Die Hard-partý hjá Birni Bjarna.

Sjálfstæðisflokkurinn er samansafn valdasjúkra,veruleikafirrtra, geðsjúklinga.

Ég er ekki að segja þetta vegna þess að mér er eitthvað mikið niðri fyrir. Þetta er niðurstaða af vel athuguðu máli.

Fyrst leggja þeir efnahag landsins í rúst, svo verða þau fúl yfir því að þeim sé bolað frá völdum. Þá fyrst er byrjað.

• Einar Guðfinnson opnar á hvalveiðar á síðasta degi sínum í embætti. Greinileg jarðsprengja fyrir komandi ríkisstjórn. Erfiður pakki og augljós skemmdarverkastarfsemi.
• Davíð Oddson hótar að fara í mál við ríkið á þessum víðsjárverðu tímum og kerfst 200 miljóna fyrir að vera rekinn (þrátt fyrir að hafa tortímt efnahagi landsins) Síðasta svipuhöggið á landa sína.

Allir væla þeir svo um svik og pretti, að ógleymdum frasanum um ringulreiði vinstri flokkanna. Þessu fólki er ekki viðbjargandi og ég hvet þau til að taka sér s.s vikufrí frá stjórmálastússi. Hittast heima hjá Birni Bjarna og tékka á nokkrum Die Hard myndum. Fá sér popp og fara pottinn með túpu af bjór og Jagermeister.

-Ekki væri verra að umræðurnar snérust um hvernig til tókst á 18 ára valdatíma þeirra.

VR félagar. Lesið þetta!

Kristinn Örn Jóhannesson mótframbjóðandi Gunnars Páls verkalýðs-bófa, kemur hér með athyglisverðan vinkil á "stóra-afskrifta-málið". Upphaflegu færslan er hér.

Hér er enn ein birtingarmynd þversagna Gunnars Páls VR formanns í málinu, en hann hefur fullyrt að starfsemnin hafi "þurft" að selja bréfin ef þau færu niðurfyrir ákveðið gengi. Þá hljóta allir starfsmennirnir sem fengu 50 þús. milljónir að láni fyrir bréfunum að hafa fengið lánin á sama tíma og þurft að selja á sama tíma.

Þetta stenst enga skoðun. Málið var einfaldlega, eins og ég hef áður sagt - starfsmenn áttu að hafa möguleika að græða á hækkun hlutafjárs áhættulaust. Engin ætlun var nokkurn tíma að ganga á eftir persónulegri ábyrgð, ekkert veðkall var í gangi. Mönnum var einfaldlega ljóst að meiri líkur en minni væru á því að bankinn myndi hrynja.

Það sýna þessar niðurfellingar ábyrgða, og eignarflutningar á maka.

Eða hvað finnst ykkur?

Ríflegur lokabónus VR-leiðtoga.

Þegar Magnús L. Sveinsson hætti sem formaður VR og Gunnar Páll tók við, fór í gang sérkennileg atburðarás.

Gerður var starfslokasamningur við Magnús! Hann fékk 75 miljónir fyrir að hætta. Magnús fékk að taka með sér áunninn lífeyrisréttindi þegar hann hætti! Greinilegt að hann treysti ekki VR fyrir fénu og tók það bara heim með sér.

-Ferlega traustvekjandi eða hitt þó heldur.

Hið sorglega er að VR hefur verið rekið eins og einkafyritæki síðustu áratugi. Einkafyrirtæki sem þjónar eigendum sínum. Líklegt er að Gunnar Páll hafi bundið svo um hnútana að hann fái ríflegan lokabónus þegar honum verður bolað frá.

-Annað væri stílbrot.

Sviðin jörð.

Þegar stríðsgæfa nasista snérist eftir ósigurinn við Volgugrad setti Hitler í gang einhverja ógeðslegustu áætlun í allri stríðssögunni. Áætlunina "sviðin jörð". Þýskum hermönnum var skipað að eyðileggja allar byggningar og mannvirki sem þeir kæmust í tæri við á undanhaldinu, drepa eins marga óbreytta borgara (og fanga) eins og þeir gætu og skilja eftir sig sviðna jörð.

-Þetta gerðu þeir af nákvæmni.

Líkbrennsluofnarnir í útrýmingarbúðunum voru keyrðir á sólarhringsvöktum. Ekkert var slegið af. Menningarverðmæti brennd og hinir frjósömu akrar Rússlands, Hvítarússlands og Úkraínu voru brenndir niður í svörð.

Það stóð ekki steinn yfir steini.

Það sama kemur upp í hugann þegar ég les um að Davíð Oddson hótar því að krefjast fullra launa út ráðningartímann sinn ef hann verður rekinn úr Seðlabankanum. Þetta mun kosta Íslendinga um 200 miljónir. Nú er það svo að Davíð Oddson er ofurlaunamaður og hefur verið allan sinn starfsferlil. Hann setti einnig á umdeild eftirlaunalög sem tryggir honum hæstu eftirlaun í Íslandssögunni. Davíð Odson er ekki á flæðiskeri staddur peningalega. Hótunin um að hann fari í mál við Íslendinga er því ekki spurning um fjárhagslegt öryggi Davíðs, -heldur hefnd.

Davíð sér að hann hefur tapað hinu hugmyndafræðilega stríði. Við blasir hrikalegt efnahagsástand, fjöldaatvinnuleysi og upplausn. Á flóttanum ákveður Davíð að veita löndum síðasta svipuhöggið áður en hann gefst upp í bunkernum í Svörtuloftum. Náhirðin samþykkir eins og alltaf.

Ég tel að ekki sé fræðilegur möguleiki á þvi að Davíð átti sig á villu síns vegar og taki þátt í uppbyggingunni með okkur. Davíð er nefnilega að hefna sín á þjóðinni sinni. Hún klikkaði, ekki hann.

Barnaleg hugleiðing um bílafríðindi VR bófans

Á leiðinni með strákana mína á leikskólann fékk ég barnalega hugljómun.

Hún er þessi:

Afhverju þarf að borga 10 miljón króna jeppa (og bensínið á hann líka) fyrir formanninn sem er með 1.5 miljónir í mánaðalaun?

Er manneskja með eina og hálfa miljón á mánuði ekki fær um að kaupa sér bíl? -Og borga bensínið á téðan bíl?

Hvert höfum við eiginlega lent í siðferðislegum skilningi? Á VR ekki að að hugsa mest og best um hinn almenna félagsmann? Hvert erum við eiginlega komin?

Ég geri mér grein fyrir að þessi hugleiðing mín er barnaleg, enda skaut henni í kollin á mér í leikskóla drengjanna minna. En þessi spurning er samt algert grundvallar-spurning. Í miðri Davíðs-bólunni var alltaf sagt að ofurlaun væru greidd vegna þess að fólkið sem þáði þau væru svo hæf. Að ef ekki væri fyrir ofurlaunin færi þetta hæfa fólk i einhverja aðra vinnu. En nú blasir við að þetta fólk var ekkert hæft. Það kunni satt best að segja ekki rassgat. "Hæfustu" peningamenn þjóðarinnara settu 3 banka á hausinn á 5 árum!

Gunnar Páll formaður VR er einn af þessum hæfu stjórnendum. Hann er með ofurlaun og hefur tapað miljarðatugum af sparnaði VR félaga. Hann hefur líka tekið þátt í fölskvalausri svikamillu sem á ekki sinn líka í heimssögunni. Gunnar Páll samþykkti að eignir bankans væru ryksugaðar í vikunum fyrir hrunið. Hann er siðferðislega brenglaður því Gunnar Páll afskrifaði miljarðatuga skuldbindingar fyrir Kaupþings elítuna rétt fyrir fallið.

Bófann burt! -Svo einfalt er það.

Gunnar Páll hefur áhyggjur.

Það vakti athygli mína þegar ég sá viðtal við Gunnar Pál formann VR í fréttum á stöð 2, að hann hafði áhyggjur.

• Ekki samt af þeim tvöhundruðogáttatíuþúsund*miljónum sem hann lánaði (án alvöru trygginga) á lokamánuðum Kaupþings-svikamillunnar.

• Ekki heldur af miljarða afskriftum til handa Kaupþings-elítunar

Nei. Gunnar hefur áhyggjur af öðru..

Gunnar Páll hefur áhyggjur af því að upplýsingar virðast leka úr Kaupþingi...

Þarf að segja meira? Er þetta ekki komið gott? Þessi bófi sækist samt eftir áframhaldandi setu í VR, félagi sem kennir sig við virðingu og réttlæti...

Þetta er of mikið fyrir mig og ég hef aldrei áður liðið svona þegar ég skrifa nokkuð. Öfgarnar eru svo yfirgengilegar að mig sundlar. Mig svimar. Ég verð tómur að innan.



*Nægt fé til að standa skil á Icesave og Edge...

Davíð Oddson hótar löndum sínum.

Hótun Davíðs Oddsonar um að hann krefjist fullra launa verði hann rekin, er dæmalaus. Davíð á skítnóg af peningum og hefur ofur-eftirlaun sem verða á einhvað í kringum 1,5 miljónir á mánuði þar til hann hrekkur upp af. Hann vill fá full laun í þar til ráðningarsamningur hans rennur út í ofanálag.

Til að gera málið ennþá svívirðilega þá réð hann sjálfan sig sem seðlabankastjóra og ákvað ráðningartímanum. Skömmu áður hafði hann skammtað sjáfum sér ríflegustu eftirlaun sem sögur fara af í opinberri þjónustu.

Í staðin fyrir að halda með okkur og á þessum erfiðu tímum ákveður Davíð að vinna gegn okkur þegar við megum minnst við því. Davíð er arkítektin af Hruninu og gengur nú fram með þeim hætti að undrum sætir. Mann skortir orð til að lýsa þessum ósóma. Sálarlíf Davíðs er nú sennilega afar bágborið enda sér hann að öllum líkindum að stefna sú sem hann skóp var gereyðingarstefna. -En Davíð. Ekki hefna þín á okkur sem sitjum eftir í súpunni eftir Davíðshrunið.

Davíð Oddson hefur tækifæri til að gera eitt grand move áður en hann hættir. Hann hefur tækifæri á að hætta af sjálfsdáðun. Ljúka málinu þannig og fara af hinu opinbera sviði. Ef hann gerir það ekki, verður hans minnst eins og Quislings .

Ég óttast einnig að honum verði ekki vært hérlendis ef hann fjár-kúgar þjóðna sína á þann freklega hátt sem hann hefur gefið í skyn.

Bíllinn sem VR skaffar Gunnari Páli.

Nissan Murano.

Verð: 10.500.000.- krónur

Burt með bófann!

Ef það er vottur af sómatilfinningu meða félagsmanna VR, sem ég efa ekki eitt andartak, þá á að kjósa bófann burt í kosningunum sem hefjast von bráðar á netinu.

Bófann burt ! - - - Allir að kjósa !

Gunnar Páll formaður VR og bankabófi situr enn og hefur styrkt stöðu sína í gegnum hjörð spilltra trúnaðarmanna. Gunnar Páll hefur tapað ótrúlegum upphæðum úr sjóðum VR, samþykkti afskriftir til handa Kaupþingselítunnar og nú síðast.... Samþykkti með bros á vör þegar bankinn var ryksugaður af "völdum viðskiptavinum". Allt lausafé bankas var lánað út gegn engum tryggingum og er nú tapað. Þetta voru tvöhundruðogáttatíu miljarðar.

Tvöhundruðuogáttatíu þúsund miljónir!

Kristinn Örn Jóhannesson frambjóðandi til formanns bendir á þetta í áskorun til Gunnars að draga framboð sitt til baka.

Ég hvet alla félagsmenn í VR að flykkjast á almenna félagsfundinn og kjósa burtu bófann. Mér líst nokkuð vel á Kristinn Örn og hvet lesendur til að kíkja á ræðuna hans sem hann hélt á trúnaðarmannafundinum. Kristinn virðist vera með siðferðiskompásinn rétt stilltan. Það sama er ekki hægt að segja um bófann.

Íslendinga-brandari í Svíþjóð.

Svíar fylgjast vel með ástandinu á Íslandi. Stöðugar fréttir hafa verið af mótmælunum, stjórnarslitunum og stjórnarmyndunarviðræðum. Daviðshrunið var mikið í fréttum meðan það gekk yfir.

Brandari gengur um Svíþjóð. Í brandaranum er sagt frá manni sem óttast ekki innbrotsþjófa. Hann óttast ekki tryllta eiturlyfjaneytendur. Hann óttast ekki óargardýr. Hann óttast ekki neitt!

..........nema Íslending í jakkafötum


Þetta er pínulítið fyndinn brandari, ég hló allavega í fyrsta skiptið sem ég heyrði hann. Það sem er ekki fyndið er að Davíðshrunið hefur stór-skaðað ímynd Íslendinga. Ég hef fregnir af því að dönsk fyrirtæki ráði barasta ekki neina íslenska viðskiptafræðinga. -Umsóknir þeirra fara beint í ruslafötuna.

Kostulegur hræðslu-áróður

Það er beinlínis spélegt að lesa hræðslu-áróður brennuvarganna í Sjálfstæðisflokknum í undanfara ríkisstjónrar Samfylkingar og VG. "Varist vinstri slysin" segja þeir ábúðarfullir en minnast ekkert á Davíðshrunið. Mesta efnahagsslys lýðveldisins.

Það var sannarlega, ég endurtek, sannarlega hægri slys.

Getur ríkisstjórn verið verri en sú sem innifelur Sjálfstæðismann? Lítið yfir akurinn kæru Sjálfstæðismenn og skoðið uppskeru 18 ára valdatíma ykkar! Þarf frekar vitna við?

Eru þið gersamlega veruleikafirrt! -Eruð þið gersamlega veruleikafirrt!


.......Eruð þið gersamlega veruleikafirrt?

Lög um kosningar

það er bráð-nauðsynlegt að nýja stórnin setji einhver lög um um auglýsingakostnað í kosningabaráttu. Jafnvel að banna auglýsingar nokkrum dögum fyrir kosningar eins og Frakkar gera.

Nú er ég ekkert sérstaklega hræddur um að auglýsingaherferð stjórmálaflokka skili þeim eitthvað betri niðurstöðu í kosningum. Ég hef meiri trú á löndum mínum en það. Það eru fyrst og fremst sporin sem flokkarnir skilja eftir sig sem ákvarða um árangur í kosningum. En ég er hræddur við hinn gríðarlega kostnað sem flokkarnir taka á sig vegna kosningabaráttu. Kosningaherferð Samfylkingarinnar mun hafa kostað 100 miljónir fyrir síðustu kosningar. Hver skyldi svo borga þetta á endanum? Jú, við kjósendur. Megnið af opinberum styrk til Samfylkingarinnar fer í að borga niður skuldir út af þessum gríðarlega kostnaði.

Svo er það annað. Þegar stjórnmálaflokki vantar peninga er alltaf hætta á hagsmunaárekstrum. Mútum og þvíumlíku.

Best væri að nýja stjórnin setti þak á auglýsingakostnað vegna komandi kosninga. Annað er hættulegt lýðræðinu. Ég er reyndar alltaf svolítið veikur fyrir hvernig Frakkar gera þetta. Þeir láta kjósendur i friði daginn fyrir kjördag. Þá að er fólki gefin kostur á að vega og meta kosningabaráttur frambjóðenda i friði fyrir auglýsingasprengjum.

Hversvegna slitnaði úr samstarfinu?

Gunnar Axel Axelson veltir fyrir sér spurningunni í ágætu bloggi. Ég las það yfir og það það þyrmdi yfir mig. Þetta er fín samantekt hjá Gunnari en sannleikann í málinu er hægt að súmmera í einn punkt í staðinn fyrir 9 - 10 punkta.

Sjálfstæðismenn tóku flokkshagsmuni fram fyrir þjóðarhagsmuni. -Jafnvel á þessari ögurstundu!

Gunnar Páll formaður VR

Nú er ljóst að Gunnar Páll formaður VR heldur stöðu sinni sem áframhaldandi formaður félagsins. Ljóst er að ómögulegt er að fella hann í lýðræðislegum kosningum.

-Kerfið er of spillt og samtryggingin of þétt.

Ég hvet almenna félagsmenn að láta sig ekki vanta á almennum félagsfundi sem verður haldinn eftir nokkra daga.

-Þar er eina tækifærið að fella bófann.

það versta er eftir.

Nú loks geta stjórnvöld geta sett sig í stellingar og gert upp Davíðshrunið. Sjálfstæðiflokkurinn hefur verið hrakinn frá völdum. Hreingerning í stjórnsýsluni hefst um leið og ný stjórn tekur við (sem ég geri ráð fyrir að veriði kölluð Jónína).

Þegar því er lokið hefjast skítverkin fyrir alvöru. Það byrjar á einum steini, einni spýtu og einum brunnum Range Rover. Uppgjör Davíðshrunsins í bankakerfinu er eftir. Hvítþvottur Björns Bjarnasonar þarf að fara aftur í þvottavélina. Ég óttast að reiðin sem magnast upp við það uppgjör verði af þvílíkum kalíber að mótmælin við þingsetningu alþingis hljómi sem fegursti þrastarsöngur í samanburði við komandi ósköp.

Nauðsynlegt er að frysta allar eigur bankasvindlaranna og sækja þá peninga sem þeir skutu undan. Stjórnvöld verða að koma fram að festu og láta ekki lögfræðingager auðmanna hræða sig.

Ráðherrum fækkar !!

Fyrst það er ekkert mál að fækka ráðherrum úr 12 í 7 þá er mér spurn.

Hvað í andskotanum var þetta fólk eiginlega að gera? Greinilegt er að þetta hafi verið óþörf ráðuneyti. Það getur ekki verið neitt annað! Hvað ætli þetta rugl hafi kostað þjóðina? Hvar voru hagsmunir Íslendinga í þessum skollaleik? Voru þeir kannski settir skörinni lægra en hagsmunir flokkanna?

Reyndar er þetta ekki nýlunda að ráðherrastólar hafa verið óþarfir. Ég man eftir því að einu sinni þá var búið að ráðstafa öllum mögulegum ráðuneytum en Borgaraflokkinn vantaði ráðuneyti. Það var leyst með því að búa til embætti ráðherra Hagstofu!

Flokkarnir hafa mergsogið samfélagið í valda -og peningagræðgi. Vonandi hættir þetta núna og ráðherrar verða 7 í framtíðinni.

Besta ljósmynd í heimi.

Þessi mynd er beinlínis kostuleg. Hallgrímur Helgason og Sturla vörubílsstjóri að fá sér kaffi. Fyrir utan stendur byltingarvélin. Klikkið á myndina til að fá hana stærri. Myndin er fengin héðan.


Vefritið Nei stendur sig í stykkinu. -Flott fólk.

...Ekki á Íslandi

Fréttir þess efnis að finnskur lögreglumaður verði kærður fyrir vanrækslu í starfi eru eðlilegar. Hann yfirheyrði brjálæðing sem sett hafði myndbönd á YouTube þar sem hann skaut eins og brjálæðingur á dósir og annað lauslegt. Brjálæðingurinn var yfirheyrður en sleppt og fékk að halda byssunni. Daginn eftir drap hann 9 manns og sjálfan sig í leiðinni.

Þetta myndi ekki geta gerst á Íslandi. Lögreglumaðurinn væri umvafinn samúð og "skilningi" og aðalatriði málsins gleymdust.

-Hann klikkaði.

Opinberir starfsmenn, þingmenn og ráðherrar komast upp með allt á Íslandi. -þar með talið mannát.

.....Einn brunninn Range Rover

Það hefur verið spélegt að fylgjast með orðræðu Sjálfstæðismanna í kjölfar stjórnarslitanna. Þeir mæla einum rómi um að Samfylkingin sé í "tætlum", að hún sé í raun margir flokkar og ekki hægt að vinna með slíku fólki.

Samfylkingin er reyndar ekki í "tætlum". Samfylkingin er stjórmálflokkur eins og stjórnmálaflokkar eiga að vera. Í Samfylkingunni má nefnilega ræða hlutina ólíkt því sem gerist í Sjálfstæðisflokknum. Það er styrkur Samfylkingarinnar að óánægja kemur fram en kraumar ekki undir niðri. Það er styrkur að flokksforrystan hlusti á flokksmenn og almenning. Mér þykir frumkvæði Ágústs Ólafs, varaformanns Samfylkingarinnar vera til algerar fyrimyndar þegar hann sagði bara skoðun sína umbúðalaust. Að ótækt væri öllu lengur að vera í stjórn með flokknum sem ber ábyrgð á Davíðshruninu. Hann sýndi þar og sannaði mannkosti sína og hugrekki.

Sjálfstæðiflokkurinn á hinn bógin er her af já-fólki sem fylgir foringjanum út fyrir öll skynsemismörk. Sjálfstæðisflokkurinn er ekki stjórmálaflokkur. Hann er stjórnar-flokkur. Allt vald og allri umræðu er stýrt frá einum manni sem í tilfelli Sjálfstæðisflokksins er Davið Oddson, eins asnalega og það hljómar. Í Sjálfstæðisflokknum er ekki pláss fyrir sjálfstæða hugsun.

Framganga flokksins í kjölfar Davíðshrunsins minnir um margt á síðustu daga Þriðja ríkisins. Þar sem öllu var fórnað fyrir foringjann og glataðan málstað. Þar sem hugsanlega hafi verið hægt að redda einhverju var öllu fórnað. Þjóðarhagur var látin víkja fyrir dauðri stjórmálastefnu.

-Það eina sem er í "tætlum" er stjórnmálastefna Sjálfstæðisflokksins.

Nú er lag að hreinsa til og byggja upp. Rétt eins og Þjóðverjar þurftu að gera eftir Hitlerstímann. það hefst á því að taka upp einn stein. Eina brotna spýtu. Færa til einn brunninn Range Rover upp á vörubílspall og fara með á ruslahauga sögunnar.

Til hamingju Íslendingar. Innilega til hamingju.

VR-fólk !! - - - - - Lesið þetta!!!

Töluverð spenna er komin í formannskosningar í VR. 4 sækjast eftir formannsembættinu. Þar á meðal sitjandi formaður Gunnar Páll Pálsson.

Gunnar Páll Pálson núverandi formaður VR og frambjóðandi í næsta formannskjöri sat í stjórn Kaupþings og þáði 600 þúsund kall á mánuði fyrir vikið. Sem stjórnarmaður þar þá kom hann að ákvörðun um afskrifa allar skuldir lykilmanna Kaupþings rétt fyrir Davíðshrunið.

Gunnar Páll Pálsson kom líka að því þegar Kaupþing topparnir beinlínis ryksuguðu bankann af lausafé þegar þeir sáu að baráttan var töpuð. Hundruðir miljarða streymdu út úr bankanum til útlanda, eru sennilega núna, illrekjanlegir í skattaparadísum.

Gunnar Páll Pálson afsakaði sig með þeim orðum að hún hefði verið:

"rétt á þeim tíma sem ákvörðunin var tekin".

Gunnari Páli Pálssyni til fróðleiks þá hafa öll mistök í mannkynssögunni verið "rétt á þeim tíma sem ákvörðunin var tekin". Annars eru þau ekki mistök heldur skemmdarverkarstarfsemi. Gunnar Páll Pálsson gerið mistök sem hann gengst ekki við. VR tapaði tugum miljarða, tapaði ærunni og félagsmenn VR eru orðnir að atvinnuleysingjaher vegna græðgisvæðingardýrkunar Gunnars Páls Pálssonar.

Nú vill Gunnar Páll Pálsson fá frekara umboð frá félagsmönnum VR til að stýra verkalýðsfélagi sem kennir sig við Virðingu og Réttlæti. -Fyrr má nú rota en dauðrota. Ég tek undir yfirlýsingu Kristins Arnar Jóhannessonar, mótframbjóðenda Gunnars Páls Pálssonar um að hann eigi að draga framboð sitt til baka.

Nýjustu fréttir úr fokkmerkinu (húsi verslunarinnar) eru þær að Gunnar Páll Pálsson gangi þar afar keikur um sali og sigurviss með afbrigðum. Sigurviss, segji ég því kosningakerfi VR er sérstakt. Trúnaðarmenn kjósa formanninn. Ef formaður nær svo og svo mörgum trúnaðarmönnum á sitt band, þá er sigurinn í höfn. Nú hefur Gunnar Páll Pálson haft góðan tíma til að hræra í trúnaðarmönnum með allskonar loforðum og sporslum sem útskýrir sigurvissuna.

Ég hvet fólk hvers vinnustaðir eru í VR að fullvissa sig um að fulltrúi þeirra kjósi ekki Gunnar Pál Pálsson. Hann er óhæfur. Hann er óheiðarlegur og hann kann ekki að skammast sín.

Síðasta spillingar-ráðningin

Fréttir af ráðningu Margrétar Frímannsdóttur sem forstöðumanns Litla-Hrauns eru grátlegar. Enn og aftur afhjúpast samtrygging stjórmálaflokkanna. Núna hefur s.s Sjálfstæðisflokkur gert Samfylkingunni greiða og skrifar það í kladdann hjá sér. Næst þegar gott embætti losnar, og Samfylkingin fær að velja, er Sjálfstæðismaður valinn.

Svona hefur þetta verið hingað til. Vonandi hættir þetta núna og prófskírteini verða í hærri metum en flokkskírteini.

Forsaga málsins er sú að þegar Margrét hætti í stjórnmálum þá var búið að ganga þannig um hnútanna að hennar biði góð staða í kerfinu. Furðu sætir að hún hafi ekki þegir sendiherrastöðu því þær eru afar eftirsóttar af flokksdindlum sem vilja hætta í stjórnmálum. Nú er búið að geirnegla þennan bitling fyrir Margréti. (Sendiherrann Eiður Guðnason er erki-dæmi um svona flokksdindil. Óhæfur og vitlaus.)

Það er slæmt. Ég hvet aðra umsækjendur um stöðuna til að kæra þetta eftir mögulegum leiðum. Það vantar reyndar alla löggjöf fyrir fólk sem verður fyrir barðnu á pólitískri spillingu og svoleiðs lög ættu að vera eitt af fyrstu verkum komandi ríkisstjórnar.

Þjóðstjórn er ómöguleg

Þjóðstjórn með aðkomu allra flokka er óhugsandi. Brennuvargarnir í Sjálfstæðisflokknum verða að fá frí. Þetta er komið gott. Þjóðargjaldþrot, atvinnuleysi og bankahrun eru ávextir Sjálfstæðisstefnunnar.

Þessi mynd segir allt sem segja þarf um hvað gerist þegar Sjálfstæðisflokkurinn er við valdataumana. -Ávextir frjálshyggjunnar.

Jóhanna, Jónas og Gísli

Mér líst vel á Jóhönnu sem forsætisráðherra. Hún nýtur virðingar og traust langt fyrir utan raðir Samfylkingarinnar. Meir að segja Jónas Kristjánsson er ánægður með hana. Ég hef reyndar aldrei séð hann ánægðann með neitt nema hesta. Hann hefur kannski ekki misst alla trú á mannfólkið.

Við skulum hanga í þessari von með Jónasi.

-o-o-o-

Annars er kostulegt að fylgjast með hráskinnaleik þingmanna Samfylkingar og Sjálfstæðisflokks. Það er eins og þeir noti sömu rökin gegn hvor öðrum. Gott dæmi um asnalegan málatilbúnað. Hví segja þeir ekki hvað þeim bíður í brjósti í staðin fyrir að þvaðra.

Sannleikurinn sem öllum er ljós er þessi:

Sjálfstæðisflokkurinn vildi ekki reka Davíð Oddson og þessvegna sprakk stjórnin.

Þvaður um óeiningu og stjórnleysi bera vott um flokkshollustu og þvætting. Við þurfum skoðanir fólks en ekki skoðanir flokka á ástandinu. Þingmenn Samfylkingarinnar ættu nú einu sinni að vera ærlegir og tjá hug SINN frekar en hug Flokksins. -Við eigum það skilið.

Ég hvet alla til að lesa blogg flokksdindilsins Gísla Marteins á tíðindum dagsins. þar kemur vel fram hin opinbera flokksskoðun. Gisli er ágætur hvað þetta varðar. Hann talar alltaf fyrir Flokkinn en aldrei fyrir sjálfan sig.

HÚRRA - HÚRRA !!

LOKSINS LOKSINS........ Er 18 ára valdatíma Sjálfstæðisflokksins lokið!

Ég hef satt best að segja engst og kvalist yfir seinagangi Samfylkingarinnar í aðdraganda þessar óhjákvæmilegu ákvörðunnar. Ég hef þó alltaf stutt Samfylkinguna þótt stundum hafi verið grunnt á því góða.

Nú fyrst er hægt að byggja upp. Nú er botninum náð og leiðin getur bara legið uppávið.

Ávextir stefnu Sjálfstæðisflokksins eru ljósir. Efnahagslegt hrun, gerspillt stjórnkerfi, bankahrun og herskarar atvinnuleysingja. Þetta er staðreynd sem ekki er hægt að horfa framhjá.

Ég vona að fyrsta verk nýrrar ríkisstjórnar verði að reka Davíð Oddson úr stóli seðlabankastjóra. það er alger nauðsyn. Arkítekt hrunsins á ekki að í opinberri þjónstu stundinni lengur.

Eiður Guðnason

Það hefur verið áhugvert að lesa bloggið hans Eiðs Guðnasonar sendiherra. Eiður vandar Jónasi Kristjánssyni kveðjurnar og segir hann ritsóða. Eiður sagði reyndar líka að Þráinn Bertelson væri álíka sóði. Í nýjustu færslu Eiðs segir hann Toyota á Íslandi og sparisjóðinn BYR spilla tungunni.

Það er ekki hreingerningaátak Eiðs sem vekur athygli mína, heldur það sem að baki býr. Eiður gefur nefnilega ýmsilegt í skyn þrátt fyrir að það sé sveipað hreingeringa-skýi. Hann segir m.a að undarlegt sé að Þráinn skuli vera á heiðurslaunaflokki Alþingis. Hann segir líka að Þráinn skuli sko muna hverjir settu hann í þennan flokk.

Þetta þykir mér merkilegra en hreintungu-babblið í Eiði.

Þarna afhjúpast nefnilega hugsunarhátturinn. Hugsunarhátturinn sem leitt hefur íslenska þjóð á vonarvöl. Hugsunarhátturinn sem þúsundir Íslendinga hafa mótmælt kröftuglega. Hugsunarháttur meðvirknininnar, rétt eins og í alkhóliskri fjölskyldu.

Helvítis, andskotans, djöfulsins flokksvæðingin.

þráinn á nefnilega að þegja vegna þess að hann fékk heiðurslaun frá Alþingi.

Dagur B. Eggertsson verður forsætisráðherra

Ég get ekki skilið orð ISG á annan hátt en að Dagur verið forsætis...

-Ég veðja hér með litlu tá á að svo verði.

Ótrúlegur andskoti

Það er með ólíkindum hve foringjahollusta Sjálfstæðisflokksins er sterk. Þeir eru tilbúinir að fórna sjálfum sér, þjóðarheill og mannorði sínu til þess að vernda arkítektinn af Hruninu.

Þetta minnir um margt á leiðtogadýrkun Þriðja ríkisins.

Rauða síldin Sjálfstæðiflokksins

Umræðan um inngöngu inn í ESB á þessum hræðilegu tímum hefur alltaf farið í taugarnar á mér. Þessar vangaveltur eiga ekki heima í því ástandi sem er í þjóðfélaginu akkúrat núna. Hinsvegar er spurningin nauðsynleg og svar við henni líka.

Spurningin um mögulega aðild að ESB er reyndar farin að snúast um annað. Sjálfstæðisflokkurinn notar hana nefnilega til þess að slá ryki í augu fólks og afvegaleiða umræðuna sem öllu máli skiptir. Umræðuna um skipbrot sjálfstæðisstefnunnar. Hið hrikalega hugmyndafræðilega skipbrot sem komið hefur þjóðinnin á vonarvöl

Í stað þess að ræða það, berja brennuvargarir sér á brjóst og æpa með æðaþrútinn enni um "fullveldisafsal", "auðlyndaafsal" og mannæturnar í Brussel.

Þó svo að innganga inn í ESB sé hluti af endurreisn landsins (vegna stefnu Sjálfstæðiflokksins) þá er ekki tímabært að velta þessu fyrir sér núna.

-Fyrst þarf að ná botninum, svo er hægt að rífast um ESB.

Davíð og Geir í augum 6 ára gutta.

Þessa mynd sendi lesandi Eimreiðarinnar mér í gær. Myndin massar eiginlega upp ástandið í Sjálfstæðisflokknum. Davíð risastór en Geir Haarde lítill og til hliðar. Athygli vekur að Geir Haarde virðist vera í dúkkulísukjól. Auðvitað vona ég og eins og allir landsmenn að Geir nái heilsu og aðgerðin sem er hann fer í heppnist eins og best verður á kosið. Það þarf ekki að taka fram.

Hérna er þessi frábæra mynd.

Óborganlegt vídeó.

Þetta vídeó kippir manni umsvifalaust í gott skap. Það er ógeðslega fyndið.

Þráinn á að þegja.

Þráinn Bertelson rithöfundur á að þegja að mati Eiðs Guðnasonar sendiherra og Björns Bjarnasonar dómsmálaráðherra. Þráinn reit færslu á dögunum þar sem hann lagði út frá orðum hans sjálfs um hland -og saurvæðingu mótmælanna, sniðugt stílbragð sem Eiður og Björn viðrast ekki skilja.

Björn hefur í kjölfarið beðið Þráinn um að upplýsa þjóðina hvernig stóð á því að hann komst í heiðurslaunaflokk Alþingis. Eiður heggur í sama knérun. Ráðherrann og flokksdindillinn ná þarna óvæntri samstöðu um þetta stóra mál.

Það sem skín í gegn í orðum þeirra er að Þráinn á að þegja vegna þess að hann, samkvæmt heimsmynd ráðherrans og flokksdindilsins, er í "þeirra lið". Hann er komin á jötuna og á þ.a.l að þegja. Ekki nóg með það að þessi stalíniska hugmyndafærði afhjúpast meðal þessara tveggja, þá afhjúpast líka að þeir sem eru í heiðuslaunaflokki skipast þangað eftir pólitískum leiðum. Stjórmálamenn ákveða nefnilega hverjir séu bestu listamennirnir (skv. skilgreiningu þeirra sjálfra)

Nú er það morgunljóst hvernig Þráinn komst í heiðurlaunaflokk. Það losnaði pláss í heiðurlaunaflokkinum og Framsóknarflokkurinn "átti leik" og mátti velja "sinn mann". Þar sem listamenn eru sjaldséðir fuglar í Framsókna ákvað Halldór Ásgrímsson að velja Þráinn. Honum hefur sjálfsagt litist vel á kauða og vonast til þess að geta keypt sér bandamann.

Þráinn komst í heiðurslaunaflokkinn, en furðulegt nokk, hann lét ekki kaupa sig. Hann gagnrýndi Framsókn alveg jafn duglega og aðra. -Gott hjá Þránni og sýnir svo ekki veður um villst að almennilegt fólk er ekki til sölu.

Eiður Guðnason er hinsvegar á hinum pólnum. Hann er búin að selja sig og er auðmjúkur þjónn valdsins. Skoðannalaus, sneyddur sjálfstæðri hugsun, vitlaus og allslaus. Á sínum tíma var hann þreyttur á pólitík og ákvað sjálfur að verða sendiherra. Islenskir stjórmálamenn geta nefnilega ákveðið þetta sjálfir enda eru allar sendiherrastöður Íslands skipaðar flokksdindilum af mismunandi kaliberi.

Heimsmynd ráðamana á Íslandi er stalínísk. Hún gengur út að að þeir sem þiggja listamannalaun megi ekki gagnrýna stjórnvöld. Ennfremur afhjúpast að þeir sem skipaðir eru í heiðurslaunaflokk Alþingis eru valdir eftir pólitískri aðferðafræði. Hæfileikar skipta þar engu máli, bara flokkskírteini.

Lítið en skýrt dæmi um hina skefjalausu flokksvæðingu samfélagsins sem smýgur inn í öll svið þjóðlífsins.

Utanþingsstjórn strax ! !

Ríkisstjórnin er þrotin af kröftum. Hún hefur verið hrjáð af framtaksleysi, ráðvillu og fumi. Þá 110 daga síðan Hrunið varð hefur ekkert gerst. Fum einkennir allar aðgerðir.

• Aldrei hafa verið lögð fram "5 punkta aðgerðaplanið", þar sem skýrt er kveðið á um hvað skal gjört.
• Enginn hefur verið látin sæta ábyrgð á Hruninu. -Nokkuð sem er með algerum ólíkindum!
• Ráðherrar virðast ekki vinna eftir neinu aðgerðaplani
• Þjóðin hefur aldrei verið upplýst um stöðu mála.

Ofan á þetta bætast alvarleg veikindi beggja forystumanna stjórnarflokkana. Þeir ætla eigi að síður að halda í völdin og stjórna landinu úr sjúkrabeði. Ríkisstjórnin hefur misst af tækifærinu til þess að hreinsa til í ráðherraliði ellegar meðal óhæfra ebættismanna. Það tækifæri er farið og kemur aldrei aftur. Endanlegt vantraust til ríkisstjórnarinnar er staðfest með hugleiðingum um að veikindi Geirs Haarde sé "reykboma". Honum er ekki einu sinni trúað þegar hann greinir frá alvarlegum veikindum sínum. Það eitt segir hve gjá vantraustsins er stór og djúp.

Hugleiðingar um mögulega stjórn sem tekur við er í algerri óvissu. Stjórmálaflokkarnir eru einfaldlega vanhæfir á því að takast á við ástandið.

Eina ráðið er að nú taki við utanþingsstjórn, skipuð almennilegu fólki sem laust er við karp og spillingartilhneygingu stjórmálaflokkanna. Hún starfi uns kosið er í maí.

Þetta er eina í stöðunni. Það er í eðli stjórmálaflokkanna að halda völdum. Þeir munu því leggjast gegn öllum slíkum hugmyndum enda telja þeir að valdaafsal á þessum tímum beri vott um veikleika, en eins og allir vita þá telja stjórnmálamenn sig alltaf vita það sem er réttast hverju sinni. Uppi er því alger pattstaða sem ekki verður leyst nema með að stórnmálaflokkarnir lýsi því yfir það þeir ráði ekki við ástandið.

-Það er ekkert að fara að gerast.

Á meðan blæðir þjóðinni og endanlega sannast að flokkshagsmunir eru alltaf teknir fram fyrir þjóðarhagsmuni.

Eyddi færslu.

Ég eyddi færslu nú rétt í þessu. Mér varð á í messunni. Ég fullyrti að Frumherji (sem er í eigu Finns Ingólfssonar) hafi einokunarstöðu á bílaskoðunnarmarkaðnum. Það mun vera rangt. Fyrirtækið Aðalskoðun keppir við fyrirtæki miljarðaþjófsins.

Ég bið miljarðaþjófinn hér með afskökunnar á frumhlaupinu.

Utanþingsstjórn er eina lausnin.

Ógæfu Íslands verður allt að vopni. Nú bætist ofan á allt, alvarlega veikindi beggja formanna ríkisstjórnarflokkanna!

Hvar á þetta eignilega að enda?

Opnast jörðin við Laka og Móðuharðindi herja á landsmenn og búfé? Förum við að drepa hvort annað fyrir snærisspotta? Er hljómsveitin Módel að huga á comeback?

Ástandið í pólitíkinni beinlínis öskrar á utanþingsstjórn. Núverandi stjórnarflokkar eru lamaðir af veikindum formanna sinna, komandi kosningum og plotti um hver skuli taka við völdunum í flokkunum báðum.

Samfylking og Sjálfsstæðisflokkur eru eins og vinir sem bílveltu á splunkunýjum Benz sem var á 100 % bílaláni. Þeir eru núna báðir í endurhæfingu á Reykjalundi og langar voða mikið að reyna að redda Benzinum og fixa bílalánið áður en pabbinn fattar. -Það gengur bara ekki. Þessu verður ekki reddað fyrir horn.

Nú ER stjórnarkreppa. Samstarfsflokkarnir eru lamaðir og valdabáráta um forrystusætið skekur flokkana báða. Þetta er ástandið sem þau sjálf voru að vara við. Hin ógurlega stjórnarkeppa sem þau vildu sko alls ekki.

Óttaslegin Samfylingarforrysta

Fundi hefur nú verið frestað í Samfylkingunni vegna þess að það er of mikill áhugi á honum.

Forrysta Samfylkingarinnar vill ekki heyra róm hins almenna félega. Vill bara einangra sig og stórna. Vilja þæga flokksmenn sem græða á daginn og grilla á kvöldin. Þannig er nefnilega best að ástunda vafasama stórnsýslu, ástunda spillingu og koma fyrir óhæfu fólki á mikilvæga pósta í samfélaginu.

-Þetta er grátlegt.

Samfylkingin mín, sem svo miklar vonir voru bundar við, er sokkinn í sama fenið og Brennuvargaflokkurinn. Orð þeirra um bætt siðferði í stjórnmálum, gegnsæi og réttlæti eru hol og marklaus. Óteljandi dæmi sýna það og sanna.

Ég ætla ekki að gefast upp. Ég tilheyri meirihluta flokksmanna sem enn trúa enn a þessi hugtök hafi eitthvað inntak og það sé hægt að breyta samfélaginu.

Ég hvet Samfylkingarfólk að gefast heldur ekki upp þótt að forrystan hafi gert það. Við þurfum að láta heyra í okkur. -Og það kröftuglega.

Dýrasti bíll í heiminum.

Bugatti Veyron er dýrasti bíll í heiminum. Reyndar eru safnbílar dýrari (gamlir Ferrari-ar og Bugatti-ar) Bugatti Veyron er með 1001 hestafla vél, með 4 forþjöppum. Hröðunin er 2,4 sek í 100 km hraða. Eyðslan innanbæjar eru 40 lítrar á hundraðið. Ef að bíllinn er "botnaður" þá tekur það 12 mínútur að tæma 100 lítra bensíntakninn. Bugatti Veyron kostar 1,5 miljónir bandaríkjadollara og kostar á Íslandi í kringum 350 til 400 miljónir miðað við núverandi gengi. Aðeins 132 Veyron bílar hafa verið framleiddir frá árinu 2005. Allt um Veyron hér.


Landsbankinn í Lúxemburg á eitt stykki.....

LEIÐRÉTTING ! ! -Meinleg mistök

Ég sagði frá því í fyrra bloggi að enginn hefur borið ábyrgð á Hruninu. Það er að sjálfsögðu rangt með farið.

Íslenskur almenningur hefur borði alla ábyrðgina á Hruninu.

Óásættanlegt!

Haft er eftir Ingibjörgu Sólrúnu Gísladóttur, formanni Samfylkingarinnar að ríkisstjórnin eigi að starfa til vors. Þetta er ó-ásættanlegt!

Brennuvargarnir eiga ekki að vera stundinni lengur í slökkvistarfinu. Davíð Oddsyni verður að víkja hið snarasta. Jónasi í FME sömuleiðis. Einnig innherjasvindlarinn Baldur í forsætisráðuneytinu. Sama gildir um Viðskiptaráðherra og Fjármálaráðherra hvers fúsk kostar hverja íslenska fjölskyldu 2,4 miljónir (tala sem á eftir að hækka)

Það er ólíðandi að hafa þessa brennuvarga á sömu póstum og þegar þeir voru að leggja drög að hruninu, ellegar bregðast þjóðinni á ögurstundu.

Krafa mótmælens er skýr!

• Kosningar sem fyrst!

• Út með Davíð!

• Út með Jónas í FME!

Til áréttingar.

Enginn, ekki nokkur maður, hefur verið látinn sæta ábyrgð á Hruninu.

• Ekki seðlabankastjórarnir sem brugðust,
  
• Ekki FME sem brást algerlega hlutverki sínu,
  
• Ekki viðskiptaráðherra sem svaf á verðinum,
  
• Ekki fjármálaráðherra sem með afglöpum sínum mun kosta hverja fjölskyldu á Íslandi 2,4 miljónir vegna ICESAVE hneykslisins
• Ekki ráðuneytisstjórinn í forsætisráðuneytinu sem notaði innherjaupplýsingar til að bjarga eigin skinni.

-Enginn hefur verð látinn sæta ábyrgð!

-Enginn hefur verð látinn sæta ábyrgð!

-Enginn hefur verð látinn sæta ábyrgð!

-Enginn hefur verð látinn sæta ábyrgð!

Íslenska þjóðin er hópur lánlausra aumingja ef við látum þetta viðgangast. -Allir á fundinn á morgunn!

Ólafur Ágúst er ágætur.

Ég furða mig á hroka sums Samfylkingarfólks í garð Ágústs Ólafs varaformanns Samfylkingarinnar. það var gengið framhjá honum þegar ríkisstjórin var mynduð og nú er látið í það skýna að hann sé í raun ekki vara-formaður flokksins.

Ef að gengið verður framhjá Ágústi Ólafi , sem vara-formanns í veikindum ISG, er ljóst að Samfylkinin er ekki hótinu skárri en hinn gerspillti Sjálfstæðisflokkur.

Ágúst Ólafur hefur staðið sig vel, er málefnalegur og hefur ekki skaðast af setu í ríkisstjórninni eins og allir ráðherrar Samfylkingarinnar.

Ótrúlegur andskoti

Ég trúi því ekki að ríkistjórnin skuli ekki vera búin að reka Davíð Oddson og Jónas í FME. Hvað hafa þessir gaurar eiginlega á Sjálfstæðisflokkinn? Ég er þess fullviss að landslagið breytist töluvert ef að ríkisstjórin reki þessa tvo.

Munum ágætu lesendur. Munum að enginn hefur enn verið látin sæta ábyrð vegna hrunsins. Enginn. Enginn. Ekki nokkur maður.

Og það sorglega:

Það lítur ekkert út fyrir að slík hreinsun verði gerð.

Nú eflist andstaðan við ríkisstjórina. Þetta gengur ekki lengur. Hvað á eignilega að ganga langt? Er árbyrgð ríkisstjórnarinnar enginn í þessu máli?

Syndir Framsóknarflokksins.

Framsóknarflokkurinn er á góðri siglingu samkvæmt skoðanakönnunum.

Fók er ótrúlega fljótt að gleyma.

Hér er örlítil upprifjun.
Athugaðu að þetta er langt frá því að vera tæmandi listi:

Ertu búinn að gleyma þessu?:

• Stuðningur Framsóknarflokksins við Íraksstríðið,

• Ráðstöfun Aðalverktaka, handstýrt af Framsóknarmönnum.

• Einavinavæðing Búnaðarbankans,

• Finnur Ingólfsson viðskiptaráðherra, Seðlabankastjóri, milljarðamæringur,

• Gift, milljarðar í þeim sjóði virðast hafa gufað upp.

• Björn Ingi og þáttur hans í REI málinu.

• Kærasta sonar Jónínu Bjartmarz.

• Kögun*

• Guðmundur Bjarnason hjá Íbúðalánasjóði.

• Ólafur Örn Haraldsson hjá ratsjárstofnun.

• Gísli Tryggvason talsmaður neytenda.

• Haraldur Örn Ólafsson (sonur Ólafs í ratsjárstofnun) og aðra sem höfðu starfsheitið "skrifstofustjórar" í gamla iðnaðar- og viðskiptaráðuneytinu. Það voru uþb 6 fleiri skrifstofustjórar en skilgreindar voru skrifstofur til þess að stjórna.

• Páll Gunnar Pálsson (sonur Höllustaðabóndans) forstjóri Fjármálaeftirlitsins og síðar Samkeppniseftirlitsins.

Og svo framvegis og svo framvegis og svo framvegis.

Vill fólk virkilega fá þetta lið í stjórn aftur?


*Þeir sem vilja kynna sér hvernig Gunnlaugur og fjölskylda keyptu Kögun á sínum tíma er bent á að lesa greinarflokk Agnesar Bragadóttur blaðamanns á Morgunblaðinu um málið. Hún skrifaði langan og fróðlegan greinarbálk um þetta.

Söguleg ljósmynd. -Tekin í gær

Lesandi Eimreiðarinnar sendi mér þessa ljósmynd fyrr í dag. Hún er tekin nokkrum andartökum eftir að táragasi var beitt á mótmælendur. Táragas var fyrst notað á Íslandi við inngönguna í NATO árið 1946 og svo aftur árið 1971. Á myndinni má sjá gas-ský breiðast upp og yfir Austurvöll og tvo ringlaða mótmælendur sem vita hvorki hvað snýr upp né niður.



Hérna er ég svo aðeins búin að lýsa upp myndina.

Grunsamlegur seinagangur FME

Nú hefur FME verið að rannsaka viðskipti með skúffufyrirtækið Stím í meira en ár. Viðskiptinn með Stím eru ekki sérlega flókin. Fyrirtækið er ekki eignilegt fyrirtæki heldur leppur. Sagan bakvið Stím getur varla verið svo flókin að það þurfi heilt ár til að rannsaka málið. Þessi seinagangur vekur upp grunsemdir.

Þetta minnir mig á þegar fjárdragarar í fyrirtækjum geta ekki tekið sér frí frá vinnu (eins og þegar fjárdrátturinn mikli var í Landssímanum) af ótta við að allt komist upp þegar aðrir sjá reikingana.

Það kæmi mér ekki á óvart þegar Jónasi í FME verður vikið frá að gysi upp hneykslismál af óþekktri stærðargráðu.

Uppskera 17 ára valdatíma

Uppskera 17 ára valdatíma Sjálfstæðisflokksins er öllum ljós. Efnahagur landsins er í rúst, orðspor þjóðarinnar er ónýtt og óeirðir af óþekktri stærðargráðu skekja samfélagið.

Þessi mynd segir allt um uppskeru 17 ára valdatíma Sjálfstæðisflokksins.


Myndina tók Golli fyrir Morgunblaðið og er birt án leyfis. Ég vona að hann fyrirgefi mér frumhlaupið. Myndir Golla eru engu líkar og ég hvet fólk til að berja þær augum.

Brugðið.

Mér var verulega brugðið þegar ég sá fréttirnar af atburðum næturinnar. Mótmælendur sem hefuð átt að fagna sigri, tóku sig frekar til við að eyðileggja allt sem í vegi þeirra varð. Tveir lögreglumenn liggja alvarlega slasaðir eftir.

Þetta er ástæaðn fyrir því að mótmæli eru tiltölulega fátíð. Enginn veit hvað gerist. Oft, eins og nú á lokadögum mótmælanna, gerist það að ofbeldissjúkir auðnuleysingjar og greindarskertir glæpamenn stýra atburðarrásinni.

Þetta hefur bara þau áhrif að stuðningur við ríkisstjórnina eykst og samúð þverr með mótmælendum.

Forrystufólk mótmælanna ætu undireins að koma fram og fordæma þessa atburði og viðurkenna að þetta fór úr böndunum. Skítt með það þótt lögreglan hafi líka gengið of langt. Þetta er rugl sem verður að stoppa.

Umfjöllun Aftonbladet.

Ég sat sveittur við tölvuna í gær og sendi fréttir af ástandinu á Íslandi til Aftonbladet. Sumt þýddi ég en annað ekki. Sendi myndir og linka hingað og þangað. Mér telst til að ég hafi sent 22 pósta frá því klukkan 19 til klukkan 03.

Nú er frétt kominn.

Ég ætla ekkert að þakka mér fyrir þetta, það er meira en líklegt að þessar sandingar mínar hafi ekkert haft áhrif. Hugsanlega þó?

-Hver veit?

-o-o-o-

Eftir að hafa skoðað bloggfærslur um þessa frétt sá ég bloggara sem kallar sig Íslandsmamman. Á síðunni hennar er gott yfirlit yfir ástandið á sænsku. Húrra fyrir Íslandsmömmuni.

Eins og talað úr mínu hjarta.

Þessi talaði fyrir mig á fundinum í Þjóðleikhúskjallaranum. Allur þingflokkur Samfylkingarinnar á að víkja fyrir öðru fólki. Þessi stjórn var dauðadæmd og frammistaða Samfylkingarinnar þessar 100 daga er hneysa.

-Nýtt fólk takk fyrir.

Geir í Kastljósinu.

Furðu var hann vesældarlegur hann Haarde í Kastljósinu rétt í þessu. Hann lyppaðist niður og skók sér eins og griðkona þegar hann fékk Spurninguna.

Af hverju er Davíð Oddson ennþá Seðlabankastjóri?




-Hann gat ekki svarað því.

Friðsöm mótmæli. -Svo sannarlega

Mér þykja það friðsöm mótmæli þegar allir mótmælendur sem einn yfirgefa svæðið og fara annað vegna jarðarfarar í næsta húsi. Allstaðar annarstaðar hefði jarðarförinni verið frestað en ekki mótmælunum.

Eitt og eitt egg í drossíuna hans Haarde er léttvægt í samanburði við brunarústirnar sem Sjálfstæðisflokkurinn skilur eftir sig. Léttvægt er eiginlega ekki orðið.

-Það er bara fyndið að líkja þessu saman.

Haare á bara að hætta og fara að Haardera á Klörubar á ofur-eftirlaununum frá fólkinu sem hann setti á kaldann klakann. -Þannig gerir hann okkur mest gagn.

Stjórnin sprungin

Ef að framfer sem horfir að boðað verður til kostninga í maí, þá sitjum við samt með óhæft þing í 4 mánuði viðbót. -Það er óásættanlegt.

Krafa mótmælenda stendur enn sem fyrr þótt kröfunni um kostningar sé náð.

• Út með Davíð úr Seðlabankanum

• Út með Jónas úr FMR

það er með hreinum ólíkindum hvað ríkisstjórnin getur þverskallast við þessum sjálfsögðu kröfum. Trúverðugleiki Íslands er enginn með þessa tvo í miðju slökkvustarfinu. þetta segja virtir sérfræðingar hvaðanæva úr veröldinni. Sama má segja um ríkisbankanna. Frómur maður úr bankaheiminum segir mér að það hindri eðlileg viðskipti við íslenska banka að allir vita að við stýrið er sama fólkið og keyrði þá í kaf á 4 árum.

Uppbygging landsins er óhugsandi með gamla liðið á öllum póstum.

Athyglisverð bloggfærsla

Guðmundur Gunnarsson skrifar afar áhugaverða bloggfærslu í morgun. Þar kemur fram að ríkisstórnin hafi komið með betlistaf til lífeyristjóðanna til þess að fá fé. Lífeyristjóðirnir sögðu OK, en settu viss skilyrði. (út með Davíð í Seðlabankanum og Jónas í FME). Ríkisstjórni fussaði og sveiaði við þessum skilyrðum og fór annað. Auðvitað fékk hún sömu viðtökur þar. Enga peninga var að fá.

það sem vakti athygli mína er að ég hef ekki heyrt frá því áður að ríkistjórin hafi verið að falast eftir því að ganga í sjóði lífeyrissjóðanna. Ég vissi heldur ekki af skilyrðum fyrir þessu fé og höfnum ríkistjórnarinnar.

Þetta þykja mér fréttir. Endilega lesið þessa mögnuðu færslu Guðmundar.

Ofureftirlaunin.

Ein af helstu rökunum fyrir því að ofureftirlaunin voru sett á, var sú að þannig einfaldaðist endurnýjun meðal þingmanna. Að eldri þingmenn gætu hætt án þess að þurfa fá sér vinnu í "sama klassa". þetta er að sjálfsögðu fáheyrt en látum það vera.

Gott og vel. Nú er búið að einfalda það fyrir þingmenn og ráðherra að hætta að vera þingmenn og ráðherrar.

-Af hverju í andskotanum hætta þá ekki þessir þaulsetnu og mosavöxnu þingmenn. Getur t.d einhver sagt mér hvað Össur Skarphéðinsson ætti að hafa meira til málanna að leggja? Hinn glottandi Möller, Ásta Ragnheiður, Lúðvík og ekki síst Ingibjörg Sólrún?

-Er þetta ekki komið gott? Er ekki kominn tími á að rýma fyrir betra fólki. Fólki sem er ekki samansúrrað við hið spillta samtryggingarkerfi flokkanna?

Stoltur. Óendanlega stoltur

Ég er svo stoltur að því að vera Íslendingur í dag. Svo innilega þakkátur fyrir hugrekki landa minna á þessum hrikalegu tímum. Ég ætla að segja ykkur sögu ágæti lesendur mínir sem gerðist fyrir nokkrum vikum þegar ég var að flaka niður á höfn.

Ég var með bunka af þorski fyrir framan mig, illt í fingrunum og leið hrikalega illa á sálinni eftir allar þessar fréttir. Mér varð ljóst þarna á gúmmímottunni hve hrikalega landið mitt hafði verið leikið af óheiðarlegum viðskiptabarónum og óhæfum stjórnmálamönnum. Mér hefur reyndar oft liðið svona síðastliðna 100 daga. Ég grét meir að segja einu sinni þegar ég var að vaska upp á plastparketinu í eldhúsinu.

Vinnufélagi minn, hún Salay er mikill aðdáandi Sigur-rósar og spyr mig reglulega út í hljómsveitina og þessháttar. Salay er innflytjandi eins og ég en hefur búið hér í landi alla sína tíð. Hún er kaffibrún og afar glæsileg eins og margar konur sem eru að íröskum uppruna.

Þegar ég er þarna að flaka byrjar Salay að syngja. Hún sönglar meðan hún beitti hnífnum og ég fattaði ekki alveg strax að hún var að syngja á íslensku. Hún söng þessi orð sem stungu mig í hjartað eins og þúsund hrafntinnubrot á hljóðhraða. Þessi orð sem fylltu mig ofboðslegri heimþrá og ást til landsins míns. þessi orð sem hljómuðu svolítið einkennilega því ég veit að hún skildi þau ekki. Orð sem fylltu augum mín tárum enn og aftur. Orðin voru textabrot úr lagi með Sigur-rós. Hoppípolla.

"...Og ég fæ blóðnasir, en ég stend alltaf upp."

Það var rétt hjá henni þótt ég hafi ekki trúað því þá. Ég hélt að við gætum aldrei staðið upp. -Bara fengið blóðnasir. Núna trúi ég því. Við getum staðið upp.

-Við getum staðið upp

Talaði við blaðamann hjá Extrablaðinu í DK

Sendi í kjölfarið upplýsingapakka með linkum um ástandið. Verst að ruv.is næst ekki, sennilega vegna álags.

Endilega sendið upplýsingar á hann Jesper.

jesper@eb.dk

RÚV næst ekki á netinu!!!!!

Hvernig stendur á því að ekki næst útvarp né sjónvarp á ruv.is? Er búið að taka fyrir útsendingar til útlanda?

Byltingin er hafinn

Ég hef setið sveittur við tölvuna að senda sænskum fjölmiðlum fréttir frá Íslandi. Vinur minn Hamar frá Aftonblaðinu er í reglulegu sambandi við mig.

Flísbyltingin er hafin

Flísbyltingin er hafinn og hún verður ekki stöðvuð. Samfylkingin mun komast í skilning um þetta með góðu eða illu.

Enn er tækifæri á að taka frumkvæðið í atburðarrásinni og slíta þessari stjórn brennuvarganna.

Nýtt fólk þarf að taka við. Fólk á borð við Mörð Árnason, Helgu Völu Helgadóttur, Dofra Hermannson, Andrés Jónsson, Sigrún Elsa Smáradóttir og allir þeir sem opinberlega hafa staðið upp og lýst andstöðu við stjórn brennuvarganna.

Mynd sem segir meira en 1000 orð.

Matthías Ásgeirsson tók þessa frábæru mynd í mótmælunum í dag. Myndin er af Kristjáni Möller þingmannni Samfylkingarinnar þar sem hann stendur keikur í glerbyggingu Alþingishússins. Ef grannt er skoðað má sjá fyrirlitlegt bros á andliti hans þar sem hann virðist hæðast að skrílnum sem hann þykist vera óhulltur fyrir. Far eftir snjóbolta er í rúðunni sem skýlir honum fyrir skotinu. Það sem mér finnst svo ljóðrænt við þessa mynd að það er örþunnt gler á milli hans og mótmælenda og ekki þarf nema áherslumun til þess að glerið skýli honum ekki neitt. Grjót hefði t.d hitt Möller fyrir og hann má þakka fyrir það að svo var ekki.

Hérna er þessi frábæra mynd Matthíasar Ásgeirssonar þar eru einnig að finna álíka góðar myndir og þessi sem ég sýni hér á Eimreiðinni. Það kæmi mér ekki á óvart að þessi mynd kæmi sterklega til greina sem besta fréttamynd ársins.

Út fyrir ákveðn mörk segir Þorgerður Katrín

Þorgerður Katrín menntamálaráðherra segir að mótmælendur hafi farið út fyrir ákveðin mörk.

Það sama má segja um hana sjálfa. Kostnaður almennings vegna fjárglæfra hennar og manns hennar munu kosta þjóðina eittþúsund og fimmhundruð miljónir.

Eittþúsundogfimmhundruð miljónir ágætu lesendur.

það er náttúrulega innan marka að mati Þorgerðar Katrínar.

Æji þegiðu Össur.

Össur Skarphéðnsson segist virða rétt fólks til að mótmæla. Hvað í andskotanum kemur það málinu við? Hví er Össur að mæra rétt fólks til að mótmæla. Hann ætti frekar að svara efnislega þeim ávirðingum sem bornar hafa verið á brennuvargastjórnina.

Dæmigert fyrir stjórnmálamann að rugla umræðuna svona.

Það er ekki rétt hjá Össuri að kröfur mótmælenda séu óskýrar. Þær eru mjög skýrar og asnalegt, í rauninni dæmigert fyrir Össur að gera svo lítið úr mótmælendum. Össur ætti að hætta og smella sér á ofureftirlaunin. Hann gæti þá hugsanlega bloggað frá Klörubar.



-Djöfilsins Helvítis Fokking Fokk.

Bættu þessu við ICESAVE reikninginn .

Árni M. Mathiesen er fjármálaráðherra í núverandi ríkisstjórn. Framganga hans í ICESAVE hneykslinu kostar hvern einasta Íslending uþb 600.000 krónur. Það gera um 2.600.000 krónur á hverja fjölskyldu í landinu.

Ég hvet landsmenn alla til að hætta að greiða skatt og borga gjöld meðan þessi brennuvargur situr í ríkisstjórin. Þegar fólk verður handtekið vegna þessarar óhlýðni hvet ég fólk til að segja við stjórnvöld að bæta þessu við ICESAVE reikninginn.

Hættur að borga !

Tíðindi af því að handtökuskipun hafi verið gefin út á tæplega 400 sunnlendinga vegna vangoldina gjalda sýna svo ekki verður um villst að stjórnvöld eru andstæðingar fólksins í landinu.

Til stuðnings þessum 400 sunnlendingum hef ég ákveðið að hætta að borga krónu til íslenska ríkisins. Ég skulda 100 þúsund kall í skatt og svo þetta hefðbundna. 250 þúsund í yfirdrátt, húsnæðislánið mitt og annað sem er smálegt.

Ég er hættur að borga.

-o-o-o-o-

Ég geri mér grein fyrir að ég einn og sér hef lítið að segja en ef margir taka sig til þá hefur þetta áhrif. Það sama má segja um þetta vesæla blogg mitt. Ég geri mér grein fyrir því að þetta er fremur mjóróma rödd í þeim reiðikór sem hljómar um samfélagið allt en þetta er mitt framlag. Ég vildi óska þess að vera á Íslandi og geta tekið virkari þátt í mótmælunum gegn ríkisstjórninni en þetta verður að vera svona. Ég ætla samt að mæta og vera viðstaddur þegar lýðveldið verður endurreist. Það má enginn Íslendingur láta framhjá sér fara. Það gerist í sumar þann 17. júní á Þingvöllum.

Kæru landar, kæru lesendur. Mætið á mótmælin við Alþingishúsið í dag. Hindrum setningu þessa rangláta þings og stöðvum þinghald með öllum ráðum tiltækum.

Heimskuleg aðgerð og háskaleg

Sú ákvörðum um að auka þorskkvóta um 30 þúsund tonn er heimskuleg og ranglát.

• Í fyrsta lagi selst þorskur ekki og byrgðir hlaðast upp í frystigeymslum.

• Í öðru lagi er verið að ofveiða fiski stofna landsins, þvert á ráðleggingar fiskifræðinga

• Í þriðja lagi er í raun verið að afhenda kvótaeigendum meira fé til handa. Kvótaeigendum sem í raun eru gjaldþrota vegna heimskulegra viðskipta.

Auðvitað ætti að halda sig við verndunarsjónarmiðin og byggja upp stofnin eins og lagt var upp með í byrjun. Svo á að nota tækifærið fyrst kvótinn er aftur kominn í eigu ríkisins að afnema kvótakerfið og búa til nýtt og réttlátara kerfi.

Að ræna úr sjóðum almennings

Jón Steinsson kennari við Columbia háskóla ritaði á dögunum grein sem skýrði hvernig óheiðarlegir viðskiptamenn fara að því að ræna eigin fyrirtæki. Nokkur trikk voru þar tiltekin eins og að láta almennings hlutafélög (sem bófarnir stýra) kaupa önnur fyrirtæki (sem bófarnir eiga) á yfirverði. Annað trikk til að ræna fyrirtæki eru t.d ofurlaun. þetta þekkjum við Íslendingar af illu einu.

Minna hefur borið á hugleiðngum um að þegar opinberir embættismenn eða fulltrúar ræna ríkissjóð. Það er eigi að síður gert og ofur-eftirlaun þingmanna eru gott dæmi um það. Annað dæmi um þegar opinberir fulltrúar ræna ríkissjóð eru t.d lög um aðstoðarmenn þingmanna og ráðherra.

Aðstoðarmenn þingmanna eru tiltölulega nýtt fyrirbæri og óþarft eins og gefur að skilja. Þingmenn hafa hingað til komist af án aðstoðarmannna og sérkennilegt að þessi krafa um aðstoðarfólk komi í öfugu hlutfalli við þverrandi áhrif Alþingis. Dæmi eru um að aðstoðarmaður þingmanns VG sé í fullu starfi í bankaafgreiðslu samhliða aðstoðarmannastarfinu!

Augljóst er að þingmenn eru engu skárri en banka og -viðskiptabófarnir í viðleitni um að stela úr sjóðum vinnuveitenda þeirra.

Við endurreisn Íslands þarf að afnema þessi óþörfu lög um aðstoðarfólk þingmanna auk þess þarf að fækka þingmönnum verulega. Þeir eru alltof margir. Með fækkun þingmanna sparast gríðalegt fé og aukin ábyrgð fer á þá sem eftir sitja.

Ógæfu Íslands verður allt að vopni. Þjóðin býr við viðskiptalíf sem stjórnað er af bófum og þingmenn sem stjórnast af óseðjanlegri græðgi um að maka krókinn á kostnað umbjóðenda sinna.

Björn Bjarnason og Vanity Fair.

Það var sárgrætilegt að horfa á Björn Bjarnason í Silfri Egils í gær. Þar þursaði hann á vélrænan hátt eins hann væri á sjálfstýrningu.

Sérkennilegast var að hann telur enn að efnahagsvandi Íslands sé útlendingum að kenna og vitnaði í Vanity Fair máli sínu til stuðnings.

Hrunið var útlendingum að kenna. Ég endurtek ágætu lesendur. Hrunið var engum að kenna nema útlendingum og alls ekki stefnu Sjálfstæðisflokksins. Stefnan var góð og stefnan var rétt að mati Björns Bjarnasonar.

Það skaut þó pínulítið skökku við að viðmælendur Eglis eftir hið vélræna þus Björns voru tveir virtir hagfræðingar sem skiluðu skýrslu um ástandið í sumarið 2008 sem stungið var undir stól. Í máli þessara hagfræðinga sem sáu Hrunið fyrir, kom fram að aðstæður erlendis hefðu í engu breytt um aðvífandi efnahagshrun.

Upplýsingar úr Vanity Fair og Marie Claire breyta engu um þá staðreynd að Hrunið er sköpunarverk Sjálfstæðisflokksins sem hefur í hroka sínum, græðgistryllingi og spillingaranda gengið af efnahag þjóðarinnar dauðum.

Fólkið sem ætlar að redda okkur....

Mynd vantar af Styrmi Gunnarsyni.

Íþróttir formanna

Ég á alveg óskaplega skemmtilega bók í fórum mínum. það er bókin "Íþróttir formanna" eftir Björn Bjarnason (ekki brennuvarginn). Bókin er skrifuð á gullaldaríslensku sem er unun að lesa. Þrennt kom í huga mér við lauslegan lestur þessarar frábæru bókar.

1) Við Íslendingar ættum auðvitað að endurvekja hráskinnaleik og keppa í reglulega. Stofna deild og koma á fót Íslandsmeistaramóti. Þetta er sér-íslensk íþrótt sem hlýtur að vera ferlega skemmtileg að horfa á.

2) Hlaup voru kölluð "stökk" meðal fornra Íslendinga. Þetta þykir mér merkilegt því sama hugmynd er notuð í sænsku. Orðið yfir hlaup er orðið "spring". Bessi sonur minn "springar" alltaf hingað ellegar þangað.

3) Knattleikar sem stundaðir voru til forna eru ekkert annað en bandí (sem er afar vinsælt í Svíþjóð). Bandí er spilað á handboltavelli, ís eða hvar þar sem er slétt og hart undir. Stundum er bandí spilað á fullvöxnum fótboltavelli. Bandí, hvers ískhokkí er afsprakk frá, er s.s íslenskt að uppruna og við ættum að eigna okkur þetta sport. Best að byrja á því að eyða úr tungumálinu orðskrýpinu "bandí" og taka upp orðið knattleikur yfir fyrirbærið.

Að verða á í messunni....eins og mér.

Ég bloggaði afar dramatíska færslu í morgun. Ég var þá nýbúin að sjá fréttir af öðrum mótmælafundi, inn í miðri dagskrá á vikulegum mótmælendafundi Radda fólksins.

Ég lagði saman tvo og tvo og taldi auðsýnt að þarna væru andstæðingar mótmælendanna á ferð að ögra og spilla fundi Radda fólksins. -Það var reyndar rétt hjá mér.

Ég taldi einnig að þessir andstæðingar væru hvítliðar eða öfga-hægri-hyski sem væru að snapa gams. -Það var rangt hjá mér

Þetta var bara friðarsinninn Ástþór Magnússon. Jólasveinninn á Íslandi, tómatsósugreifinn og myndavélahatarinn sjálfur. Ég veit ekki hvað skal segja eins og oft áður s.l 100 daga. Ástþór er maður sem greininlega hefur misst veruleikatenginguna og skýtur alltaf upp kollinum í allskonar ástandi. Það er ljótt að gera gys að eða greina eitthvað sérstaklega gerðir og æði geðbilaðra með hneykslunnar ekka í rómi. Ég nenni ekki slíku.

Ég vildi þó benda Ástþóri að vilji hann endilega standa fyrir mótmælum, þá á hann að gera það á öðrum tímum enn í miðjum mótmælum annara samtaka. Þetta er bara spurning um mannasiði. það er aumt að reyna að tappa inn á fólk sem mætir á fundi annara samtaka til þess að eigna sér þá. Ég er viss um að ef fari sem allt stefnir í, muni Ástþór stæra sig ógurlega af þeim fjölda sem mætti á fundin hans. Þetta er álíka að mæta með málverk eftir sjálfan sig á sýningu með Erró, negla hana upp á vegg og presentera sig sem þáttakanda í samsýningu með Erró-i. Þetta er bara kjánalegt og ég finn þegar ég skrifa þessi orð hrollinn hríslast frá tá-nagla-rótum, upp kálfann, yfir rassinn, eftir mjóbakinu, út á axlir og endar í hári mínu sem akkúrat núna stendur út um allar áttir.

Ástþóri til hróss vildi ég segja að hann hefði örugglea verið helmingi betri forseti en Ólafur Ragnar, útrásargalari.

Slagur á Austurvelli. -Hvítliðarnir eru mættir.

Í dag klukkan 15 hefst 16. mótmælafundirinn á Austurvelli. Samtökin Raddir fólksins hafa allt frá Hruninu verið með fundi á þessum tíma og satt best að segja hefur þetta framtak verið ljósið í kreppunni sem gengur nú yfir. Fundirnir hafa farið friðsamlega fram og gengið vel. Maður ársins, Hörður Torfason á heiður skilinn fyrir skelegga stjórn, val á ræðumönnum og allt umstangið í kringum þetta frábæra framtak.


Andstæðingar mótmælendanna hafa nú komið fram og ætla að vera mheð sinn eigin fund á Austurvelli á sama tíma. Mig grunar að þarna séu komnir fram hvítliðarnir sem margir óttuðust að skytu upp kollinum. Hálf-fasískir hægrimenn sem eru tilbúnir í slaginn með barefli og undir verndarvæng ríkisstjórnarinnar og lögreglu. Augljóst er að þessi nýju samtök eru sett til höfðus Röddum fólksins, heimasíða þeirra er paródísk og greinilega sett fram af einhverjum gáskafullum hvítliða.

Þótt ég hvetji mótmælendur til þess að fara friðslamlega fram gegn þessu hyski, þá veit ég að þau varnaðarorð eru merkingarlaus. Það verður slagur og það verður barist. Ögranir á borð við þennan mótmælafund sem settur er inn í miðja dagskrá 16. mótmælafundar Radda fólksins, er augljóslega gerti til að ögra og espa upp fólk í átök.

Það mun takast. Fólk er reitt, vonlaust og biturt. Ögranir hvítliða munu ná markmiði sínu



-o-o-o-o-o-o-

UPPFÆRT!!!!

Æ -æ. Afskakið... Þarna var mér á í messunni...Þetta er framtak er runnið undan ryfjum geðprýðismannsins Ástórs Magnússonar. Ástþór ætti að vera á hverju heimili. Ég myndi láta minn vaska upp allann helvítis daginn.

Að standa saman.

Við Íslendingar þurfum að standa saman meðan kreppan gengur yfir. Traust verður að ríkja manna í millum. Þannig stöndum við saman. Við verðum að treysta að næsti maður sýni samstöðu. Grikkir til forna kölluðu þetta harmónínu. Harmónía þýðir Samstilling og er orðið tekið úr tónfræðinni. Við verðum að spila í takt og í sömu tóntegund.

Þjóðin er tilbúin. Þeir einu sem ekki eru til í að sýna samstöðu og samstillingu eru ríkisstjórnin sem heldur á í blekkingu sinni að hún njóti trausts. Verst þykir mér að banki í eigu Björgúlfanna skuli kerfisbundið vera að vinna á móti okkur á þessum hræðilegu tímum. Vinna gegn okkur með svívirðilegu gjaldreyrisbraski og stuðla þannig gegn styrkingu krónunnar.

Ég er eiginlega orðlaus.

• Þetta er eins og að brennuvargur sé enn að kveikja elda í miðju slökkvustarfinu.
  
• Þetta er eins sjúklaflutningamaður sem kemur að bílslysi, byrjar á því að ræna slasaða farþegana meðan félagar hans reyna sitt besta að bjarga lifi þeirra.
• Þetta er eins og íþróttamaður ræni liðsfélaga sína í búningsklefunum í hálfleik.

Það verður að stoppa þetta.

Jónas í Fjámálaeftirlitinu

FME setti bankastjóra nýju bankanna í hæfnispróf. Gaman væri að vita er hvort Jónas Fr. Jónsson í forstjóri í Fjármálaeftirlitinu teysti sér í þetta próf.

Ég er fullviss um að hann skít-fellur. Annað kæmi verulega á óvart.

Undarlegur dráttur á öllum rannsóknarefnum FME er hvorki meira en minna en grunsamlegur. Heilt ár að rannsaka viðskipti með Stím!! Heilt ár ágætu lesendur. Líklegt er að rannsóknin hefur aldrei farið fram og er bara til á pappír. Wade talaði um að teymi endurskoðenda gætu mappað upp allt hrunið á nokkrum vikum. Jónas í FME þarf ár til að rannsaka tiltöllulega skýr viðskipti með bréf úr Stím. Bréf sem skiptu ekki oft um hendur.

-Það er eitthvað mikið rotið í FME.

Athyglisverð yfirlýsing Egils Helgasonar

Egill Helgason heldur því fram að FME spili í "hinu liðinu".

Það útskýrði margt.

Mútur eru ekki nýjar undir Esjunni. Fjármálaeftirlits-Jónas þekkit alla playerana í útrásinni og var einskonar klappstýra fyrir þá.

Ekki skánar ástandið á landinu mínu. Einn færasti samfélagsrýnir landsins heldur þessu fram fullum fetum. Orðhákurinn ég myndi eiga í vandræðum með að skrifa um þetta á þessu vesæla bloggi.

Staðreyndin er sú að algert rof hefur myndast milli stofnanan samfélagsins og þegnanna. Traustið er ekkert. Allt er tortryggt. Eina spurninin er hvað Samfylkingin ætli að gera. Ætlar hún að skolast niður með spillingarliðinu eða taka þátt í endurreisn landsins með fólkinu sem í því býr?

Bent hefur verið á að alþingismenn margir hverjir séu stórskuldugir sjáfir og hanga því sjálfir í snúrunni ef svo má að orði komast. Hangi í embættunum og mótfallnir öllum breytingum vegna þess að þeir eru að hugsa um eigin hag frekar en þjóðarhag.

-Ætlar þetta engan enda að taka?

Ráðherrabílarnir

Ég hvet þjóðstjórnina sem mun brátt taka völdin af óhæfri ríkisstjórn brennuvarganna að nota ekki ráðherrabílana. Láta þá frekar í opinbera þjónustu á meðan eldarnir loga. Látum ráðherrabílana bíða fyrir utan elliheimilin, sjúkrastofnanir og önnur félagleg apparöt til þess að þjóna fólki sem sannarlega þarf á akstri að halda. Öldruðum og sjúklingum. Margir aldraðir þurfa t.d að komast í heimsókn til ættingja sinna eða fara út í búð. Ekkert er göfugra á þessum tímum en að nota ráðherrabílana til þess að þjóna þessum hópum.

Ráðherrar geta alveg notað sínar eigin bifreiðar eða tekið leigubíla og borgað úr eigin vasa.

Kindarlegur dýralæknir.

Það var kindarlegt að horfa á Árna Matthísen greina frá því þjóðarskuld Íslands í fréttum í gær. 4000 miljarðar. Hann sagði reyndar glaðhlakkaralega frá því að þessi upphæði myndi helmingast á 4 árum. Glaðhlakkaralega segi og í stíl við orð Þorgerðar Katrínar sem sagði næstu ár vera spennandi fyrir Sjálfstæðisflokkinn

En þessir 4o00 miljarðar eru til komnir vegna óstjórnar Sjálfstæðisflokksins. Eftirlitsleysis, hæfileikaleysis og ofurtrú á frjálshyggjuna.

Forstjóri FME var t.d valinn sérstaklega til þess að gera ekki neitt. Enda maðurinn pasturslaus og vitlaus í ofanálag. Fullkominn í þetta embætti að mati Sjálfstæðisflokksins.

Það er ólíðandi að Árni Matthísen skuli taka þátt í því að slökkva eldana sem hann sjálfur kveikti.

Þorgerður Katrín Gunnarsdóttir

Einu sinni þegar Þorgerður Katrín var vonarstjarna Flokksins þurfti að Flokkurinn að finna fyrir hana starf. Það fannst á RÚV.

Að sjálfsögðu var fagleg stjórnsýsla höfð að leiðarljósi eins og alltaf þegar Sjálfsstæðisflokkurinn valdi hana til að vera yfirmaður samfélags- og dægurmáladeildar Ríkisútvarpsins.

Sjálfstæðisflokkurinn hafði s.s puttana í því hvað væri í útvarpinu!

Spillingin hjá Landhelgisgæslunni.

Eftir að hafa horft á umfjöllun Kastljóssins í gær um spillinguna hjá Landhelgisgæslunni varð ég eins og fleiri orðlaus. Spillingin er svo inngróinn inn í stjórnkerfið að þáttakendur í því skyrrast einskis og birta glaðhlakkaralegar bloggfærslur um plottið. Birta ljósmyndir af því til staðfestingar.

Ég vorkenni innilega þeim sem ekki fengu umrædd störf hjá Landhelgisgæslunni og þurftu að lúta fyrir fjölskyldutenglsum innan gæslunnar. Svona stjórnsýsla er algerlega óviðunandi og til skammar fyrir Landhelgisgæslunna.

Þegar vitlaust er gefið eins og í þessu tilfelli á að gefa aftur. það á að endurkalla þessar mannaráðningar og ráða aftur með réttum spilum. Láta hæfileika ráða umfram fjölskyldutengls.

Forstjóri Landhelgisgæslunnar er reyndar skósveinn Sjálfstæðisflokksins og enn og aftur sannast þvílíkt böl flokkaerfið er fyrir íslenska þjóð. Spilltur velur spillta sér við hlið enda heldur sá spillti að svona eigi að gera hlutina. Þetta kallast siðleysi. Athygli vakti þegar þessi núverandi forstjóri Landhelgisgæslunnar, Georg Kr. Lárusson var lögreglustjóri í Reykjavík þá var það hans fyrsta verk að fá lögreglumenn á vakt til þess að flytja fyrir sig búslóð úr gám og yfir í íbúðina sína.

Ljóst er að Georg þessi er óhæfur flokksdindill sem er ofinn inn spillingarvef Sjálfstæðisflokksins.

Eigum við að teysta þeim?

Eigum við að treysta Davíð Oddsyni, Geir Haarde, Árna Matthísen, Birni Bjarnasyni og öllum hinum brennuvörgunum fyrir því hvað þjóðinni sé fyrir bestu?

Þeim finnst það. Þeir eru einarðir andstæðingar aðildarviðræðna um hvort gagn sé fyrir Íslendinga að ganga í ESB.

Mennirnir sem eru allt í senn arkítektarnir af Hruninu og aðalþátttakendur í því þykjast núna skyndilega vita hvað sé best fyrir Íslendinga.

Setning Alþingis þriðjudaginn n.k. 20 janúar.

Síðustu 100 dagar hafa verið dramatískir, ekki bara fyrir Ísland heldur lika fyrir mig sjálfan. Ég hef aldrei upplifað mig jafn sterkt sem Íslending og það er stundum óbærilegt að vera staddur í Svíþjóð á meðan þessir atburðir ganga yfir.

Ég hef fengið einhverja útrás fyrir tilfinningar mínar á þessu bloggi. Ég hef verið duglegur að hvetja mótmælendur til dáða og vonandi hef ég haft einhver áhrif. Umferðin á Eimreiðina hefur verið stigvaxandi og það hvetur mig til dáða.

Ég upplifi stemninguna bara í gegnum tölvuna mína, les fjölmiðla, blogg og horfi á fréttir. Ég fæ afar sterkt á tilfinninguna að ástandið sé komið á suðupunkt. Alþingi verður sett n.k. þriðjudag 20. janúar. Þá er ég viss um að hitni verulega í kolunum og allt fari í háaloft. Auðvitað hvet ég mótmælendur sem fyrr að sýna í verki að andstöðu við að brennuvargarnir séu í slökkvistarfinu.

Þórður Möller hefur hvatt til alsherjarverkfalls þennan dag milli 12 og 15. Mér líst vel á þá hugmynd.

Bjánahrollur frá helvíti

Ég fékk bjánahroll dauðans þegar ég horfið á fréttir á RÚV í gær. Verið var að fjalla um nýtt leikrit sem sett verður upp á Akureyri. Fréttamaðurinn tók ekki viðtöl við aðstandendur leikritsins heldur persónur í leikritinu!

Þetta er stundum gert og mér þykir þetta vera óþolandi. Þetta er minnkandi fyrir aðstandendur leikritsins og það sætir furðu að þau skuli samþykkja svona fúsk.

Skoppa er ekki alvöru persóna og heldur ekki Skrýtla. Það sætir furðu að sumir fréttamenn telja að svo sé.

Furðulegt götuheiti

Í dag heita götur fáránlegum nöfnum. Vinir mínir búa t.d að

• Baugalín 7,
  
• Gnágnýpi 15
• Kjarnakór 5
• Svínalund 18 (gatan við hliðina heitir Nautalund)
  
• Öskubakka 55a
• Fúlafeni 1

þar að auki eru á teikniborði borgarverkfræðings götuheiti á borð við

• Afganistan
• Kúrdistan
• Azerbætsjan
  
• Þráinnsmjöll
• Hor
• Ljónsmakki

Þetta er orðið þreytandi og ekki til vegsauka fyrir nokkurn mann.

Ríkisbankarnir

Það er heimskulegt að halda úti 3 ríkisbönkum. Auðvitað á að splæsa þeim öllum saman í einn. Þannig má spara miljarða.

Ekki væri verra að ráða hæfa stjórnendur í þennan banka. Brennuvargarnir verða að finna sér eitthvað annað að gera. Þetta fólk hefur verið með um 5 -10 miljónir á mánuði sl. 4- 5 ár og ætti því ekki að vera á flæðisker statt.

Í dag gerist það.

Í dag gerist eitthvað merkilegt.

-Straumhvörf
-Vatnaskil
-Örlagapunktur

Einhver andskotinn hlýtur að fara að gerast. Þetta hefur verið undarlega þögult. Ég spái bombu í dag.

-Ekki getur þetta haldið svona áfram?

Bloggari í Gaza

Þetta er skyldulesning. Sameh Akram Habeeb bloggari heldur skýrslu yfir ástandið í Gaza.

http://www.gazatoday.blogspot.com/

Ha? Er búið að handtaka Davið Oddson?

Samkvæmt þessari frétt sást til Davíðs Oddssonar með eldspýtustokk á Tryggvagötu.

Stórtíðindi - Afstaða Sigrúnar Elsu markar tímamót

Nú hefur stigið fram Samfylkingarmaður sem býður ríkisstjórinni byrginn. Sigrún Elsa Smáradóttir ritar í dag grein í Fréttablaðið sem markar vatnaskil. Loksins er komin fram stjórmálamaðurinn sem ég óskaði svo heitt eftir. Samfylkingarmaðurinn sem bendir á hið augljósa. Að ótækt sé að vera í stjórnarsamstarfi við Brennuvargaflokkinn.

Sigrún Elsa hefur tekið frumkvæðið í Íslenskum stjórmálum og í Samfylkingunni. Eindregin afstaða hennar til ríkistjórnarsamstarfsins sæta tíðindum. Frumkvæðið er nú í höndum andstæðinga ríkisstjórnarinnar.

Nú verður spennandi að sjá hvaða Samfylkingarmenn fylgja Sigrúnu að máli. Auðvitað reyna mosavaxnir ráðherrar að halda sem lengst í embættin enda eru flokkshagsmunir alltaf hærra settir en þjóðarhagsmunir. -þessu þarf að breyta og ég sé stóra von um slíkar breytningar með fordæmi Sigrúnar Elsu.

Nú þarf Sigrún bara að undirstrika þessa andstöðu sína með því að ganga til liðs við mótmælendur og fá að tala á næsta borgarafundi á laugardaginn. Með frumkvæði Sigrúnar, hugrekki hennar og ósérhlífni vaknar í brjóstum Samfylkingarfólks von um að við séum ekki bara kjölturakkar toppanna í flokknum. Samfylkinin er lifandi flokkur þar sem flokksmenn eru óhræddir að gagnrýna forystuna. þar liggur helsti styrkur Samfylkingarinnar og helsti veikleiki. Því miður hafa kratar alltaf klofið flokkinn sinn niður í öreindir í gegnum tíðina. Ég held að nú sé ljóst að þeim kafla sé lokið. Við breytum flokknum innan frá ekki utan frá.

-Þetta eru sannarlega góðar fréttir.

Mótmæli virka. - Mótmæli virka

Nú skulum við aðeins ímynda okkur svolítið.

Ímyndum okkur að enginn mótmæli hefðu verið.

• Þá væri Tryggvi Jónsson ennþá að vinna fyrir Baug inn í Landsbankanum.
• Þá væri KPMG að "rannsaka" Kaupþing og sín eigin bókhalds-fiff
• Þá væru flokksdindlar Sjáfstæðisflokks í gegnum Björn Bjarnason ennþá að rannsaka Hrunið og þar með sína eigin fjölskyldumeðlimi
• Þá væri Elín ennþá bankastjóri Nýja Landsbankans
  
• Þá væri Birna ennþá bankastjóri Nýja Glitnis.

Í tveimur síðastnefndu dæmunum (Elín og Birna) litu skilanefndirnar svo á að ráðning þeirra væri endanleg og gerðu við þær ótímabundin ráðningarsamning. Annað hvort er þetta óafsakanlegt klúður hjá skilanefndunum (sem mun kosta skattgeiðendur ofur-biðlaun fyrir tvær manneskjur) eða að litið hafi verið svo á að ráðning þeirra hafi verið lokalausn. Hvorutveggja óásættanlegar niðurstöður.

Skilanefnd Kaupþings virðist vera eina skilanefndin sem hefur vott af stjórnsýslulegri fagmennksu. Það var gerður tímabundin ráðningasamningur við Finn bankastjóra og það er vel. Auðvitað er asnlalegt að hrósa fyrir eðlileg vinnubrögð en eins og ástandið er í dag þá er það bara í lagi. Ég held að Finnur þessi hafi komið fram af fagmennsku. Hann virkar einlægur og traustvekjandi. Birna og Elín eru skammarlegar.

Næst á dagskrá er brottvikning Davíðs Oddssonar yfirbrennuvargs. Þegar það gerist þá mun þrýstingur á stjórnvöld minnka til muna og ákveðnum skilaboðum komið til þjóðarinnar. Skilaboðum sem segja: Okkur er alvara.

Mótmæli í Lettlandi.

Í nágrannaríki Svíþjóðar, Lettlandi er allt að verða vitlaust. Risamótmæli og átök við lögreglu. Það sem athygli vekur er að ástæður mótmælanna eru þær sömu og ástæður mótmælanna á Íslandi. Ofurskuldir, misskipting auðs, spilling embættismanna og vanmáttugt stjórnkerfi.

Við erum ekki ein á þessum báti.

Mótmæli virka. : )

Nú er hægt að henda a.m.k tveimur slagorðum. Þessum hérna:

• Elínu út!
  
• Birnu burt!

Þessu ber að fagna. Augljóst er að stórnvöld eru að fara á taugum.


-Davið er næstur.

Sérkennilegur snúningur.

Loksins kom í ljós hver "hótaði" Sigurbjörgu stjórsýslufræðingi. Það var vinkona hennar Ingibjörg Sólrún Gísladóttir utanríkisráðherra og formaður í Samfylkingunni. Nú segist Ingibjörg ekki hafa hótað vinkonu sinni en ég set spurningarmerki við þessa fullyrðingu.

Hugsið ykkur þetta. Ræðumaður er á mælendaskrá á borgarafundi. Til ræðumannsins kemur aðstoðarmaður formanns Samfylkingarinnar með þau skilaboð að ræðumaðurinn skuli "að tala varlega". Nú er þessi formaður Samfylkingarinnar vinur ræðumannsins. -Hvað með það? Eru þetta ekki óeðlileg afskipti.

þetta er rangt hvernig sem á malið er litið. Aðkoma Ingibjargar að þessum fundi er sérkennileg í meira lagi og enn sékennilegra er að Sigurbjörg hafi notfærst sér þetta vinaráð Ingibjargar sem einskonar "leynivopn" í ræðu sinni. Augljóslega til að gera mál sitt dramatískara.

Þetta er bara bull og vitleysa.

Hróður Ingibjargar Sólrúnar og Sigurbjargar hefur ekki aukist við þessa fléttu.

• Ráðherra á ekkert að skipta sér af mælendaskrá borgarafundar
  
• Sigurlaug á ekkert að dylgja um hótanir sem eru ekki hótanir.

Vanmáttugur

Ég upplifi mig svo brjálæðislega vanmáttugan hérna í fokkings Svíþjóð meðan landið mitt brennur. Fréttir dagsins um að Sigurlaug stjórnsýslufræðingur þorir ekki að nafngreina ráðherrann sem hótaði henni eru mér eiginlega ofviða.

Það sem ég þoli ekki er hugleysið hennar að ganga ekki alla leið með dæmið. Með því móti gæti hún sprengt þessa ríksstjórn í tætlur og aukið allan þrýstingu um svo sem 100%. Ríksstjórnin má ekki við neinu, er veik og ósamstíga. Í bloggfærslu á smugunni segir Gefur Björg Eva ritstjóri í skyn að við séum öll hrædd um afkomu okkar, framtíð og öryggi. Þetta er rétt hjá Björgu.

En við VERÐUM að legga þetta allt að veði. Ástandið er algerlega óþolandi. Landið er hvort sem er komið í rúst eina spurningin er hvort við viljum láta brennuvörgunum uppbyggingarstafið. Það gerist ekki rassgat nema við leggjum þetta allt að veði. Ef við gerum það þá munum við hafa sigur. -Ekki fyrr.

Ég hef gengið í gegnum áþekka raun og Sigurbjörg er að fara í gegnum nema náttúrulega af miklu minna kalíber. Ég kom fram sem trúleysingi skömmu eftir útskrift úr Guðfræðideild HÍ. þar með yfirgaf ég allar hugmyndir mínar um hugsanlega kennlsu í deildinni sem ég þó hafði áhuga á. Mig langar að breyta deildinni úr trúarinnrætingastofnun og útungunarbúðum fyrir starfsfólk ríkiskirkjunnar í akademíska stofnum þar sem fólk getur fræðst á hlutlausan hátt um trúarbrögð, virkni þeirra, heimsmynd og áhrif. Það verður nú trauðla eftir að ég opinberaði trúleysi mitt.

Við Sigurbjörgu vil ég segja að þetta var bara frelsandi ákvörðun hjá mér. Ég breytti rétt gagnvart sjálfum mér og umhverfi mínu. Ég hvet Sigurbjörgu að bjarga sigrinum. það er kominn tími til að stoppa ofbeldi ráðherra gagnvart venjulegu fólki og sér í lagi starfsmönnum ríkisins. Sigurbjörg hefur ólíkt þessu dæmi tækifæri á að styrkja sig ennfrekar með þessum upplýsingum. Hún mun njóta meira trausts fyrir vikið. Munum að spillingarliðið er á útleið. Það kemur nýtt og betra fólk í staðinn.

Vanmáttugur hérna í Gautaborg. Já. Vanmáttugur. Sennilega sæti ég nú reyndar inni ef ég væri á Íslandi því ég væri búin að brjóta rúður eða tvær í ráðherradrossíunum. það væri mitt prótest. það væru mínar laxakistur. Ráðherrabílar eru hluti af ávöxtum valdsins og tákngerfingur ráðherraræðisins. Tilhugsunin um ráðherrabíl með bílstjóra er ein skýrasta gulrótin sem margur yljar sér við í þrautagöngu biðraðanna í stórmálaflokkunum. Ég myndi sem sagt ekki brjóta laxakistur heldur bílrúður í Lexus og BMW

Ég á mér þá ósk að mótmælin mögnuðust ennfrekar með tilheyrandi handtökum á almenningi. Ég sé fyrir mér að mótmælendur ættu að fylla allar fangageymslur af fólki sem neitar að yfirgefa klefana sína. Sektum vegna skemmda ætti svo bara að bæta við ICESAVE reikninginn.

Ég ætla að koma heim þegar línurnar skýrast í aðgerðunum gegn ríkisstjórinni. Ég ætla ekki að láta það framhjá mér fara. Þetta er okkar Stalingrad. Þetta er okkar Verdun. Vatnaskilin til betra og réttlátara samfélags eru á leiðinni. það er óumflýjanlegt.

það er sárara en tárum taki að Samfylkingin mín fatti þetta ekki.

Fyrsta bakslag mótmælanna

Eftir neitun Sigurlaugar Sigurgeirsdóttur um að gefa upp nafn þess ráðherra sem hafði í hótunum við hana, er ljóst að fyrsta bakslag mótmælanna hefur litið dagsins ljós.

Allt frá hruninu hefur þrýstingurinn verið á sama veginn en nú er sem loftið sé farið úr baráttunni. Í svo mikilvægum atburðum eins og hrun efnahagskerfisins verða mótmæli að eiga við rök að styðjast. Lygar og dylgjur skila aldrei neinu nema álitshnekki lygarans.

"Bögg er bjúgverpill" sagði góður maður af svipuðu tilefni.

Sigurlaug Sigurgeirsdóttir sagðist hafa fengið hótanir frá ráðherra (sem hún neitar að nefna) um að framtíðarhorfur hennar væru í hættu. Nú er svo komið að þessi hótun er að rætast en með engri hjálp frá ráðherrum heldur Sigurlaugu sjálfri.

Ég vorkenni þessari Sigurlaugu svolítið. Hún er orðin tragísk. Orð Hamlets koma upp í hugann. "Að vera eða ekki vera". Að vera manneskja sem er bein í baki eða knýtt liðleskja. -það er spurningin.

Sigurbjörg Sigurgeirsdóttir stjórnsýslufræðingur.

Meðan Sigurbjörg Sigurgeirsdóttir neitar að upplýsa almenning um hvaða ráðherra hafði í hótunum við hana eru ásakanir hennar út í loftið og öll hennar orð í fortíð og framtíð. það er sjálfsagt og eðlilegt að segja hver hafði í hótunum við Sigurbjörgu.

Meðan hún neitar að upplýsa um það má líta á þessa hótun sem uppspuna úr hennar eigin ranni.

-Með neitun er hún ómerkingur.

Guðlaugur Þór hótar andmælendum sínum.

Fréttir af því að Guðlaugur Þór heilbrigðismálaráðherra hafi hringt í Sigurbjörgu Sigurgeirsdóttur, framsögumanns á borgarafundi í gærkveldi og varað hana við að gæta orða sinna, sæta tíðindum.

Í fyrsta skiptið að mér sé kunnugt um kemur fram einstaklingur sem segjist hafa verið hótað af ráðherra um að "haga sér vel" ellegar hafi það áhrif á framtíðarmöguleika viðkomandi. Þetta hefur þó löngum verið ljóst og oftar er þessi aðverð notuð með öfugum formerkjum þ.e.a.s að fólki séu afhentar dúsur til að "haga sér vel".

Það sem Guðlaugur Þór fattar ekki er að hans eigin framtíðarmöguleikar eru liggja undir í þetta skiptið því svona vinnubrögð eru ólíðandi af opinberum embættismanni. Svona vinnubrögð eru glæpsamleg.

Þessi taktík er vel þekkt meðal ráðamanna í Sjálfstæðsflokknum og skemmst er að minnast óbeinnar hótunar Davíðs Oddssonar til rithöfundarins Hallgríms Helgasonar. Davíð gaf sterklega í skyn að starf föðurs Hallgríms væri í "hættu" en sá er ríkisstarfsmaður.

Ég dáist af hugrekki Sigurbjargar Sigurgeirsdóttur að koma fram með þessar upplýsingar. Hún skilur sjálfsagt að hótanir spilltra og óhæfra ráðamanna vega lítið þessa stundina. Fyrst og fremst breytti Sigurbjörg rétt. -Vegna þess að það er rétt. Hún þarf hinsvegar að taka öll tvímæli af því að það hafi verið Guðlaugur sem hótaði því ellegar liggja allir ráðherrar undir þessu ámæli.

Enn og aftur sannast að stjórnvöld vilja stjórna mótmælunum. Að mótmæli gegn ríkisstjórninni séu á forsendum yfirvalda og að "ógætileg" orð hafi í för með sér alvarlegar afleiðingar á framtíðarmöguleika viðkomandi.

-o-o-o-o-

Nú hefur mig stundum langað til að kenna í framhaldsskóla eða í háskóla. Mig langar að ná mér í kennlsuréttindin og bjóða skólastórnendum upp á kúrsa sem mér þykja spennandi eða eru mér hjartansmál. Þetta blogg mitt og afgerandi afstaða mín gegn núverandi ríkisstjórn mun sjálfsagt hafa áhrif á framtíðarmöguleika mína. Betra væri að ég styddi þetta lið ellegar þegði þunnu hljóði.

En hvernig samfélag væri það sem slíkur undirlægjuháttur er ráðandi? Er það einmitt ekki það samfélag sem rekið hefur okkur fram af bjargbrúninni. Allt stjórnkerfið er sneysafullt af já-fólki sem þorir ekki að segja neitt! Allir óttast um framtíðarmöguleika sína og eini hvatinn í stafi er að halda stöðunni sem ráðherra skaffaði manni? Þessi undirlægjuháttur er einna skýrastur meðal lægra settra flokksmanna í stjórmálaflokkunum. þetta tryggir að hugsunarháttur undirlægjunnar verður alltaf ríkjandi í stjórnkerfinu.

Er slíkt undirlægjusamfélag það sem við viljum?

"Hefðbundin" mótmæli

Það vakti athygli mína á gamlársdag þegar Ingibjörg Sólrún Gísladóttir formaður flokksins sem ég er meðlimur í, sagði að mótmælendur ættu ekki að skýla sér á bakvið nafnleysi. Að hún hefið mótmælt á "hefðbundin" hátt í gamla daga. Þá átti Ingibjörg við þaulsetur á göngum allskonar ráðuneyta osfr. Augljóst var að Ingibjörgu var mein-illa við þau skærumótmæli sem að lokum klipptu á Kryddsíldina.

Stjórnvöld hafa velþóknun á "hefðbundum" mótmælum vegna þess að þau virka ekki.

Mótmæli stúdenta í gegnun tíðina hafa alltaf verið aum og máttlaus. Á hverju ári mótmæla stúdentar stuttum opnunartíma Þjóðarbókhlöðunnar með einhverju flippi. Fara út á flöt með borð og stóla og hringja í alla fjölmiðla landsins í þeirri von að fá umfjöllun. Þetta virðist vera gert í þeim eina tilgangi að forustufólk stúdenta geti sagt að þau hafi verið "ung og róttæk" (eins og ISG var einu sinni) Þegar svo þetta fólk kemst í áhrifastöður er svo fetað hefðbundna leið möppudýrsins í biðröðum stjórnmálaflokkanna. Þannig tryggir kerfið að alltaf veljast hálfgerðir aumingjar í áhrifastöður.

Mótmæli sem njóta velvildar stjórnvalda eru þessi hefðbundu. Fundir, þaulsetur og blaðaskrif. þessar leiðir hafa alltaf reynst ónýtar enda gera stjórnvöld ráð fyrir þeim. Hvernig hefði ástandið í Suður Afríku þróast ef ANC hefði alltaf stundað "hefðbundin" mótmæli. Helsta keppikefli Apharteit bófanna var einmitt að knýja Nelson Mandela til þess að skrifa upp á "hefðbundin" mótmæli. Að hafna beinum aðgerðum og skærum. Ef ekki hefði verið fyrir þrákelkini Mandela og "moral clarity" andstöðunnar eins og það heitir á ensku, væri apharteit ennþá við lýði í dag.

Það eina sem stjórnvöld skilja eru skærur. Borgaraleg óhlýðni og stöðugt og kerfisbundið viðnám. Ein brotin rúða í ráðherradrossíu hefur meiri áhrif en 100 útifundir á Austurvelli. þá er bara eftir spurningin. Vill almenningur breytingar eða ekki. Ef svo er þá verður að beita þeim brögðum sem duga en ekki að stunda mótmæli sem njóta velþóknunar ráðamanna.