurinn til gleðinnar, enda voru allir óðir af gleði þarna inni.

Ekkert að þessu er að sjá í þessu 101 konsepti hjá þeim Jóni og Ingibjörgu. Þetta er bara eitt risastórt K I T C H. Miljón, triljón dollara kitch. Burstað stálklósett með kjósettsetu úr tannlæknastáli. Platinum sturtuhengi með ljósfíberum. Hvítbæsuð eik með með svörtum stálarni. Inn í arninum logar einn gaslogi. Blár, einmanna, kaldur logi. Þetta er eins og í tómu fiskabúri. Andlaust, skammlaust og mannlaust.

101 þeirra Baugshjóna er ógeð sem vekur velgju hjá smekkvísu fólki. Sérstaklega dapurlegt í því ljósi að Ingibjörg þessi mun vera lærð í einhverskonar smekkvísi.

En lengi má manninn reyna. Við lifum á tímum þar sem er nóg að segjast vera listamaður til að vera álitinn slíkur. það er nóg að hafa hafa áhuga á hönnun til að verða "hönnður" og það er nóg (eins og dæminn sanna) að skulda triljónir til þess að vera álitinn ríkur.

Þessi hundrað og einn snekkja þeirra hjóna stendur í raun alveg sem listaverk eftir Damien Hirst. Listaverk um klikkun, smekkleysi, jarðtengingarskort, mannhatur og síðast en ekki síst, heimsku.

Fimleikadrottningin Ísfold Mjöll

Íslenskt fjármálakerfi er að taka þrefalt heljarstökk með skrúfu og bolvindu. Lendingin er að misheppast. Fimleikastúlkan Ísfold Mjöll kastast á dómarana og slítur úr sambandi tölvuborð. Breski dómarinn, frú Inglewood fór úr mjaðmalið og það kræktist úr henni annað augað í hamaganginum. Danski dómarinn glottir við tönn enda skyggði Ísfold á Jytte Holm, danska keppandann. Ísfold var á gríðarlegum hraða í upphafsstökkinu og á því í miklum erfiðleikum með Newtonslögmálið. Hún stefnir nú á steinvegg fyrir aftan svampgryfjuna. Eftir 2 sekondur skellur hún á steinveggnum með hrikalegum afleiðingum. Ísfold mun rotast. Stein-rotast.

Miklar vonir voru bundnar við Ísfoldu Mjöll en augljóst er að æfingar hennar hafa ekki skilað sér. Dýrir þjálfarar og íþróttaspekúlantar læðast nú með veggjum.

Illugi Gunnarson alþingismaður sem átti að fygjast með æfingaprógrammi Ísfoldar fylgtist ekki með neinu og eyddi peningunum sem hann fékk fyrir viðvikið að kaupa sér gosbrunn eða eitthvað álíka.

Ólafur Ragnar Grímsson forseti sem hefur eytt 3 kjörtímabilum í það að mæra Ísfoldu er byrjaður að drekka. Nokkuð sem sætir furðu því Ólafur er stakur bindindismaður

Davíð Oddson þjálfari Ísfoldar er ennþá að öskra sig hásan "Áfram Ísfold" samhliða því að hann segist ekki hafa samþykkt æfingaprógrammið. Hann tekur þó ekki í mál að víkja úr þjálfarastöðunni þótt útséð að skjóstæðingur hans mun enda á spítala.

Hannes Hólmsteinn Gissurarson helsti sérfræðingur Íslands í fimleikum segir árangur Ísfoldar sé ekki fimleikum að kenna. Að öðru leyti hefur Hannes farið mikið út og horfir víst stöðugt á gamla ALF-þætti.

Sjálfstæðis(fimleika)flokkurinn er í upplausn og ekki útséð með framtíð þessa fimleikastórveldis.

Þorgerður Katrín varaforseti Sjálfstæðis(fimleika)flokksins var svo viss um að Ísfold myndi glimra á dýnunni að hún veðjaði aleigunni um að Ísfold myndi vinna.

Einhver hefur hringt í IMF sem er samræmt sjúkralið með vafasama fortíð. Sjúkraflutningarmenn IMF hafa verið dæmdir fyrir læknamistök í Afríku og Asíu. IMF-liðar vekja ugg og hatursglampi logar í augum gamalla sjúklinga.

Baldur McQueen

Bloggarinn geðfeldi Baldur McQueen er hættur að blogga. Hann gafst upp. Hann fékk nóg. Í lokafærslu sagðist hann ekki nenna þessu lengur. Vitleysingarnir og íslensk retórík gerðu út af við hann.

Mér finnst þetta hálfgerð synd því að Baldur var öflugur bloggari og naskur á fleti sem oft og tíðum rötuði inn á önnur blogg og í aðra fjölmiðla. Baldur var t.d sá sem benti á lygaþvæluna í Davíð Oddsyni þegar hann sagðist aldrei hafa "hampað þessum útrásarmönnum". Baldur googlaði í 5 mínútur og fann 2 lofræður sem DO hafði þulið upp þar sem útrásin var lofsömuð í hvívetna.

það sem ég er svekktastur yfir að Baldur hefur ekki fattað að einn bloggari breytir ekki heiminum. Einn bloggari getur samt hæglega lagt sitt lóð á vogarskálina til þess að gera samfélagið bærilegra. Blogg er nefnilega baul. Lítið mark er takandi á einu bauli en ef margir baula þá heyra það allir. Ég hef tekið eftir því þegar ég baula þá hefur baulið í mér oft náð inn í hefðbunda fjölmiðla eins og dagblöð og sjónvarp. Ekki það að ég sé nafngreindur eða þvíumlíkt, heldur finnst mér stundum að hugmyndin mín eða einhver vinkill skili sér inn í þjóðmálaumræðuna. Þannig er tilganginum náð.

Ég er t.d þess fullviss að ítrekuð varnaðarorð Jónasar Kristjánssonar um IMF á blogginu sínu hefur valdið því að fólk er farið að spyrja sig í alvöru út á hvað þetta fyrirbæri gengur eiginlega. Aðrir blaðamenn lesa greinilega bloggið hans Jónasar og það skilar sér.

Í blogginu gildir að baula sem mest og halda sig við efnið.

Komin með vinnu

Eftir 30 daga atvinnuleysi þá er ég komin með vinnu. Þetta er ekki draumadjobbið en djobb eigi að síður. Ég er sem sagt orðin flakari hjá fyrirtæki sem heitir Leröy. Ég flaka fisk. Er í vinnufatnaði með volduga svuntu um mig miðjan, stend við borð og flaka allskonar fisk. Þorsk, lax, ýsu og aborra. Einnig Skötusel og aðra furðufiska.

Það var svolítið skrýtið að vera komin aftur í svona vinnu eftir að hafa veriði í "fínum" vinnum á Íslandi. síðasta starfið mitt endaði meir að segja á orðinu "stjóri". En svona er þetta. Þetta er staðan. Staðreyndin er sú að ég nenni ekki að hanga heima og velta vöngum yfir því hvað ég eigi að vera að fást við. Ég þarf að komast út og læra tungumálið almennilega og ég er viss um að
atvinnuþátttaka er betri leið til þess en að fara á sænskunámskeið. Eftir 4 mánuði (ég réð mig í 4 manuði) get ég vonandi fengið mér þrifalegri vinnu og einhvað sem passar betur við reynslu mína frá Íslandi. Vinnufélagar mínir eru ágætisfólk og aðbúnaður hinn besti.

Ég sá auglýsingu um þetta starf á netinu og bara stökk niður í skrifstofna og "seldi" mig á staðnum. Byrjaði strax þann daginn því það bráðvantaði einhvern í djobbið. Ég hef unnið áður við flökun en það er ansi langt síðan. Þá var ég á Flateyri og vann með honum Illuga Gunnarssyni alþingismanni sem er búin að skíta í buxurnar út af þessum Sjóði 9 sem hann átti að passa uppá en gerði ekki. Satt best að segja þá er ég sennilega í betri sporum í svuntunni en Illugi í sparifötunum á Alþingi.

5000 kallar

Það sagði mér félagi minn úr bankabransanum (og meðlimur í leyniþjónustu Eimreiðarinnar) að fimmþúsundkallarnir í bankakerfinu væru um það bil að klárast.

Þeir eru allir komnir undir kodda landsmanna.

Ekki kaupa spunann!

Nú er neyðarráð Sjálfstæðisflokksins að reyna að koma því að hjá Íslendingum að Hrunið sé útlendingum að kenna. Erlendir seðlabankar og Gordon Brown hafi knésett landið. –Ekki trúa þessu. -Þetta er lygi.

Það er peningamálastefna Sjálfstæðisflokksins sem hefur leikið landið okkar svona grátt. Davíð Oddson setti síðan prívat og persónulega Kaupþing á hliðina með ótrúlegum orðum sínum í Kastjósþætti. Viðbrögð Breta voru ósköp eðlileg í því ljósi.

Ekki trúa spunanum úr Valhöll.

sí-gjammandi asni.

Ég hef fylgst grannt með fréttum af spunanum í krinum fall Kaupþings. Því miður er spuninn að takast og fólk almennt sammælst að Gordon Brown sé óbermi hið mesta. Gott og vel. Það má til sannsegar færa að hann hafi notað tækifærið á að skora pólitískar keilur með því að frysta eignir Íslendinga í gegnum umdeild hryðjuverkalög svo að Kaupþing féll. Gott og vel. Nokkuð til í þessu.

Eitt er aldrei talað um.

Gordon Brown hefði ALDREI farið af stað í þessa för ef að Davíð Oddson hefði ekki farið í landsföðurs-leik í Kastljósinu og beinlínis sagt að skilja ætti eftir skuldirnar í útlöndum. Mann helvítið sagði þetta! -Sagði þetta í einhverrri geðveiki og felldi stærsta, flottasta og frábærasta fyrirtæki Íslands fyrr og síðar. -Takk Davíð.

Spuninn miðast nú við að láta Davíð fá það á tilfinninguna að fall Kaupþings sé ekki honum að kenna. Þetta er reyndar enginn smáræðis kross að bera ef farið er út þá sálma.

-Djöfulsins, andskotast, helvítis, sí-gjammandi asni sem þessi Davíð Oddson er.

Markaðurinn með Birni Inga Hrafnssyni.

Sjónvarps, blaða, og stjórnmálamaðurinn Björn Ingi Hrafnsson stýrir nú einhverskonar umræðuþætti um samfélagsmál á Stöð 2. Þátturinn er settur til höfðus Silfri Eglis og eru efnistök Markaðarins (en svo nefnist þátturinn) áþekk og í þætti Egils.

Nú ætla ég að koma með tillögu fyrir Björn Inga. Tillögu sem ég veit að mun blasta vinsældum Markaðarins langt upp fyrir Silfrið.

Hann á að vera með viðtal við sjálfan sig og segja áhorfendum frá aðdraganda REI-málsins og þeim hræringum sem fylgdu í kjölfarið. Lykilatriði er að halda sig við raunverulegu skýringarnar og láta þær opinberu eiga sig. (allit vita að hinar opinberu skýringar voru fyrirsláttur)

Nú er tækifærið á að segja frá því á mannamáli hvernig kaupin ganga fyrir sig í Víkinni Mér þætti t.d afar fróðlegt að vita hvernig útrásarmennirnir óskaplegu tengdust inn í REI. Hvað var Villi að spá? Er það satt sem GMB heldur fram að hann og félagar sínir í Sjálfstæðisflokknum hafi stoppað REI-málið. Svörum við þessum knýjandi spuringum gæti þáttastjórnandinn sjálfur svarað, enda svörin frá fyrstu hendi í orðsins fyllstu merkingu

Ekkert bull, enginn spuni, bara sagan eins og hún leggur sig.

-Það væri tilbreyting amk.

Tapaði 1,5 miljarði

Þorgerður Katrín verðandi síðasti formaður Sjálfstæðisflokksins tapaði 1.5 miljarði á hruni Kaupþings.

Þetta hefur Eimreiðin skv. áreiðanlegum heimildum.

Aumingjaverðlaun Eimreiðarinnar.

Eimreiðin hefur hleypt af stokkunum mánaðarlegum verðlaunum fyrir aumingjaskap, hugleysi og bleyðuhátt. Verðlaunin heita "Aumingjaverðlaun mánaðarins".

Sá fyrsti sem hlýtur Aumingjaverðlauin er þingmaðurinn Pétur H Blöndal þingmaður Sjálfstæðisflokksins og helsti hugmyndafræðngur hans í málefnum viðskiptalífsins. Ástæðan fyrir þvi að Pétur fær Aumingjaverðlauin að þessu sinni eru viðbrögð hans við hruni bankakerfisins.

"Við skulum ekki finna neina sökudólga. -Við skulum snúa bökum saman"

Þetta segir Pétur vegna þess að hann er hræddur. Hann er nefnilega guðfaðir þeirrar hörmungarstefnu sem leitt hefur þjóðina í mestu ógöngur í sögu landsins.

Fyrir þetta og auðvitað önnur þrekvirki á andlega sviðinu fær Pétur H Blöndal Aumingjaverðlaun októbermánaðar.



-Eimreiðin óskar þess ekki að hann stígi á jarðsprengju.

Morgunblaðið 27. maí, 2006

Morgunblaðið 27. maí, 2006 - Viðskiptafréttir
Áhugi á fjárfestingum Íslendinga í Bretlandi

Þetta fékk Eimreiðin í pósti. Sárgrætilegt satt best að segja.

RÁÐSTEFNAN "Iceland in London - Partnering for Success" sem fór fram í Lancaster House í London á fimmtudag þótti takast afar vel, að sögn aðstandenda. Féllu framsögur ræðumanna og svör þeirra við spurningum gesta í góðan jarðveg, en aðstandendur kveða mikinn áhuga meðal Breta á fjárfestingum og viðskiptum íslenskra fyrirtækja.

Um 170 manns sóttu ráðstefnuna, en framsögumenn voru Ólafur Ragnar Grímsson, forseti Íslands, Jón Ásbergsson frá Útflutningsráði, Sigurður Einarsson, stjórnarformaður KB banka, Jón Ásgeir Jóhannesson, forstjóri Baugs, Hannes Smárason, forstjóri FL Group, og Andrew Cahn frá UK Trade and Investment.

Meðal umræðuefna voru einkenni og eiginleikar íslenskra viðskiptamanna og voru framsögumenn sammála um að einfaldleiki, traust, heiðarleiki og gott orðspor væru lykilatriði ætluðu menn að ná árangri í sinni útrás. Væru þessi atriði til staðar væri lagður grundvöllur að hraðri ákvörðunartöku og þar með samkeppnisforskoti.

Á ráðstefnunni kom einnig fram að breski markaðurinn hefði tekið sérstaklega vel á móti íslenskum fyrirtækjum og fjárfestum og mæltu framsögumenn eindregið með Bretlandi sem vænlegum markaði fyrir önnur íslensk fyrirtæki í útrásarhugleiðingum.

Að lokinni ráðstefnu tóku við áður skipulagðir fundir íslenskra og breskra fyrirtækja, ásamt því að Fjárfestingastofa Íslands stóð fyrir kynningu á Íslandi sem vænlegum fjárfestingakosti. Íslenska sendinefndin fór í kynnisferð í breska þinghúsið í gær og heimsótti höfuðstöðvar Bakkavarar.

Tuttugu fyrirtæki með í för
Ráðstefnan er hluti af ferð viðskiptasendinefndar Útflutningsráðs Íslands til Bretlands, sem stendur til 28. maí, en ríflega tuttugu íslensk fyrirtæki eru með í för. Skipulagning og undirbúningur hefur verið unninn af Útflutningsráði í samvinnu við UK Trade and Investment, sendiráð Íslands í London og ráðgjafafyrirtækið Ezenze auk þess sem sendiherra Bretlands á Íslandi, Alp Mehmet, hefur reynst afar hjálplegur, að sögn Theodórs Bjarnasonar verkefnisstjóra hjá Útflutningsráði.

Þess má geta að Lancaster House er ein virðulegasta bygging London og einungis notuð af bresku ríkisstjórninni þegar mikið liggur við, en þetta er einungis í tíunda skipti sem UK Trade and Investment hefur fengið að nýta þessa sögulegu og áhrifamiklu aðstöðu til ráðstefnu- og fundahalda.

Þetta er nú meiri steypan. Fyrirtaksdæmi um hvernig tungumálið er notað til þess að hyjla yfir þekkingarskort og einhverja tilviljana-framkvæmd. Staðreyndin var sú að útrásin farin fyrir lánsfé. Þegar kom að skuldadögum hrundi allt draslið. Ég fæ á tilfinninguna að stemningin í bankakerfinu allt þetta ár hafi einkennst af þvi að hrun væri óumflýanlegt. Ég sé fyrir mér svona 10 - 20 gaura sem liðu vítiskvalir í allt sumar og þar til í síðustu viku, eins og Nick Leason þegar hann gamblaði Bearings-Bank út af kortinu í e-u feigðarflani.

Það er augljóst að þessir gaurar hafa séð þetta fyrir langar leiðir. Þeir vissu vel að bankarnir þurftu meira lánsfé en aðrir bankar. Þeir vissu líka að lánsfé var að skornum skammti vegna Credit Crunch. Þetta hrun hefur legið í loftinu um all langa hríð. Skýrsu um málið var reyndar stungið undir stól eins og allir vita. Það þarf að koma fram hver tróð þessar merku skýrslu inn í buxnastrenginn á sér og labbaði út. Sú liðleskja þarf að standa ábyrg gerða sinna.

1.875 .000.- krónur á hvern Íslending.

Lesandi Eimreiðarinnar póstaði þessu á mig.

Innlent | Morgunblaðið | 13.10.2008 | 06:00

Ábyrgjumst 600 milljarða

Ábyrgð Íslands á greiðslum til eigenda Icesave-reikninga Landsbankans í Bretlandi og Hollandi kostar samtals fjóra milljarða evra eða rúma 600 milljarða króna.

Þetta gera 1.875.000 krónur á hvern Íslending, eða 3,5 milljónir á hvern fullorðinn skattgreiðanda á vinnumarkaðnum.
Einhverjar eignir gætu komið á móti þessum ábyrgðum, en það er óvíst.

Sexhundundruð milljarðar eru svolítið ógnvekjandi tala þegar maður sér hana skrifaða: 600.000.000.000

Hvernig í ósköpunum gat þetta gerst og enginn virðist bera nokkra ábyrgð?

SPUNINN ENDAR HÉR ! ! ! ! ! !

Nú er komin af stað spuni sem allir eru sáttir við. Sér-íslenskur spuni sem gerir aukaatriði að aðalatrinum.

-Nú er Gordon Brown orðin vondi kallinn. Fall Kaupþings, lang-vermætasta fyrirtækis Íslandssögunar er Gordon Brown að kenna. Þetta er spuninn. Þeir sem spunnu upp þennan blekkingarvef eru fyrst og fremst forystumenn Sjálfstæðisflokksins sem nota elstsa trikkið í bókinni þegar eitthvað bjátar á. -Að koma upp sameiginlegri andúð á einhverjum (ósnertanlegum) einstaklingi.

Hvað gerði Gordon Brown svona slæmt? Ég endurtek: Hvað gerið Gordon Brown svona slæmt?

Jú þetta hérna. Hann frysti allar eigur íslenskra banka eftir að Seðlabankastjóri Íslands hafið sagt deginum áður að allar eigur íslensku bankanna yrðu fluttar á nýja kennitölu á Íslandi og skuldirnar yrðu látnar róa í útlöndum..

Nú ætla ég að anda djúpt og hvet ykkur ágætu lesendur að gera hið sama. - Hugsið ykkur! Seðlabankastjóri landsins tilkynnir um stærsta kennitöluflakk fjármálasögunnar.

Sannleikur málsins er þessi. Gordon Brown var bara að bregðast við orðum sem Davíð Oddson sagði nokkrum klukkustundum áður. Davíð sagði á afar skýran hátt að skuldirnar yrðu látnar falla í útlöndum og peningarnir yrðu fluttir til Íslands. Eins og þetta væri ekki nóg, þá hringdi fjármálaráðherra Englendinga í dýralækninn fjármálaráðherra Íslands og spurði hann nánar út í þessa stöðu. Eftir það símtal þótti Englendingum ekki stætt á neinu nema að bregaðst við á þennan harkalega hátt.

Snúum nú dæminu við. Hvað ef að enskur banki stæði tæpt á Íslandi, banki sem íslendingar hefðu lagt inn sparnað inn í góðri trú. Hvað ef sú frétt bærist að Seðlabankastjóri Englandsanka segðist ætla að þurka upp bankann af fé og senda það til Englands? Væri það virkilega furða að stjórnvöld á Íslandi kyrrsettu svona bakna og allt það sem í honum væri!

Nóg er komið af ómerkilegum spuna sem runninn er undan fúlu rifjastæði Sjálfstæðisflokksins.

Brellu -Björn

Ég er ennþá að reyna að átta mig á þeirri staðreynd að Björn Bjarnason, Davíð Oddson og hvað þeir nú allir heita í "ekki-evru-kór" í Sjálfstæðisflokksins...

....Eru reiðubúnir að horfa upp á landinum blæða út en vilja fyrir alla muni ekki sjá þjóðina notast við almennilegan gjaldmiðil.

Björn er meir að segja tilbúin til þess að þiggja risa-lán frá Rússum sem eru augljóslega að kaupa sér vinsemd og velvilja Íslendinga.

Bara ekki Evru. Ekki evru. Ekki evru. Ekki evru. Ekki evru. Ekki evru. Ekki evru. Ekki evru. Ekki evru. Ekki evru. Ekki evru. Ekki evru



Ég vildi óska að Björn Bjarnason færi nú í almennilegt frí, setti á hausinn hermannahjálm og dúndraði Die Hard quadrilogy í tækið og slökkti á sjálfum sér um stundarsakir.

Sökudólgurinn

Það er sannarlega nöturlegt að sitja hérna í Gautaborg og fylgjast með landinu mínu sökkva. Ég vildi óska að ég væri heima. Vinir mínir eru að missa vinnuna, fjölskyldur þeirra sjá fram á svartaþoku og sparnaður allra er horfinn. Ástandið verður alltaf verra og verra eftir þvi sem tímanum líður. Fjármálakerfið og atvinnulífið allt er að bráðna fyrir framan augun á okkur. Uppbygging síðustu 100 ára er að fjúka út í buskann á nokkrum dögum.

Ráðamenn og sérstaklega stjórnmálamenn þreytast ekki á því að brýna fyrir fólkið að "snúa bökum saman" og ekki eyða orku í að finna "sökudólginn". Ég ætla nú samt að benda á kauða hvað sem Pétur H Blöndal vælir um að "snúa bökum saman". -Það er afar lítið að marka þann mann hvort sem er.

"Sökudólgurinn" er óhæft fólk í lykilstöðum hjá hinu opinbera. Því miður er það þannig að stjórmálaflokkarnir ráða því hvaða fólk er valið í lykilstöður og hafa því komið á einskonar lénskerfi fyrir "sitt" fólk. Þetta lénskerfi hefur gulltryggt að vanhæft fólk stýrir skútunni hverju sinni. Um þetta kerfi er almenn sátt meðal stórnmálafólks enda má segja að þetta lénskerfi sé eins og gulrótin sem platar asnann til að erfiða.

Þetta kerfi hefur verið svo lengi að við teljum það jafn sjálfsagt og að sólin komi upp. Fólki finnst t.d ekkert athugavert að því að Seðlabankastjóri sé aldrei hagfræðingur. Þetta andstyggilega kerfi hefur einnig valdið atgerfisflótta úr opinberri stjórnsýslu því að almennilegt fólk hefur hvorki nennu né geð í að hanga í einhverri andskotans biðröð eftir frama. Hugsið ykkur hvað það er ömurlegt að sjá einhvern flokks-asna fá stöðuhækkunina sem maður sjálfur átti skilið. Allt eðlilegt fólk nennir ekki að standa í slíku og eftir situr herskari af ómerkilegum biðraða-séníum sem hvorki kunna neitt né geta neitt. -Þessi staðreynd hefur heldur betur komið í ljós síðustu daga.

Þegar alvaran skyndilega bankar á dyrnar reynist þetta fólk vera ónytjungar. Dýralæknirinn fjármálaráðherra fer með veggjum eins og smástákur sem hefur kúkað í buxurnar. Hann stendur sig sjálfan að því að það virkilega brýtur á honum. Að hann er virkilega í vinnu en ekki í sigurvegari í stólaleik innan Sjálfstæðisflokksins.

Hversvegna eru t.d aðstoðarfólk ráðherra og alþingismanna alltaf úr flokkum viðkomandi? Hversvegna er aðstoðarmaður fjármálaráðherra ekki einhver topp-hagfæðingur? Hví er hann biðraðaséní úr Reykjanesbæ? Hversvegna er gamall vinur Össurar frá Þjóðviljaárunum valinn í stól forstjóra Orkustofnunar? Þó að þessi tvö dæmi séu léttvæg þótt þau undirstriki vandamálið er málið alvarlegra. Biðraðaséniin eiga nefnilega líka færi á stöðum innan dómskerfisins. Náfrændi Davætís Oddsonar þáverandi forsisráðherra var t.d valinn sem hæstaréttardómari, þrátt fyrir að almenn sátt hafi verið um að hann hafi verið óhæfur. Ömurlegastu afsökun hins íslenska spuna á þessi hæstaréttardómari þegar hann afsakaði það að hann fékk einungis aðra einkunn úr lögfræðinni. Hann sagði að hann hefi "næstum því" verið með fyrstu einkunn. Sonur Davíðs fékk einnig dómarastöðu eins og allir vita.

Þetta er semsagt sökudólgurinn. Kerfið brást. Embættismenn, stjórnmálamenn, stofnanir ríkisins og stjórmálaflokkarnir stýrðu kerfisvillunni.

Stórgott dæmi um þessa kerfisvillu er að vélstjóri úr Kópavogi var valinn sem stjórnarformaður Orkuveitu Reykjavíkur. Ekki verkfræðingur sem hafði sérmenntun á sviði orkumála heldur vélstjóri úr Kópavogi. Ekki manneskja sem hefur unnið að því í gegnum langt og strangt nám að koma einhverju góðu til leiðar og með brennandi áhua á orkumálum. Nei. Vélstjóri úr Kópavogi var valinn. Ekki manneskja sem hefur sýnt getu sína í svipuðum stöðum í öðrum löndum. Nei. Vélstjóri úr Kópavogi var valin. Orkuveita Reykjavíkur er reyndar erkidæmi fyrir óhæft fólk því stjórmálaflokkarnir hafa valið þar í hvert sæti.

Hvernig væri nú að ímynda sér eitt andartak að topp hagfræðingur væri Seðlabankastjóri. Hvernig væri að fara með þessa fantasíu aðeins lengra og ímynda sér að í seðlabankanum væri starfandi hópur topp-sérfræðinga. Sumir hverjir væru kannski erlendir. Topp fólk á heimsmælikvarða. Hvernig væri þetta? -Því miður er hvert sæti í Seðlabankanum upptekið fyrir ónýta stjórnmál amenn oguppþurrkuð biðraðaséní.

Nú erum við að súpa seyðið af þessu ógeðfelda biðraðakerfi stjórmálaflokkanna. Krísan skapast vegna fákunnáttu og ráðaleysis og þegar þessi sama krísa skellur á með fullum þunga er stjórkerfið lamað af fávisku og fákunnáttu. Hundruðir miljarðar tapast á nokkrum sekúndum í símtali dýralæknisins Áarna M Mathiesen. Þegar hnn svo gerir sér grein fyrir alvarleika símtalsins reyslensnir Árni að bregða fyrir sig Íslenskum spuna. -Bara að þyrla upp nógu mikið af ryki og vona að málið hverfi. Hverjum tækir þú meira mark á ágæti lesandi. Biðraða -og ættarséníinu úr Sjálfstæðisflokknum í Hafnarfirði eða Fjármálaráðherra Bretlands?

Þetta er sárt að horfa uppá. -Ég vildi að ég væri á Íslandi.

Lokafærsla Björns Bjarnasonar.

Ísland stendur á tímamótum. Fjármála"snillingar" hafa keyrt þjóðina til helvítis á undra-skömmum tíma. Þeir sem áður voru mærðir eru nú fyrirlitnir. Fólk er nú að uppgötva að það hefur verið dregið á asnareyrunum í gegnum síðustu 10 ár. Stjórnmálamenn eru rúnir trausti, embættismenn eru rúnir trausti og fjármálastofnanir eru rúnar trausti.

Nú kann þetta að hljóma eins og einhver ofnotuð klysja en til þess að renna stoðum undir þessar alvarlegu ákúrur mínar þá koma hér nokkur dæmi.

• Stutt er síðan Geir Hilmar sagði að "botninum" væri náð. Síðan þá hefur krónan falli u.þ.b 50%.
  
• Fjármálaeftirlitið hefur reynst gagnslaust apparat sem lítur ekki eftir neinu. Almenningur veit mikið meira um svínaríðið en Fjármálafeftirlitið viðrist gera. Hvað hefur FME t.d sagt um pappírs-fúskið í kringum þegar "Baugur selur Baugi"?
• Viku fyrir þjónýtinguna var Glitnir í "góðum málum" að sögn Weldings miljónaforstjóra.

Oft var Íslandi lýst sem "risastórum vögunarsjóð" þegar litið var til hvernig bankarnir í landinu störfuðu. Íslensku bankarnir svöruðu því til að "traustar eignir stæðu á bak við hverja krónu" og sökuðu gagnrýnendur um öfundsýki fyrir að hafa vakið athygli á skuggahliðum útrásarinnar.

Sú staðreynd að Davíð Oddson er í lykilhlutverki í þessu máli öllusaman er sárari en tárum taki. Hann er alltof umdeildur. Allt sem hann segir og gerir verður sett undir "með eða á móti Baugi-hattinn" eða eitthvað þvíumlíkt. Ekkert mál nær að setjast og hið dæmigerða íslenska óreiða verður ríkjandi um allarl embættisfærsur Davíðs Oddsonar. En þar er Davíð á heimavelli og kann best við sig þegar enginn sér neitt út úr augum fyrir íslensku rugli.

Orð hans um stöðu íslenska bankakerfisins eru svo skaðleg að honum er ómögulega stætt á frekari setu í stól Seðlabankastjóra. Því miður hefur Davið tekið við forystunni af Geir Haarde og stýrir nú atburðarásinni. Geir afhjúpast sem litlaus og átakafælin liðleskja sem ræður ekki við þetta stærsta verkefni íslenskra stjórmála fyrr og síðar. -Því miður. Geir verður að rífa sjálfan sig upp á rassgatinu og reka Davið Oddson. Þó ekki nema fyrir þær sakir að hann hefur tekið völdin í flokknum hans. Stundum eru stjórmál list hinna réttu tímasetninga. Nú ætti Geir að losa sig við Davíð og Björn Bjarnason. Koma Evrópuumræðunni á koppinn og vinna að inngöngu í ESB.

Þótt það kunni að hjóma sérkennilega þá þessir tveir frekar tilbúnir til að sjá landinu blæða til ólífis heldur en sjá landið skipta um gjaldmiðil. -Þetta sætir undrum og vekur reiði. Uppgjör í Sjálfstæðisflokknum er aðkallandi. Þessar hamfarir gerðust á þeirra vakt, með þeirra fulltingi og þeirra vitund og vilja. De-regulasjón fjármálakerfisins er Sjálfstæðisflokknum að kenna -og hafi þeir skömm fyrir.

Helsta áhyggjuefni margra í efri lögum samfélagsins er að ekki skuli fundnir "sökudólgar" og að fólk ætti að dveljast í núinu, og snúa bökum saman á þessum erfiðu stundum.
Þegar storminum lægir og skaðinn af hruninu kemur í ljós skal ég lofa ykkur einu lesendur góðir. Ég er sannfærður um að þjóðin mín um standa saman í uppbyggingunni. Við munum komast út úr þessar kreppu. Við munum lifta grettistaki.
-Þeir einu sem ekki munu dvelja í núinu og snúa bökum með okkur eru um það bil 100 manna hópur sem leiddi þjóðina inn í þessar hamfarir. Þessi hópur verður erlendis að telja restarnar af peningunum sínum. Ég hef áreiðanlegar heimildir fyrir því að mikið hafi verið millifært á reikninga í Cayman eyjum frá íslenskum miljarðamæringum undanfarnar vikur og mánuði.
Ef að það er skoðun einhverrra að ekki skuli rannsaka eða skoða hvað gerðist, og gera það á nákvæman og hlutlausan hátt (lesist: án flokkspólitískra afskipta) þá er ég viss um að sú skoðun er runnin af annarlegum hvötum. Það er árás á skynsemina og mannlega reisn að láta ekki rannsaka svona hamfarir. -En það liggur hinsvegar ekkert á.

Furðulegast af öllu saman í þessari dramatísku atburðarás eru viðbrögð Björns Bjarnasonar. Skyndilega, og öllum af óvörum sér hann ekkert að því að fá risalán frá Rússlandi!. . . Hið hálfkulnaðað kaldastríðs náttröll, Björn Bjarnason sér ekkert að því að fá 600 miljarða lán frá Bjarmalandi. Ég átti svo sem von á svífandi simöpönsum inn um gluggann hjá mér en ekki þessum vinglushætti Björns. Ef ég nennti gæti ég fundið amk. 10.000 tilvitnanir um "rússagull" og "hættuna frá Rússlandi" eða álíka frasa sem bera ofsóknarbrjálæði Björns Bjarnasonar gott vitni.

Ég vona að Björn hætti nú þegar að blogga og að þessi grein hans verið endahnúturinn á annars athygliverðum bloggferli.

Hrun - Uppbygging.

Hversvegna eru bankarnir ekki bara látnir fara á hausinn? Hversvegna er ríkið að blanda sér í þetta. Fjármálakerfið er hvort sem er hrunið. Ríkið á að bakka út úr þessari Glitnisreddingu. þetta er alltof dýrt og setur okkur á sama stall og verstu Afríkuríkjum. Er ekki hægt að selja eignir bankanna og slíta þá í sundur, henda því sem er ónýtt og selja það sem hægt er að selja?

-Hreinsa borðið og byrja upp á nýtt.

Þeir sem tapa eru í rauninni þeir sem mest eiga. Nú er komið í ljós að ríka fólkið, sem hagnast hefur ótrúlega s.l 10 ár á fullt af peningum. Hversvegna eiga skattgreiðendur að redda þeim? Hvaða réttlæti er í því?

-Ég er standandi bit.

Enginn aðgerðapakki

-Þetta reddast.

Jókerinn í Svörtuloftum

Ég sá þessa mynd á sístækkandi hóp á Fésinu sem heitir "burt með seðlabankastjóra". Ég hvet alla til að skrá sig í hvelli. Þessi mynd var þar á meðal. Hún er kostuleg.

Stjórnmálin í Svörtuloftum

Ég talaði í gær við náunga sem fylgist vel með íslenska fjármálakerfnu. Sá vinnur við einhverskonar hagfræðirannsóknir á vegum Gautaborgarháskóla. Við ræddum til og frá krísuna sem nú hrjáir landa mína.

Þessi ágæti Svíji kom með útskýringu sem ég hef ekki heyrt áður. Hann sagði mér að eftir að ríkið þjóðnýtti Glitni þá hafi seðlabankastjóri í leiðinni gjaldfellt sinn eigin trúverðugleika. Berlega hafi komið í ljós að hann var ekki að vinna fyrir hagkerfið.

-Hann er í pólitík.

Og vegna þess að hann er í pólitík og ekki að vinna vinnuna sína þá nýtur hann ekki trausts meðal annara seðlabanka. Þessvegna fáum við fyrirgreiðslu, þessvegna bjóðast bara lán á ofurkjörum.

Davíð Oddson ætti að hætta strax. Kreppan er ekki honum að kenna, en hann hefði átt að vinna vinnuna sína og hlusta á ráð færustu sérfræðinga áður en allt fór til andskotans. Kreppan versnaði til muna við ráðaleysi Davíðs. Hún fór lagðist síðan á þjóðina með fullu afli þegar Davíð ákvað að þjóðnýta Glitni (og taka yfir skuldur bankans)

Bjarni Harðarsson er fáviti.

Baldur McQueen rifjaði upp ummæli Framsóknarþingmannsins Bjarna Harðarsonar frá 16. september s.l. Þá spáði Bjarni Harðarson þvi að ef Evra hefði verið í gildi ríkti á Íslandi skelfingarástand.

Baldur fær plús í kladdann fyrir að rifja þetta upp. Ég hvet lesandur að tékka á síðunni hans Baldurs. Hún er hér.

Peningar steyma inn á reikninga Kaupþings

Ég sá í Dagens Industri umfjöllun um Kaupþing. Þar er sagt að í kjölfar kreppunnar streymi inn peningar inn á Edge-reikninga Kaupþings. Hérna er mynd af greininni. Ég bið lesendur afstökunar á lélegum myndgæðum. :)

Punturinn er þessi: Fólk treystir Kaupþing fyrir sparnaðinum sínum...

Kostuleg ummæli.

Bloggarinn geðfeldi Ómar Valdimarsson hvetur til mótmæla við Seðlabankann. Nokkuð sem er í sjálfu sér ekkert skrýtið.

Ómari er greininlega heitt í hamsi því og brýtur 3ja boðorð þæga hægri mannsins með því að hvetja til mótmæla. Þessvegna setur hann varnagla við þessa áeggjan sína. Hún er svona orðrétt.

"Mótmælendur hafa ekki verið hátt skrifaðir hjá mér í gegnum tíðina. Helst vegna þess að oftar en ekki er lítill hópur einstaklinga að mótmæla vilja meirihlutans."

Ekki er hægt að skilja þessi orð Ómars en á þá lund að mótmæli séu í rauninni merkingarlaus nema að þau séu framkvæmd með samþykkir 51% landsmanna (ellegar þýðis í einhverju mengi). Þetta þykir mér kostuleg skoðun en jafnframt hrollvekandi. Ómar er nefilega ekki einn um þessa túkun sína á mótmælum og sýnir vel ákveðnin van-skilning á gangvirki samfélaga. Bloggarinn Kári Páll bendir einnig á þetta spélegu skoðun Ómars.

Mótmæli eru bara fyrir meirihlutann. Minnihlutinn eru bara hassreykjandi batik-mussu-pakk í umhverfisvænum klossum fremjandi hreyfilist milli kertafleytinga og rauðvínsdrykku.

Maður skyldi samt passa sig að gagnrýna Ómar. -það gæti kostað mann málsókn og nokkra hundraðþúsundkalla. :)

Geirvörtur Seðlabankastjóra

Stóru tíðindin í Glitnismálinu eru þau að það er ekkert plott í gangi. Þetta er ekkert Davíð að kenna. Ég hvet alla til að lesa bloggið hans Péturs Tyrfingssonar. Þar er fín greining á málinu.

Vissulega stífnuðu geirvörturnar á seðlabankastjórna þegar Þorsteinn Már kom að máli við hann og vissulega notaði seðlabankastjóri öll ljótustu trikkin til að eyðileggja möguleika Glitnis til að komast út úr klípunni. Vissulega kom í ljós hver hefur í raun töglin og haldirnar í forsætisráðuneytinu. Vissulega kom í ljós pastursleysi viðskiptamálaráðherra þar sem hann þóttist hafa verið með í ráðum frá upphafi.

En...

Lítið var annað í stöðunni! Ríkið á ekki að lána 86 miljarða til fyrirtækis hversu vel það sé statt. Í tilfelli Glitnis á það ekki einu sinni við þótt því sé haldið að þjóðinni með reglubundum hætti. Bankarnir hafa vaxið langt umfram það sem Seðlabankinn getur ábyrgst. Þessi lausn, þótt ömurleg sé, er í rauninni skársta lausnin. Auðvitað er þessi krafa um að kaupa 75% hlutabréfa í Glitni á skít og kanel óréttlát og ömurleg og sennilega verða breytingar á þessu þegar storminum linnir.
Það sem er svo hrikalegt í þessu máli er að sögusagnir um einkahefnd Davíðs sé ástæðan fyrir ríkisvæðingu Glitnis munu aldrei deyja. Það er ekki traust og það er ekki sátt um Seðlabankastjóra. Allt sem hann gerir mun verða sett í hina sér-íslensku skotgrafir. Þar sem málum er skipt í tvennt með eldfljótum hætti í með eða á móti hinu eða þessu. Þýsk kona sem fylgst hefur með umræðu í kringum virkjanir og náttúruvernd sagði að umræða um málefnið væri ónýt og ómöguleg af þessum sökum. Alltaf skulu mál sem eru í deiglunni vera sett í skotgrafað kökuformi og þannig tryggt að niðurstaða náist aldrei. þetta er að gerast í Glitnismálinu. Það er einna helst bloggið sem liftir sér upp fyrir skotgrafirnar og reynir að fá e-a heildarmynd.

Ég held að hluthafafundur Glitnis þar sem ákvörðun verður tekin um þennan nauðar-samning verði sögulegur. Tíminn vinnur með Glitni í þessari erfiðiu stöðu. Um leið og risa beil-átið í Wall Street verður samþykkt mun allt fara upp á við. Lánamöguleikar opnast og hugsanlega mun Glitnir sjálfur redda sér út klípunni. Við það myndu reyndar geirvörtur Seðlabankastjóra linast umtalsvert og hann sennilega sendur á spítala, en hagur þeirra 11000 hluthafa Glitnis myndi lagast. Best er að bíða og sjá hvað gerist við Veggjastræti áður en stórar ákvarðanir eru teknar.

Næstu ár verða spennandi. Ég spáið því að ein risa-stór endurskipulagning muni eiga sér stað. Þeir ríku (og þeir ofur-ríku) munu sætta sig við það að eitt eða tvö núll hafi horfið af innistæðum þeirra. Ég held að neyslugeðveikin mun lagast af einhverju leiti. Sú árátta Íslendinga að kaupa sér drasl (eins og Range Rover og hjólhýsi, plasma parket og annað prjál) án þess að eiga fyrir því mun taka enda.

Ég bý í Svíþjóð og veit að sænskir nota ekki kreditkort, eru ekki með yfirdráttarheimlid, leggja til 15% af tekjum sínum í sparnað, aka um á notuðum bifreiðum, hjóla mikið í vinnuna, taka með sér nesti. Allt saman dæmi um lífsstíl sem Íslendingar hata eins og pestina. Þessvegna eru vandræði Svíja ekki í líkingu við vandræði Íslendinga. Vegna þess að Svíjar eru SKYNSAMIR.

Sagan fer í hring. 1980 mun koma aftur. Einn risa Moggi og nokkur flokksblöð. Ein sjónvarpsstöð. Fiskur verður aftur númer eitt. Verðbólga á bilinu 20 - 60 %. Atvinnuleysi, iðnverkakonur og samfélagsumræðan mun snúast um tittlingaskít. Það góða við þessa framtíðarsýn er að punkið mun koma aftur with að vengance. Því ber að fagna. Nýr Bubbi. Nýtt Brunalið og listalíf mun blómstra (eins og alltaf þegar illa árar).

Auðvitað væri æskilegra að við færum ekki afturábak til 1980,
heldur fram til ársins 2020. Gengjum í Evrópusambandið, tækjum upp alvöru gjaldmiðil og að skotgrafa-kökuforminu væri hent út og opnað fyrir almennilega þjóðfélagsumræðu. Auðvitað væri æskilegt að núverandi kosningakerfi væri breytt þannig að það væri réttlátt. Ein mannesja - Eitt atkvæði. En ekki eins og nú er þegar eitt atkvæði Vestfirðings gildir það sama og tveggja Reykvíkinga.

Við stöndum í rauninni á ansi merkilegum tímamótum. Nú er lag að taka til eftir partíið. Henda út fullum gestum sem rausa eitthverja dellu, taka hakann sem situr á bókakafi í baðkarinu, ryksuga hressilega og byrja að lifa eins og fólk en ekki eins og fábjánar.