Enn meira um fyllerí Sigmundar Ernis.

Eftir að bloggheimar loguðu og fjölmiðlar hverskonar veltu fyrir sér ölvn Sigmundar Ernis í ræðpúlti Alþingis kom í ljós, reyndar ekki neitt óvænt, að nokkur hefð er fyrir því að þingmenn séu drukknir í vinnunni.

Þingfréttaritarar til margra ára upplýstu að það hefi oft borið á ölvun þingmanna þótt það hafi aldrei þótt fréttnæmt. Þetta var bara umborið.

Ég held að þetta hafi bara þótt töff. Í þessu felst nefnilega djupstæður valdahroki. Valdahroki sem þótti einhvernvegin flottur.

En allskonar álitsgjafar, bloggarar og blaðamenn voru að bera í bætifláka fyrir ölvun þingmannsins Sigmundar Ernis. Sumir bentu á að ræðan hans hafi verið prýðileg meðan aðrir sögðu þetta í lagi sökum sögunnar. Ég er þessu algerlega ósammála og mótmæli allur.

Ég sat tíma í morgun í skólanum sem ég er nýbyrjaður í og hlustaði á fyrirlestur kennarans. Kennarinn studdist við glærur og óf svo mál sitt í kringum efni glæranna. -Svona eins og góðir kennarar gera. En þá datt mér í hug að hann hefi alveg getað verið drukkinn. Hann hefið sennilega komist skammlaust frá tímanum ef hann hefði verið búin að fá sér eina léttvínsflösku eða tvær. Hann hefði kannksi orðið skemmtilegri, frjálsari einhvernvegin og lausbeislaðri. -Hver veit?

En væri þetta ekki lítilsvirðandi fyrir okkur nemendurna? -Drukkinn kennari? -Er til meira diss?

Það er alveg sama hversu frábær ölvaður þingmaður er, hann sýnir kjósendum sínum algera lítilsvirðingu með framkomu sinni.

Og þjóð sinni allri.

Athyglisverður samanburður.

Vantrú birtir athyglisverðan samanburð á launum presta og lögreglumanna. Byrjunarlaun lögreglumanna er um 200 þúsund. Byrjunarlaun presta eru um 500 þúsund.

Ef að lesendur vilja leggja lögreglunni lið þá er það hægt með einu bréfi til Hagstofu Íslands. Þá rennur "sóknargjaldið" beint í ríkissjóð (ekki til Háskóla Íslands eins og áður var). það munar um minna, u.þ.b 13.000 á ári fyrir hvern einstakling.

Taktu þér tak ágæti lesandi og fylltu út þetta eyðublað, prentaðu það síðan út og sendu í pósti eða farðu með það á staðinn.



Eins og hipparnir sögðu. Ef maður ætlar að breyta heiminum þá á maður að byrja á sjálfum sér.

Bílalán

Hversvegna liðkar ríkið ekki fyrir þvi að fólk fái að selja bílana sína MEÐ ÁHVÍLANDI LÁNUM til útlanda?

Ég er viss um að það yrði slegist um "Íslandsbíla" (bíla með mikið áhvílandi) hér í Svíþjóð. Bílar hér er seldir með lánum, tvist og bast.

Hver er eignilega munurinn á RangeRover með erlendu láni á Íslandi og í Svíþjóð? Nú þarf að gera eitthvað.

Hverjum hefði dottið í hug..

...Að þegar maður flýgur frá Stokkhólmi til Prag, þá flýgur maður vestur.

Annars mæli ég með Prag. Fallegasta borg í heiminum. Ótrúlega falleg borg. Engu lík.

Fræga fólkið og Ólafur Ragnar.

Fyrir nokkrum mánuðum síðan kom upp afar vandræðalegt mál hjá forsetaembætti Íslands. Manneskju sem var búð að lofa einhverju medalíu-tildri, var vísað frá, nánast á tröppunum á Bessastöðum og sagt að allt hefði verið byggt á misskilningi. Þessi manneskja var reyndar fyrrerandi sendiherra Bandaríkjanna á Íslandi og fólk fróðara en ég segja mér að ekkert mál hefi verið að næla einni medalíu í sendiherrann fyrrverandi og forða þannig þessari neyðarlegu uppákomu.

En sendiherranum fyrrverandi var sem sagt snúið við á tröppunum á Bessastöðum þrátt fyrir boð um annað, undirbúning og nokkur símtöl.

Ástæðan fyrir þessar sneypuför sendiherrans var ekki mannleg mistök. Ástæðan var samt alveg óskaplega mannleg. Ólafi Ragnari var nefnilega ekki boðið á innsetningarathöfnina hjá Barrak Óbama. Ólafur fyrrtist svo mjög við þau tíðindi að hann snarlega kanseleraði medalíuáhengingu hjá sendiherra Bandaríkjanna.

Mér var hugsað til þessa atviks þegar ég las um allt fræga fólkið sem var í útför Kennedys.

Fiskabúrs-hátíð á morgun ! ! !

Nú er endaspretturinn á söfnuninni fyrir fiskabúrinu hafinn. Að því tilefni verður blásið til útihátíðar í Vesturbæjarlaug á laugardag frá kl. 14 - 16. Fjölbreytt dagskrá er í boði. Eimreiðin hvetur alla að mæta, með eða án fjölskyldu, og njóta afbragðstónlistar í lauginni eða pottunum. Flutningur tónlistar fer fram á sundlaugarbakkanum þar sem gömlu útiklefarnir voru.

ÚTIHÁTÍÐ Í VESTURBÆJARLAUG LAUGARDAGINN 29. ÁGÚST FRÁ KL. 14 - 16.

Fjölmargir listamenn koma þar fram og boðið verður upp á nammi, ís og leiktæki fyrir börnin.

Dagskrá:
Ný Dönsk (Jón Ólafs og Daníel Ágúst)
Magga Stína
Ólöf Arnalds
Lay Low
Jazztríó - Jóel Pálsson ásamt Tómasi R. og Matthíasi Hemstock

Ávarp flytur fastagestur.

Glaðningur fyrir börnin frá Nóa Síríus og Emmess Ís og leiktæki á sundlaugartúninu.

Giftur piparsveinn.

Flestir eru sennilega sammála mér um að þversögn sé að segja að til sé giftur piparsveinn.

það sama gildir um Sjálfstæðismann með sómatilfinningu. það er líka þversögn

Sjáiði bara þetta hér.

Með hníf í byssubardaga.

Íslendingar og sér í lagi íslenskir vinstri menn gera sér ekki grein fyrir atburðarásinni sem á sér stað akkúrat núna. Íslenskir vinstri menn halda að allir séu svo góðir. Séu svo næs og meini vel.

Það sem er í gangi akkúrat núna er hvorki meira en minna en syndaaflausn Sjálfstæðisflokksins sem Hannes Hólmsteinn hefur smiðað eftir kúnstarinnar reglum og svo hitt sem er verra. Sjálfstæðisflokkurinn er í þessum skrifuðum orðum að finna sér nýja hillu til að hanga í. Hillu sem á að skapa þeim pólitíska sérstöðu næstu 40- 50 ár.

Ekki borga Icesave-hilluna.

Það sem er svo andstyggilegt við þessa áætlan Sjálfstæðisflokksins er að þeir vinna hvernig sem litið er á málið. Um leið og þeir mótmæla með uppbelgdri þjóðrembu um að ekki skulið borgað, draga þeir um leið fjöður yfir þá staðreynd að Sjálfstæðisflokkurinn sjálfur ber stóra ábyrgð á Icesave-hneysklinu. Hvernig sem þetta Icesave fer, þá munu Sjálfstæðismenn alltaf klifa á því að þeir hafi verið á móti samningunum. Þeir munu alltaf segjast hafa verið stikk frí og þeir munu alltaf benda á Samfylkingu og VG sem þjóðsvikara. Flokka sem þó eru að taka til eftir sukkið, svindið og spillinguna eftir 18 ára valdatíma SjálfstæðisFLokksins. Þetta mun kljúfa þjóðina í tvennt eins og afstaðan til Nato gerði á sínum tíma.

-Enn og aftur takk Davíð. Takk.

Afleiðingin er að skítabomban sem þeir sjálfir settu af stað, spryngur framan í alla þjóðina, en Sjálfstæðisflokkurinn ætlar virkilega að benda á alla aðra nema sjálfa sig og reyna að veiða atkvæði út á að skamma aðra fyrir þeirra eigin fúsk.

Ég segi stundum að Sjálfstæðismaður með sómatilfinningu sé ekki til og segið það enn og aftur. Hugmyndin um Sjálfstæðismann með sómatilfiningu er álíka þversögn og giftur piparsveinn. Ef að manneskja hefur sómatilfiningu þá er hún einfaldlega ekki í Sjálfstæðisflokknum. -Svo einfalt er það.

Nú er semsagt verið að útbúa söguskýringu á -Hruninu eftir Hannes Hólmstein. Vinstri menn hlægja óskaplega af Hannesi, segja hann búin að vera, segja hann baklandslausan osfr. En bíðið bara ágætu VG-arar og Samfylkingarfólk. Bíðið þar til Bjarni Ben byrjar að afsaka hrunið með tilvísunum í þessa lygaþvælu Hannesar Gissurarsonar. Bíðið eftir því þegar við sjáum setningar úr bókinni þekja auglýsingaborða fyrir kosningar. Bíðið ágætu vinstri menn eftir klifun lyginnar.

Íslenskir vinstri menn hafa alltaf vanmetið Sjálfstæðisflokkinn og flokkað hann sem stjórnmálaflokk í staðin fyrir samtök fjármagnseiganda og hins spilta anga íslensks atvinnulífs. Íslenskir vinstri menn hafa alltaf mætt Sjálfstæðisflokknum á jafnréttisgrundvelli. Talið að þar væru í raun og veru stjórnmálamenn á ferð en ekki erindrekar annarlegra sjónarmiða.

Íslenskir vinstri menn eru eins og ólánsami gangsterinn í mafíósabrandaranum. -Mætir með hníf í byssubardaga.

Nyja bókin hans Hannesar Gissurarsonar

Mér var sagt að hún héti "Svarta bókin"

Í raun ættu hún að heita "Gula bókin"

Það meira við hæfi enda bókin öll ein stór smörklípa. Smjörklípa til þes sað reyna að draga fjöður yfir þátt Davíðs Oddsonar og skrýmsladeildarinnar í hruninu.

Alltaf gott að tala bara um kommúnista þegar vinur mans er búin að brenna 350 miljörðum sem seðlabankastjóri og maður sjálfur bankaráðsmaður í sama banka.

Já Kommarnir redda manni.

- Trotskí og þessir kallar.

Drukkið fólk

Ég er fyllibytta. Till að vera nákvæmari þá er ég fyrrverandi fyllibytta. Ég hætti nefnilega að drekka áfengi fyrir um 9 árum síðan. Síðan hefur allt legið uppávið. Ég veit því frá persónulegri reynslu hvernig það er að vera drukkinn.

Ekki nóg með það ágætu lesendur.

Ég þekki einnig mikið af fólki sem gjarnan er drukkið. Ég hætti nefnilega ekki að umgangast vini mína þótt ég hafi sett "tappann í flöskuna" eins og sagt var áður en brennivínsvísindin gerðu allar fyllibyttur að sjúklingum. Ef ég ætti eina mínútu ólifða og þyrfti að segja eitthvað satt þá væri þetta setningin: "Það er ekkert að marka drukkið fólk. -Ekkert!" Alveg sama hvað viðkomandi var að blaðra. það var ekkert að marka mig meðan óminnishegrinn huldi mér sýn með koxgráum fjöðrum sínum, og það er ekkert að marka vini mína þegar þeir eru við skál.

Flestir kannast við það þegar drukkinn einstaklingur tekur mann hálstaki og frussar upp í eyrað á manni einhverjum stóra sannleik um lífið, tilveruna eða hvorutveggja. Þessir hálstakendur eru afar hvimleiðir og illmögulegt að slá þetta fólk af sér nema með ofbeldi og þá verður fjandinn laus því viðbúðið er að hinn drukkni brjóti handbjórinn sinn og ráðist á mann með morðglampa í augum. Líklegra er þó að hinn drukkni fari að skæla eða þvíumlíkt og þá er staðan orðin sínu verri en haustakið. Vegfarendur sjá þá skælandi manneskju og aðra sem reynir að stappa stálinu í viðkomandi. -Ömurleg sitúasjón.

Sumir bloggarar fara nú með himinskautum í þeirri viðleitni að afsaka það að Sigmundur Ernir hafi verið ölvaður í ræðustól Alþingis og benda á að hann hafi nú sagt ýmislegt sem meikaði sens.

Nei og aftur nei!

Drukkinn maður er aldrei átorítet. Hann er bara fullur og vitlaus. Með ölvun sinni er viðkomandi búin að stypla sig út úr eðliegum samskiptum og næsta skref er haustakið. Svo má líka hugsa að mikilvæg skilaboð (eins og ræður úr Alþingi) missa ætíð marks þegar maður setur þau í samhengi áfengisvímunnar.

Hver hefið t.d trúað hlauparanum við Maraþon þegar hann kom nánast örendur til Aþenu þar sem hann tilkynnti íbúum borgríkisins að sigur hefið unnist á Spartverjum... Ef hann hefið verið með flösku af Southern Comfort bundna við lendar sér?

Hver hefði lagt merkingu í orð Jóns Sigurðssonar þegar hann mælti "Vér mótmælum allir" ef að hann hefið frussað þessi orð í eyru fundarmanna og brennivínsstybban myndi umljúka hár viðmælandans og ekki nást úr fyrr en eftir ítrekaðan þvott?

Hver hefði lagt athygli við orð Jóhönnu Sigurðardóttur, "minn tími mun koma" ef að hún hefði dæst þau af vörum fram eftir að hafa tapað í slag um hálfa túbu af Víking-bjór á planinu við stóra tjaldið á Roskilde?

Sannleikurinn er sá, og takið þið nú vel eftir ágætu lesendur, að drukkinn manneskja er ómerkingur. það var Sigmundur Ernir líka þegar hann drafaði eins og fábjáni sem vissi ekki í þennan heim né annan ofan úr ræðupúlti Alþingis. Auðvitað gerðu aðrir þingmenn að honum aðsúg enda tilvalið að hamra á manninum þegar hann opinberar fávisku sína. Hversvegna eigum við að taka fullt fólk öðrum tökum en venjulegu fólki sem þó er allsgáð? Hvaða helvítis afsökun er sú að taka fram að viðkomandi hafi verið fullur?

• Hrannar Fannar gékk berskerskgang og barði mág sinn til óbóta, tók því næst bifreið heimilisins og keyrði hana á ljósastaur, steig út úr flakinu, grenjaði, skeit í sig og reyndi svo að stinga lögguna af. -En það er alltí lagi því hann var bara smá fullur...

Þessi tvískinningur gagnvart fullu fólki er óþolandi. Hættum að taka mark á ölvuðu fólki. Hættum að afsaka gerðir þeirra, orð og æði. Full manneskja er ómerkingur.

-Punktur.

Meira um fyllerí Sigmundar Ernis.

Mörgum þykir stóra fylleríis-málið vera ómerkilegt. Mér finnst það ekki. Ég held að stóra fyllerísmálið sé töluvert merkilegra en margir halda

Hérna komin ákveðin prófsteinn á nýja tíma í íslenskum stjórnmálum því aldrei áður hefur almenningur og fjölmiðlar tekið á ölvun þingmanna áður þótt ærin tilefni hafi verið fyrir því. Ég held að þetta sé ekki lengur "töff" eða þvíumlíkt þótt mörgum þingmönnum kunni að finnast það. Margir þingmenn telja það nefilega merki um að vera "statesmanship" eða merki um vald að vera drukkinn í þjónustu almennings. Skilaboðin eru þau að

"ég er svo frábær og þið eruð svo ómerkileg að ég get alveg unnið þessa vinnu í ölvunarástandi"

Þessi stjórnunaraðferð var vinsæl hér árum áður og ekki er langt síðan þingmaður úr sama kjördæmi og Sigmundur Ernir var drukkinn heilu þingin. Skaust út á Hótel borg milli í fundarhléum og helti í sig áfengi. Hélt svo áfram að tefja mál eftir því sem hann sá sér fært. Þetta þótti bara flott hjá honum og þessi þingmaður naut töluverðrar virðingar fyrir vikið. Ég held að Sigmundur Ernir sé að sækja í þennan brunn og telji að ákveðin virðing fylgi ölvunarátandi í ræðupúlti á Alþingi. Reyndar hefur þetta umburðarlyndi Íslendinga gagnvart áfengisdrykku þingmanna verið óvenju ríkt. Ég man t.d eftir því þegar þingmaður Sjálfstæðisflokksins í fullkomnu ölvunarástandi, keyrði niður manneskju við Hringbraut. Það var þaggað niður enda vildi enginn vita af þessu hroðalega máli.

Ég held að almenningur sé búin að fá nóg af svona þingmönnum. Ekki er á neinn hallað þegar sagt er að Hrunið sé að hluta á ábyrgð lélegra þingmanna, sauðsháttar þeirra og því rofi sem varð á milli þings og þjóðar á Davíðstímanum sem náði svo hámarki í Haarde/Gísladóttir hörmunginni. Fólk kærir sig ekki um fullann slökkviliðsmann. Það er ekki lengur umborið. Það er búið og nú kem ég loks að kjarna málsins.

Ef að Sigmundur Ernir gengst við þessari ölvun i ræðupúlti Alþingis brýtur hann sannarlega blað í íslenskri stjórnmálasögu. Hann setur tappann í flöskuna fyrir alla framtíðarþingmenn landsins. Hann eykst einnig í áliti þótt ótrúlegt megi virðast og fær örugglega þá virðingu sem hann var að leita að.

Hitt þykir mér verra að Sigmundur var í einhverju snobb-veislu í boði einhvers banka út í bæ. Þar. Ljóst er að Samfylkingin þarf að taka verulega til í eigin ranni og taka á svona vafasömu reitarugli. Nóg er nú komið samt af spilltum Samfylkingarþingmönnum þó að Sigmundur bætist ekki í þann hörmulega hóp.

Stóra þvottavélamálið

Stóra þvottavélamálið leystist í gær. Við hjónin hentum gömlu vélinni og keyptum okkur nýja. Frábæra vél frá Electrolux. Electrolux-vélar eru kallaðar "Volvó þvottavélanna" enda sænskar að uppruna.

Eftir þessa rimmu í þvottavélamálinu veit ég allt um þvottavélar. Ég kynnti mér málið og náði niðurstöðu með hjálp frábærs sölumanns í Elgiganten (sama og Elkó). Forsendurnar okkar voru skýrar. Við vildum þvottavél sem gæti þvegið mikið og oft. Við þvoum sennilega 5 vélar á viku þannig að vélin er alltaf í gangi. Strákarnir skíta sig svo út að undrum sætir. Ný föt á hverjum degi plús allt hitt. Niðurstaðan var þvottavél sem tekur 7 kíló. Hún varð líka að vera traust og endast í amk 15 ár án þess að bila.

-Electrolux.

Því miður er smá tölvuskjár á vélinni en ég hef andstyggð á slíku. Fyrir utan það þá er virðist nýja þvottavélin vera traust og áreiðanleg.

Sölumaðurinn í búðinni gaf okkur góðan tíma og greindi okkur frá því hversvegna við ættum að kaupa þessa tilteknu vél. Það eru nefnilega "segulbremsur" á henni. Svo eru hún stór og vönduð. Reyndar er hún framleidd á Ítalíu sem er smá mínus. Betra hefið verið að styðja sænskan iðnað beint með þvi að kaupa innlenda frameiðslu. Það er bara ein sort af þvottavélum sem er framleidd í Svíþjoð. Cylinda. Þær eru mjög dýrar og ábyggilega ferlega góðar.

Miele þvottavélarnar eru dýrastar og að mér skist bestar. Electrolux stelur öllum hugmyndunum frá Miele og "segulbremsurnar" eru upprunalega komnar frá Miele. Í venjulegum vélum eru "kolabremsur" sem þarf að skipta um eftir 5 ár (ef að þvottavélin er mikið notuð) og það kostar um 1500 skr að skipta um. Segulbremsurnar þarf aldrei að skipta um enda bila seglar ekkert svo glatt. Anyway. Sölumaðurinn seldi mér þetta á staðnum. Segulbremsur þakka þér fyrir. -Nú á ég svoleiðis.

Ég hef starfað við sölumennsku og fullyrði að þessi tiltekni sölumaður er gulls ígildi. Ég ætla að senda Elgígantanum línu og mæra þennan flinka sölumann. Góð viðbrögð frá kúnnum, þegar það á við, eru óskaplega mikilvæg fyrir sölumenn.

Vélin var nokkuð dýr 7000 skr og ég nenni ekki að reikna þetta yfir í krónur enda er það fáránlegt. Ekkert að marka neitt í sambandi við verð á Íslandi. Allt í lausu lofti.

Ef þessi maskína endist í 15 - 20 ár án þess að bila þá er ég sáttur.

Prófsteinn á stóru orðin.

Fréttir þess efnis að þrír fyrrverandi þingmenn og ráðherra vilji ólm gerast forstjórar fiskistofu eru uggvænlegar. Sá sem ræður í djobbið ætti strax að útiloka þessa umsækjendur.

Sú aðferð að velja fólk í stöður eftir flokkskírteinum frekar en prófskírteinum reyndist afar illa svo ekki sé tekið dýpra í árinni. Með þvi styrkjast ítök stjórnmálaflokkanna í stofnunum almennings og spilling eykst.

Við höfum því miður séð allar útfærslur í þessu spilta kerfi. Oftast er ráðinn vinur ráðherrans eða einhver sem hefur tengingar inn í stjórnmálaflokk viðkomandi ráðherra en stundum er öðru vísi farið. Þá er farin s.k samtryggingarleið sem augljóst er að er í uppsiglingu. Þá er einhver úr öðrum flokki valin i starfið og greiðinn geymdur þar til færi opnast.

Þótt að þetta kunni að vera ómerkilegt mál þá er það ákveðin prófsteinn á stóru orðin varðandi mannaráðningar í opinberar stöður.

• Verður spilltur stjórnmálamaður valinn ellegar fagmaður sem hefur aflað sér þekkingar á viðkomandi sviði.
  
• Verður valið í stöðuna með því sjónarmiðið að styrka Fiskistofu eða til að tryggja samtryggingu stjórnmálaflokkanna?
• Þurfum við að horfa upp á kerfisbunda veikingu stofnanna ríkisins (sbr Fjármálaeftirlitið) eða er alvara þarna á baki.

Þetta kemur allt í ljós þegar valið verður í stöðuna. Ég veit ekki hvort það sé neitt spennandi. Mér þykir þetta vera dramatískt.

Hreiðar Már biðst ekki afsökunar.

Hann ætti að lesa þessa síðu.

Strax.

Þúsundir innistæðueigenda á Mön töpuðu öllu sínu. Sumir aleigunni. Hreiðar situr eftir keikur og segir aðra þurfa að afsaka sig. Ég held í alvörunni að útrásarliðið hafi allt annað siðferði en allur almenningur. Ég sver það. Það hefur átt sér stað eitthvað skammhlaup á skiptiborði skynseminnar hjá þessu fólki.

Þetta fólk virðist vera sturlað.

Hugmynd - Nýsköpun

Ég er með hugmynd að þvottavél sem ég veit að mun slá í gegn. Konseptið er einfalt. Þvottavél fyrir fólk sem kann ekki að þvo. Þvottavél fyrir einhleypa karlmenn eða eitthvað svoleiðs.

Einhleypa þvottavélin á að vera bjánaheld. það á bara að vera eitt prógramm á henni. sem heitir "þvottur". Svo á að vera skífa sem ákveður hitann. -Tveir takkar. Ekki fleiri.

Svo á vélin að vera svo sterkbyggð að hún sé með 20 ára ábyrgð. Ég er viss um að margir myndu kaupa sér svona vélar.

Einu sinni voru til eldavélar sem hétu "Rafha" og voru al-íslensk framleiðsla. Þær voru annálaðar fyrir gæði og margar slíkar vélar eru ennþá að hita mat fyrir íslenskar fjölskyldur. Fordæmi eru því fyrir framleiðslu á íslenskum heimilistækjum af bestu sort.

Skammarlegt.

Myndbrot frá Alþingi þar sem Sigmundur Ernir er greinilega ölvarður er skammarlegt. Var þetta markmiðið með því að falast eftir þingsæti? Að vera fullur í púlti Alþingis?

Þetta var einu sinni töff en er það ekki lengur.

Meiri hroka er ekki hægt að sýna þjóð sinni en að vera ölvaður í sölum Alþingis.

Vegsemd Sigumundar Ernis hefur ekki vaxið við þessa ömurleg uppákomu.

Halo

Í sumarfríinu með Auði dóttur minni þá hlustum við svolítið á tónlistina hennar. Þvílíkt og annað eins. Við erum alveg að tengja í R&B-inu. Ég hef áður skrifað um það að ég fékk dellu fyrir laginu með Jordin Sparks og Chris Brown, No Air. Núna er ég forfallinn R&B hnakki.

Beyonce er bara æðisleg. Nýja platan hennar er svooooo góð. Lagið Halo snertir mig í hvert sinni sem ég set það á fóninn. Beyonce er svolítð séstök. Hún er þvílíkt hæfileikabúnt að undrum sætir. Stórkostleg söngkona og performer í besta klassa. Textinn í Halo er ekki bara ástarjátning til einhvers gaurs, því eins og með öll góð listaverk (og kveðskap) hefur það víða skírskotun. Ég tengi vel við þennan texta í samhengi við tilfinningar mínar gagnvart henni Auði minni.

Þegar ég var búin að kveðja Auði í Kaupmannahöfn eftir vel heppnað sumarfrí og var á leiðinni heim, þá setti ég lagið í ípodinn. Fertugur maður þá brynnti á músum í hálftómri lestinni.

Hérna er textinn:

Remember those walls I built
Well, baby they're tumbling down
And they didn't even put up a fight
They didn't even make up a sound

I found a way to let you in
But I never really had a doubt
Standing in the light of your halo
I got my angel now

It's like I've been awakened
Every rule I had you breakin'
It's the risk that I'm takin'
I ain't never gonna shut you out

Everywhere I'm looking now
I'm surrounded by your embrace
Baby I can see your halo
You know you're my saving grace

You're everything I need and more
It's written all over your face
Baby I can feel your halo
Pray it won't fade away

I can feel your halo halo halo

Hit me like a ray of sun
Burning through my darkest night
You're the only one that I want
Think I'm addicted to your light

I swore I'd never fall again
But this don't even feel like falling
Gravity can't forget
To pull me back to the ground again

Feels like I've been awakened
Every rule I had you breakin'
The risk that I'm takin'
I'm never gonna shut you out

Everywhere I'm looking now
I'm surrounded by your embrace
Baby I can see your halo
You know you're my saving grace

You're everything I need and more
It's written all over your face
Baby I can feel your halo
Pray it won't fade away

I can feel your halo halo halo

Everywhere I'm looking now
I'm surrounded by your embrace
Baby I can see your halo
You know you're my saving grace

You're everything I need and more
It's written all over your face
Baby I can feel your halo
Pray it won't fade away

Hérna er lagið.

Manic Miner

Ég er afsprengin 80´s menningarinnar. Þar af leiðiandi átti ég Sinclair Spectrum. Besti leikurinn á þeirri goðsagnakenndu tölvu var Manic Miner.

Hann má nú spila hér.

Leikurinn er að mér virðist nákvæmlega eins og sá sem var á kassettunni. Ekkert breytt. Allt eins.

Þvottavélavandræði

Þvottavél heimilisins er í uppreisnarástandi. Ekki þýðir að þvo á neinu "prógrammi" nema númer 9 sem er alger kattaþvottur. Reyndar hefur þessi bansett vél verið til vandærða því það voru alltaf einhver stykki að fara úr henni. Svo rammt kvað að þessu að ég var hættur að fara með vélina í viðgerð og keypti bara stykkinn og setti í sjálfur. Svo þegar við fluttum hingað til Svíþjóðar var einhver leki komin í vatns-inntakið. Ég þurfti þvi að kaupa nýtt (sem passaði reyndar ekki en ég skíta-mixaði það saman)

Nú er komin einhver hugbúnaðarvilla í vélina. Sýnir alltaf einhverja villumeldingu sem ég skil ekkert í. Ákveðið hefur verið að kaupa nýja vel. Sú gamla entist bara í rúm 6 ár og að mínu mati er það ferlega léleg ending. Amma mín átti t.d sömu þvottavélina allt sitt líf. Það var einhver amerískur gæða gripur sem enn var í lagi þegar honum var hent.

Ég hef enga trú á þvottavélum eða raftækum yfirleitt sem eru með tölvuskjá. Þeir klikka. Hugbúnaðurinn klikkar. Best er að fá eins einfalt og unnt er. Enga stæla með 133 prógrömmum sem enginn kann á.

Þessi lélega vél heitir Ariston og ég hvet fólk til að sneyða hjá þessu drasli. Betra er að kaupa aðeins dýrari vélar. það sparar peninga. Nú stöndum við hjónin frammi fyrir því að velja okkur þvottavél. Getur einhver vinsamlegur þvottavélasérfræðingur gefið okkur heilræði. það væri vel þegið.

Hjaltalín í Kristjaníu.

Þetta verður fjör. Ég hvet alla Íslendinga til að mæta. 1. septl kl 21 í Loppunni.

Nálgast eittþúsund

Trúfélags-leiðréttingarátak Vantrúar gengur vonum framar.

Frá því að það hófst árið 2006 höfum við aðstoðað 828 manns við að leiðrétta trúfélagaskráningu sína. Flestir Íslendingar gera sér nefnilega enga grein fyrir því hvert skattpeningarnir þeirra renna þegar kemur að hinu illræmda sóknargjaldi. Flestir hugsa ekkert um þetta.

Nú styttist í að þúsundasti einstaklingurinn leiðrétti trúfélagaskráningu sína.

Það verður spennandi að sjá hvenær það gerist. Ég hef bloggað töluvert við órétt ríkiskirkjufyrirkomulagsins og þreytist ekki á því að benda á það.

-Hvet alla til þess að kynna sér málið.

Súrir eru ávextirnir.

Súrir eru ávextir Sjálfstæðisflokksins. Uppskera 18 ára valdatíma hins gerspillta Sjálfstæðisflokks kemur nú fram. Eymd, reiði, misskipting, ranglæti.

-Þjóðargjaldþrot.

Trúlausir níðingar.

Ríkiskirkjupresturinn Þórhallur Heimisson fer mikinn á blogginu sínu. Í umræðum um áreiðanleika Biblíunnar kom þessi fáheyrða athugasemd þar sem hann lætur félaga í Vantrú fá það óþvegið.

Níðið er ykkar eina innlegg í samfélagið. Ekert gott látið þið af ykkur leiða, engum hjálpið þið, engann huggið þið á erfiðum tímum.

Þar höfum við það :)

Kúkað á kerfið í Kristjaníu.

Ég átti erindi til Kaupmannahafnar í gær. Var þar í 3 tíma og fékk mér göngutúr niður í kristjaníu. Ég nennti ekki á Strikið því ég sé engan mun á H &M í Kaupinhafn ellegar annarsstaðar. Sama gildir um hinar tuskubúðirnar. Þetta er sama súpan allstaðar.

Ég labbaði því niður í "Stínu" eins og staðurinn var kallaður meðal Íslendinga í borginni þegar ég bjó þar 97. Veður var gott og göngutúrinn frá Höfuðbananum tók um 45 mínútur. Fyndið hvað mannlífið er öðruvísi í Kaupmannahöfn en í Gautaborg. Allt er einhvernvegin brjálaðra í Köben. Meira af öllu. Svíar segja höfðuborgina hinumegin við Eyrarsund vera mikið evrópskari en borgir í Svíþjóð. Nokkuð til í því. Fleira fólk, meiri hraði og fyrir mig Svíann, virkað þetta truflandi. Ekki bætti úr skák að borgin er frekar sjúskuð. Allskonar drasl er hér og hvar, ónýt reiðhjól, brotnir borðlampar og liftarabretti á víð og dreif. Nokkuð sem aldrei myndi sjást í Gautaborg :). Betl er arðvænlegur atvinnuvegur í Kaupmannahöfn.

Ég held að ég hafi "forsvenskast" á þessu rúma ári sem ég hef búðið í Gautaborg. Borga alltaf í stöðumæla, geng aldrei yfir á rauða kallinum og pirrast gríðarlega þegar ég verð vitni að borgarlegri óhlýðni. Ég gékk því nokkuð rösklega frá innan um alla þessa ringulreið og spurði tvo dópista til vegar. Þeir voru stimamjúkir og hjálplegir. Þegar ég kom að innganginum inn Kristjaníu blasti við mér ringluleið af ókunnri sort. Það var sem lítill skýstrókur hafði gengið um reiðhjólastæðin og hjólin lágu eins og hráviði allt í kring (sjá ljósmynd )


Ég rölti inn og fékk mér pulsu og kók (drykkinn) og virti fyrir mér mannlífið. Ríghélt í tölvutöskuna mína og var á varðbergi gagnvart fólkinu. Það reyndist óþarfa tortryggni því að fólkið þarna er bara ágætt. Ég settist við hliðina á kellingu og hlustaði á þjóðlagahljómsveit á barnum "Woodstock". Vinkona hennar, kona á sextugsaldri sýndi listir sínar og gékk á höndum við tryllingsleg gelt hundanna á svæðinu. Það var sólskin og það var heitt. Afslöppuð stemning.

Ég varð einu sinni í fyrndinni fyrir árás á "Woodstock" því að risastór svartur Nýfundnalandshundur reyndi að nauðga mér. Ég var nánast bjargarlaus þegar dýrið hnoðaðist á mér. Eigandi hundsins, grænlensk kerling hló svo dátt að skein í hvíta tönnina. Þetta mun hafa spurst út meðal íbúanna og vakti almenna hrifningu í marga dag á eftir.

En nóg um það. Ég velti þessu fyrirbæri svolítið fyrir mér. Þetta er svolítið heillandi staður. Mannlegur á einhvern hátt. Þarna getur fólk farið og jafnvel búið sem nennir ekki að taka þátt í neysluruglinu og kröfum samfélagsins. Þarna var kall, bera að ofan og með bjór í hönd (kallað "handbajer" upp á dönsku, eða handbjór). Ef hann hefið verið í jakkafötum væri hann týpan sem er verkalýðsforingi, eða fulltrúi hjá trygginafélagi. -Furðulegt. Þarna var hann bara fullur og naut lífsins að mér sýndist. Þótt sumir eigi bágt með að trúa því þá er til annað fólk sem finnst þetta skemmtilegast í lífinu.

Dönsk yfirvöld hafa að undanförnu reynt að normalísera Kristjaníu og krafist útburðar íbúanna, lagt bann við hasssölu (sko! Þrjú ess í röð). Lögreglunni hefur verið mætt af fullri hörku og allt verður vitlaust ef að lögga sést á svæðinu. Slagsmál og ofbeldi. Hassið er þarna ennþá þótt að kristjanítar segja það ekki lengur stundað í fríríkinu. Mér sýndust hasssalarnir vera á hverju strái. Nú hef ég enga sérstaka skoðun á þessum hass-viðskiptum en fráleitt er að fólk hætti að reykja hass þótt það sé bannað. Fólk finnur sér leið.

Nú skilst mér að Kristjanía sé næst-vinsælasti viðkomustaður túrista í Kaupmannahöfn og ég skil það bara vel. Vandfundari er sérkennilegri staður í allri Evrópu. Mannlífið þarna er afar skemmtilegt.

Innan um alla þessa óreiðu og óreglu, þá ákvað ég að vera í stílnum og gera eitthvað af mér. Ég bældi niður Svíann í mér og ákvað að vera smá krimmi. Maður er jú ekki alltaf í Krístaníu. Í framhaldinu af þessum glæpsamlegu hugleiðingum ákvað ég að sýna borgaralega óhlýðni og fylltist byltingaranda og kastaði frá mér tómri kókflöskunni inn í runna. -Bara svona eins og ekkert væri sjálfsagðara. Ekki er laust að mér létti stórum við kastið.

-Ég kúkaði á kerfið.

Misskilningur minn varðandi bónusa.

Ég stóð alltaf í þeirri trú að bónusgreiðslur væru fyrir vel unnin verk.

-Þið vitið.

Fiskflakarinn fær greitt fyrir hraða, smiður er í uppmælingu sem kallað er. Fólk í sölumennsku fær bónusa ef það selur fyrir ákveðna upphæð og fjármálafólk fær bónusa ef vel gengur.

Þetta er alltsaman misskilningur hjá mér.

Bónusar eru ákveðnir fyrirfram og gilda jafnt hvort fyrirtækið gegnur illa eða er á hausnum. Bónusar til starfsmanna Glitnis á lokametrunum fyrir Davíðshrunið mun t.d hafa verið fengnir að láni hjá Landsbankanum. Frægt er að topparnir hjá AIG fengu ofurbónusa þrátt fyrir að félagið hafi fengið ríkisstyrk frá Bandaríkjastjórn ella hefið það rúllað. Ég held að merking orðsins"bónus" hafi breyst töluvert á síðasta áratug og þýði í raunninni það sama og laun en er til þess fallin að blekkja almenning.

Mér skilst að samið sé beinlínis um bónusa burtséð frá því hvernig muni ganga. Það er ekki bónus.

-Eða hvað. Er ég bara svona vitlaus?

Það sem ekki má.

Ólafur Ragnar á ekki að fara á hestbak og þingmenn eiga ekki að senda tölvupósta.

Hvorutveggja endar með skelfingu.

Þögull sem (hólm)steinn.

Hugmyndafræðingur efnahagshrunsins, Hannes Hólmsteinn Gissurarson hefur verið óvenju þögull að undanförnu. En lifir þó í gömlum glæðum og hann slær nú lyklaborðið af miklum móð. Ekki fer mikið fyrir efnahagsumræðu eða öðru slíku heldur er prófessorinn með hugann við annað.

Hann karpar af miklum móð um Karl Th. Birgisson og Guðmund Andra Thorsson og krefur þá um einhverjar skýringar sem ég skil ekki almennilega.

Hérna má lesa um helstu hugðarefni Hannesar Gissurarsonar þessa stundina.

Ef að Hannes væri ærlegur náungi myndi hann hætta þessu karpi og tjá sig aðeins um efnahagshrunið, þátt Sjálfstæðisflokksins í því og já. -Hugmyndafræðina sem brást.

Hann og fleiri sanntrúaðir Sjálfstæðismenn eru þöglir sem steinar um þá umræðu eins ótrúlegt og það kann að hljóma. Hannes sjálfur er þögull sem hólmsteinn.

Grillaðir sykurpúðar

Við krakkarnir fórum út í lítið skógarrjóður í gær og grilluðum sykurpúða. Það var virkilega gaman. Það er nefnilega ekki svo oft að ég er einn með börnin mín. Ég skutla Auði til móts við móður sína og stjúpföður í Kaupmannahöfn á morgun. Við tökum lestina, sem er ódýr og góður ferðamáti. Ég ætla að taka með mér hlaupadraslið og hlaupa eitthvað á Amager áður en ég fer aftur heim. Spurning hvort ég sæki svo heim félaga minn sem rekur Kaffihús í borginni.

-Þetta verður fínt.

Kim Die Young er látinn

Kim Dae Jung er látinn. 84 ára að aldri. Þeir sem guðirnir elska deyja ungir. Ekki er loku fyrir það skotið að guðirnir hafi haft einhverja velþóknun á Kim Die Young þrátt fyrir að hann hafi náð háum aldri.

Ég er enn að flissa af þessu eins og einhver Svali á Fliss-FM.

Fyndnasta fyrisögn ársins

Fyndnasta fyrirsögn ársins hefur litið dagsins ljós.

Kim Dae-Jung er látinn.

Kim Die Young var ekkert svo ungur. -Fæddur 1924.

Gautaborg er frábær.

Þetta sá ég í bænum í gær. Hnullungur sem hélt niðri einhverju sirkús-tjaldi var merktur með ástkæra ylhýra.

Hér er gott að búa. Svíar afskaplega vinalegir í alla staði. Afgreiðslumaður í litlu kaffihúsi lánaði mér 90 kall þegar ég var ekki með reiðufé. Skrifaði bara upphæðina á lítin miða og sagði mér að koma á morgun að borga.

Veður er ágætt hérna en sumarið hefur verið fremur blautt. Friður og spekt alla jafna og ég veit ekkert hvar gangsterar Gautaborgar halda sig. Það eru þó alltaf fréttir af ógnaratburðum hér í borginni sem ég skil ekkert í. Maður skotin fyrir framan 3 ára son sinn, 14 ára stungin í biðröð osfr. Nýjasta er þó ekkert svakalegt en í dag var s.s gengið frá kaupum á SAAB. Sænski ofursportbílaframleiðandinn Köningsegg hefur keypt SAAB af GM fyrir upphæð sem er ekkert annað er stjarnfræðileg. Samningaviðræður tóku 8 vikur og allt stefnir í að hann fái fyrirtækið með 3000 skr miljóna afslætti. Köningsegg þessi er giftur íslenskri konu sem heitir Helga von Köningsegg. Hún er stjórnarformaður fyrirtækisins. Verskmiðjan sem framleiðir sportbílana er í Engelholm svona 2 klst akstur frá Gautaborg.

Allt að gerast.

Sænskur húmor.

Ég rakst á þennan glæsilega Volvo í gær og tók eftir litlu gulu merki á hlið bifreiðarinnar sem minnti um mjög á Ferrari-merkið af prjónandi ótemju.

En viti menn Það er ekki hestur á Volvonum glæsilega heldur ...... elgur.

Þyrlu Mangi glottir við tönn.

Nú er búið að afskrifa 50 þúsund miljónir úr heimilisbókhaldi Þyrlu-Manga. Getur ekki einhver talnaglöggur lesandi reiknað þessi upphæð er há ef við deilum henni niður á alla Íslendinga? Vasatölvan mín nær nefnilega ekki svona mörgum núllum á skjáinn.

Mig dreplangar að einnig að vita hver innan Landsbankans ákvað að lána Þyrlu-Manga þessa stjarnfræðilegu upphæð. Það á að stinga þeim skálki í grjótið.

Hinn bitra staðreynd er þessi:

Það á að afskrifa skuldir á ríka fólkið en ekki á almenning. Óskaplega hressandi staðreynd en í fullkomnum samhjómi einkavinavæðinguna þar sem hagnaðurinn var einkavæddur en tapið ríkisvætt.

-Hvar endar þetta eiginlega?

Margrét Tryggva er með sjúkdóm

Eftir því sem ég hugsa meira um rógsbréf Margrétar um Þrátinn Bertelson þá hvolfist yfir mig hverslu alvarlegt málið er. Þráinn sjálfur notaði orðið "mannorðsmorð" en það hugtak er orðið hálf laskað því annar hver sótraftur tekur sér þetta orð í munn við allskonar aðstæður.

Mér hefur oft þótt gagnlegt í svona greiningum að skipta um hluverk á deilendum. Hvað þætti fólki um að Þráinn reyndi að grafa undan Margréti Tryggvadóttur með bréfaskriftum þar sem hann segði viðkomandi um að vera með sjúkdóm. Segjum MS-sjúkóminn. Eða HIV. Eða MND. Eða bara einhern ólæknnandi tauasjúkdóm eins og Alzheimer.

Sú staðreynd að Margrét afsakar bréfið með því að hún beri svo mikla umhyggju fyrir Þránni eru bara til þess að bíta hausinn af skömminni en afhjúpar hversu mikið flagð Margrét Tryggvadóttir er.

Shakespeare segir í Lé konungi, að hin bera fyrirlitning betri en sú er hylst undir smjaðri. Það á sérlega við í þessu máli.

Einbeittur Þrotavilji.

-Hafskip (Útvegsbankinn dróst niður með kjölsoginu)
-Árvakur
-Landsbankinn
-Eimskip

Þetta voru einhver traustustu fyritæki Íslands áður en Björgúlfur Guðmundson tók þar við stjórnartaumunum. Segja má að Björgúlfur hafi einbeittan þrotavilja.

Nú er ekkert gaman að núa fólki um nasir misheppnuð viðskiptaævintýr en saga Björgúlfs er ekkert ævintýr heldur hryllingssaga. Gjaldþrot Landsbankans með Icesave og öllu mun kosta hvern einasta Íslending yfir miljón krónur.

Nú var ég enginn sérstakur aðdaándi þessara fyritækja en þetta voru á einhvern hátt "fyrirtækin mín". Alla mína tíð hef ég alist upp í návist þessara fyrirtækja og þótt ég hafi ekkert verið brjálaæðislega ánægður með þessi apparöt þá voru þau partur af mér og upplifun minni sem Íslendings. Ég vissi jú að ágætis fólk ynni þarna og þau væri mikilvægur hlekkur í efnahagskeðjunni. Sama má segja um Sjóvá. Fréttir þess efnis að Werners-liðið hafi tæmt bótasjóði félagsins snertu mig djúpt.

-Þetta er hrikalegt.

-o-o-o-


Félagi minn Halldór E. á þessan kostulega orðaleik með þrotaviljann. Ég hvet allar auglýsingastofur til þess að hringja í Halldór ef að hugmyndaþurrkur hrjáir hugmyndasmiðina. Frá Halldóri rignir beinlínis skemmtilegum hugmyndum.

Uppskera Borgarahreyfingarinnar.

Valgeir Skagfjörð er ekki lengur í stjórn Borgarahreyfingarinnar. Ég hvet alla til að lesa yfirlýsingu Valgreirs. Þessi yfirlýsing er einlæg og ég held að hún snerti strengi í hjörtum okkar sem héldum að nýtt og almennilegt stjórnmálaafl væri í uppsiglingu. Vonbrigði og sárindin ríkja meðal kjósenda Borgarahreyfingarinnar meðan baknag og rýtingsstungur einkenna þingmenn hreyfingarinnar og stjórnina.

-Sárindi uppgjöf og vonbrigði. Hugguleg er uppskeran hjá Saari, Birgittu og Margréti

Kópavogi aðfararnótt 14. ágúst 2009

Sælir kæru félagar.

Af persónulegum ástæðum þá er komið að leiðarlokum hjá mér í þessari stjórn.

Þegar ég hóf störf fyrir Borgarahreyfinguna var það eingöngu fyrir góðan málstað, fagrar hugsjónir og vonir um að reisa nýtt lýðveldi á Íslandi úr öskustó hrunsins.

Ég öðlaðist trú á að hægt væri að stofna nýtt stjórnálaafl þar sem heiðarleiki, gagnsæi og lýðræði gætu setið í fyrirrúmi og þar sem eini hagsmunahópurinn sem þyrfti að verja væri almenningur í þessu landi.

Við náðum ótrúlegum árangri með samstilltu átaki fólks sem trúði á okkur og uppskárum fjögur þingsæti sem fimm manns hafa nú þegar fengið að verma. Í dag sitja 4 þingmenn Borgarahreyfingarinnar á þjóðþingi Íslendinga.

Því miður þá eru vonbrigði mín mikil þegar kemur í ljós að þeir sem áttu að berjast fyrir því að koma stefnumálum og hugsjónum Borgarahreyfingarinnar í farveg á þinginu eru mun uppteknari af sjálfum sér en því að vinna að framgangi hreyfingarinnar sem heildar.

Hin ólýðræðislegu vinnubrögð hinna flokkanna hafa verið gagnrýnd harðlega en svo kemur í ljós að hinir lýðræðislega kjörnu fulltrúar Borgarahreyfingarinnar með sínar lýðræðisumbætur að leiðarljósi vilja ekkert af lýðræðinu vita þegar kemur að því að praktísera það í eigin flokki.

Allt í einu sé ég óheiðarleika, óheilindi, samskiptaörðugleika, baktal, slúður, ófrægingarherferð, skítkast og allt það vonda sem við vildum ekki gera en erum samt að gera, en það góða sem við boðuðum fyrir kosningar á ekki upp á pallborðið núna.

,,Maður kemur ekki í manns stað - það höfum við þegar reynt" segja þingmenn í bréfi til stjórnar. Ég veit vel að ég heiti Valgeir Skagfjörð en ekki Þór Saari og þess vegna gat ég ekki orðið hann þegar ég sat þarna inni í tvær vikur.

Ég starfaði þó af fullum heilindum í anda stefnuskrár Borgarahreyfingarinnar og tók þátt í öllum þeim nefndarstörfum sem krafist var af mér og tróð mér upp í pontu til að tjá skoðanir mínar sem samrýmdust fullkomlega því sem Borgarahreyfingin hugðist standa fyrir.

Það er sárt að yfirgefa þetta barn sem virðist andvana fætt en því miður virðist mér hreyfingin komin niður á slíkt plan að áhugi minn á að starfa frekar með henni hefur dofnað svo að mig langar ekki að vera þátttakandi.

Ég óska eftir því að vera leystur frá þessari stjórn.

Ég er með erindisbréf frá Landskjörstjórn um að ég sé varaþingmaður SV kjördæmis og ég mun að sjálfsögðu rækja þær skyldur sem því fylgir. Ekki svo að Þór Saari muni óður og uppvægur leita eftir því að ég leysi hann af, en ef nauðsyn bæri til þá mundi ég að sjálfsögðu taka þingsæti eins og lög gera ráð fyrir.

Gott ef satt er að þessir einstaklingar sem kallast þingmenn skuli vera svona mikil guðsgjöf til Borgarahreyfingarinnar og þjóðarinnar.


Má vera að ég endurskoði afstöðu mína síðar ef sáttanefnd tekst að lægja öldurnar en á meðan allir virðast nærast á neikvæðum tilfinningum og hugsunum þá vil ég ekki taka þátt.

Gangi ykkur allt í haginn.

Ykkar félagi og samherji.

Valgeir Skagfjörð

Tölvupóstur Margrétar

Tölvupóstur Margrétar Tryggvadóttur um andlega heilsu Þráins Bertelsonar er svolítið sérkennilegur. Hún vænir Þráinn um að vera með alzheimer sjúkdóminn.

Líklegra er að Margrét sjálfs þjáist af þessum sjúkdómi. Hún gleymdi a.m.k stefnumálum Borgarahreyfingarinnar þegar kosið var um mögulega ESB aðild Íslands.

Ef að Þráinn þjáist af alzheimer þá gleymdi hann að svíkja loforðin sem hann gaf í kosningabarátttunni.

Margrét hinsvegar er svo gleymin að hún segir sjálfan sig ekki vera fulltrúa neins flokks, heldur fulltrúa sjálfs sín á Alþingi.

Til að hressa upp á minni Margrétar þá verður að geta þess að hún var valin af meðlimum Borgarahreyfingarinnar vegna þess að meðlimir Borgarahreyfingarinnar töldu hana líklegasta af all mörgum kandídötum til þess að berjast fyrir málefnum Borgarahreyfingarinnar.

Margrét hefur sýnt og sannað að henni er ekki treystandi til þess að knýja fram stefnuskrá Borgarahreyfingarinnar og spilar einhverskonar sóló sem enginn botnar neitt í.

Margrét hefur einnig sýnt og sannað að hún er ómerkilegur pappir sem breiðir út óhróðri og rætnum lygum til þess að vega af mannorði félaga síns. Manns sem ólíkt henni hefur staðið við allt og um leið staðið sig í (topp)stykkinu.

Ruglið í íslenskri pólitík líkamast í Margréti Tryggvadóttur.

Toppurinn á botninum

Ég held að botninum sé náð. Þó ekki botninum sem Geir Haarde var svo tíðrætt um og reyndist alltaf dýpri en stjórnspekingurinn Haarde lofaði. Já ágætu lesendur, botninum er náð. Annars er ekki rétt að nota orðið "botn" i þessu samhengi því að með botni er gert ráð fyrir einhverju formi, s.s toppi og hliðum.

Nú verandi ástand er botlaust í allar áttir hvort sem litið er upp, niður ellegar hægri og vinstri. Það ríkir alger óreiða. Allt er komið á hvolf og hægri er fyrir löngu orðið vinstri og botninn er orðin að loki sem skrúfaður er á einhverja dellu sem svífur með himinskautum.

Ég er ekki viss um hvort það var myndin að Davíð Oddsyni með lífverðinum sínum að mótmæla Icesave eða orð Margrétar Tryggvadóttur um að Þráinn Bertelsson væri komin með alzheimer.

Dæmigert er fyrir óreiðuna að það eru tvö vatnaskil í þessu máli. Ekki eitt eins og venjulega.

Davíð Oddson var í rauninni að mótmæla sjálfum sér, Sjálfstæðisflokknum og ríkisstjórninni sem hann var í forsæti fyrir. Hvað Margréti varðar þá er hún sennilega sjálf með alzheimer því að hún gleymdi öllum stefnumálum Borgarahreyfinarinnar þegar hún greiddi atlvæði á móti því að þjóðin fengi að kjósa um hvort Íslendingar sæktu um aðild að ESB.

Nú er allt komið í loft upp í Borgarahreyfingunni og Þráinn Bertelsson mun að öllum líkindum yfirgefa hana þrátt fyrir að hafa sagt fyrir nokkrum dögum að "það myndi fyrr frjósa í helvíti" áður en hann yfirgæfi skútuna. -Það er sem sagt frost í helvíti þessa stundina og í fullkomnum samhjóm við rugið sem er í gangi. Besta fólk Borgarahreyfingarinnar er hætt og óskapleg eftirsjá í Herberti Sveinbjörnssyni, Valgeiri Skagfjörð, Katrínu Snæhólm, Lilju Skaptadóttur og öllum hinum. Þar fóru um manneskjur sem voru einmitt af þeirri sort sem við þurfum á að halda.

Allt þetta helvítis rugl líkamast einhvernvegin í Margréti Tryggvadóttur. Hún hélt því fram í útvarpsviðtali á "Sögu" að hún, Birgitta og Þór væru "þingmenn á sínum eigin forsendum" en ekki á forsendum hreyfingarinnar sem þau voru kosinn fyrir. Þetta er svoooooo hrokafullt að undrum sætir en samt: Í fullkomnum samhjóm við helvítis botnlaust ruglið.

Margréti til fróðleiks var hún ekki kosinn þá þing vegna þess að hún er svo frábær. Hún var kosinn vegna þess að meðlimir Borgarahreyfingarinnar töldu hana best til þess fallna að koma í framkvæmd stefnumálum Borgarahreyfingarinnar! Þetta er svo mikið grunnatriði að ég ætla að skrifa þessa setningu aftur og með stóru letri.

Margréti til fróðleiks var hún ekki kosinn þá þing vegna þess að hún er svo frábær. Hún var kosinn vegna þess að meðlimir Borgarahreyfingarinnar töldu hana best til þess fallna að koma í framkvæmd stefnumálum Borgarahreyfingarinnar!

Þetta er bara eitthvað aukaatriði í huga Margrétar, Batikmussu Birgittu og Þórs Saari. Þau eru telja nefnilega að þau sitji á þingi í eigin umboði og kjósi bara eitthvað út í lofið og stjórn Borgarahreyfingarinnar eigi ekki að skipta sér að en standa þess í stað fyrir bíngói, tombólu og kökubasar í Kolaportinu. Þar fór grasrótin fyrir lítið. Þess má endilega geta að stefnumálin eru ekkert svo mörg og töluvert svigrúm fyrir hvern og einn þingmann að kjósa "eftir eigin sannfæringu".

Nú skal ég segja ykkur ágætu lesendur hverjir hlægja að okkur kjósendum Borgarahreyfingarinnar.

Fjórflokkurinn engist nú um í krampakasti með alla sína fjóra hausa fasta í lömunarástandi hláturskastsins og þrá ekkert annað en innsogið til lungnanna til þess að geta skotið út fleiri hlátursrokum. Ég hvatti marga félaga mína til þess að kjósa Borgarahreyfinguna og skammast mín í dag fyrir þá áeggjan.

Sem kjósandi Borgarhreyfingarinnar þá krefst ég þess að þingmennirnir fjórir slíðri sverðin, lúti stjórn Borgarahreyfingarinnar og haldi áfram. Ekki er neitt skrítið að nýtt stjórmálaafl sem er að hristast saman hökti á stöku stað en það sem er að gerast núna er skammarlegt. Þráinn má ekki verða svona stífur á meiningunni og "Þrjú á palli" verða að syngja í takt við grasrótina, stjórnina og hinn almenna kjósenda. Þessu má kippa í lag með einni fokkíns grillveislu. Tala saman, segja sorrý, takast í hendur og andskotast til að halda áfram.

Það er nefnilega svo mikið í húfi. Það er ekki bara Borgarahreyfinin sem er undir heldur öll áhlaup á "kerfið" ef svo má að orði komast um ókomna framtíð. Það verður alltaf um alla framtíð minnst á Borgarahreyfinuna f einhverjar anti-establishment hugmyndir skjótast upp á yfirborðið

-og því svo fylgt eftir með heimskulegu flissi.

Davíð Oddson mótmælir.

Þegar ég sá mynd af Davíð Oddsyni í mótmælastöðu fyrir framan Alþingi þá datt mér í hug umkvartanir síðasta leiðtoga Þriðja ríkisins, Karls Dönitz um lélegan aðbúnað sakborninga í Nurenberg-réttarhöldunum. (Fréttin og myndin eru fengin af Vísi.is)

Rétt eins og Davíð Oddson, hugmyndafræðingar hans og fylgismenn, báru þeir eld að samfélaginu og kvörtuð nú sáran undan stöðunni sem landið sitt var í.

Nú verð ég örugglega skammaður fyrir að líkja Davíð og klíkunni í kringum hann við nasista en til að fyrirbyggja allan misskilning þá er ég ekki að líkja þessu tvennu saman heldur aðstæðunum í kringum þá staðreynd að Davíð Oddson var að mótmæla stöðunni sem hann og Sjálfstæðisflokkurinn kom landinu okkar í og aðstæðum sakborninga í Nurenberg-réttarhöldunum þegar þeir mótmæltu harðlega aðstæðum í fangelsinu sem þeir voru látnir dúsa í osfr.

Ég undra míg á því hversvegna hann var ekki handtekin á staðnum því Davíð Oddson er að öðrum ólöstuðum ábyrgur fyrir mesta embættismannafúski Íslandssögunnar þegar hann tæmdi seðlabankann með því að þiggja verðlausa pappíra sem trygginar fyrir stórkostlegum útlánum. Ef það er ekki glæpsamlegt vanhæfi og fúsk af verstu sort, þá veit ég ekki hvað.

Jóhann Hauksson er algerlega með þetta.

Þessi grein Jóhanns Haukssonar er ein sú besta greining á íslenskum stjórnmálum sem ég hef séð. Ég hvet alla til að lesa þessa grein. Jóhann sýnir enn og aftur að hann er einn besti, ef ekki sá allra besti, samfélagsrýnir á Íslandi.

Sundrung vinstrimanna er vopn hægrimanna

Sundrungarsaga vinstrimanna á Íslandi er saga valdstjórnar Sjálfstæðisflokksins. Frá stofnun lýðveldisins hefur Sjálfstæðisflokkurinn haft næði í 50 ár af 65 til að móta íslenskt þjóðfélag eftir sínu höfði. Hann spilaði með sveimhuga vinstrimenn sem skorti samstöðu, marksækni og það raunsæi sem gerði jafnarmenn að sterkasta stjórnmálavirki norrænna þjóða um áratuga skeið.

Í krafti stjórnlyndra klíkustjórnmála og frændhygli, þar sem ættir og flokksskírteini réðu meiru um framgang mála en verðleikar og lögmál samkeppninnar, tókst Sjálfstæðisflokknum að naga upp heilbrigða innviði samfélagsins að því marki að það féll saman á haustmánuðum 2008. Þetta gerði flokkurinn með aðstoð Framsóknarflokksins og sveipaði helstefnu sína frjálshyggjuhugsjónum sem gráðugir flokksgæðingar nýttu sér til hins ýtrasta á ábyrgð þjóðar sinnar. Þessari stefnu lýsti Hannes Hólmsteinn Gissurarson, hugmyndafræðingur Sjálfstæðisflokksins, sem best heppnuðu frjálshyggjutilraun veraldar í erlendum blöðum. Áður en Halldór Ásgrímsson, forystumaður Framsóknarflokksins, hvarf af vettvangi stjórnmálanna lýsti hann þessari sömu stefnu sem velferðarstefnu. Í hvaða blekkingarheimi lifði hann? Halldór má teljast heppinn að hafa horfið á braut áður en íslenskt efnahagslíf hrundi til grunna. Hann á sér þær málsbætur að hafa talað fyrir inngöngu í Evrópusambandið og upptöku evru undir bælingarvaldi Davíðs Oddssonar, sem situr nú yfirgefinn í Skerjafirðinum og neitar ábyrgð á hruninu.

Hvaða hagsmunir eru mestir?

„Hvar væru Íslendingar staddir hefðu þeir verið í Evrópusambandinu og búnir að taka upp evru þegar fjármálakreppan hófst?“ Þannig spurði Uffe Elleman-Jensen fyrrverandi utanríkisráðherra Dana í grein í Berlingske Tidene 14. október síðastliðinn, fáeinum dögum eftir íslenska bankahrunið.

Allt er nú um seinan og enn gýs upp sundrungin á vinstrivæng íslenskra stjórnmála eins og ekkert hafi breyst. Sama vanstillingin. Sama óraunsæið. Sumir liðsmenn VG hafa ekki einu sinni vaknað til vitundar um að takt sundrungarinnar slær heimastjórnararmur Sjálfstæðisflokksins sem bíður handan hornsins eftir tækifæri til að hrifsa til sín stjórnartaumana. Sá flokkur gleymir léttilega stóru orðunum gegn ESB og Icesave þegar Samfylkingin gefst upp á sundrungunni.

Vinstri grænir, eins og Ögmundur Jónasson og Lilja Mósesdóttir, hljóta að gera sér grein fyrir því að viljinn til valdsins og þétt grip um stjórnartaumana er forsenda þess að geta hrundið í framkvæmd fögrum hugsjónum. Gera þau sér ekki grein fyrir því að með því að láta sögulegt meirihlutasamstarf VG Samfylkingarinnar liðast í sundur vegna Icesave-deilunnar eru þau um leið orðnir bestu liðsmenn Sjálfstæðisflokksins á leið þeirra í valdastólana?

Þess utan eru deilur um ábyrgð íslensku þjóðarinnar á hluta Icesave-skuldarinnar í eðli sínu innbyrðis deilur reiðra Íslendinga sem vilja ekki vera í skuldafjötrum. Hefji Lilja og Ögmundur sig yfir dægurþrasið og fáránlegar lagaþrætur munu þau sjá að Icesave deilan er eins og draugur sem hverfur þegar maður hættir að trúa á hann.

Þau mega trúa því að til lengri tíma litið er það hagur Breta og Hollendinga, að ekki sé talað um hagur Norðurlandaþjóðanna, að Íslendingar nái á ný vopnum sínum, kaupi vörur frá þessum þjóðum, selji þeim fisk, ál orku og hvað annað á næstu árum? Hver trúir því að þessar þjóðir hafi einstakan áhuga á að veifa svipu yfir íslenskri alþýðu um ókomin ár?

Að flýja sökkvandi skip

Sjálfstæðisflokkurinn hræðist ekki VG enda þjónar sundrungin þar innan veggja hagsmunum flokksins. Á sundrungunni er alið meðal annars með lærðum skrifum lögfræðinga með flokksskírteini.

Það sem Sjálfstæðisflokkurinn hræðist nú er festa og raunsæi Samfylkingarinnar og mikil samstaða innan flokksins um erfið og stór mál. Enda væri það mesta skipbrot og ósigur Sjálfstæðisflokksins frá upphafi ef samstjórn VG og Samfylkingarinnar héldi velli í meira en eitt kjörtímabil . Meira að segja valdamiklar fagstéttir eins og nær öll lögfræðingastéttin, sem hingað til hefur talið hag sínum best borgið innan Sjálfstæðisflokksins, mundi þá einnig snúa baki við flokknum sem eitt sinn skaffaði svo vel.

Réttlæting og yfirvarp

Ég var aðeins að spá í viðbrögðum hægrimanna í kringum Icesave. Ef marka má litla samantekt meðal vina minna á Facebook, þá er andstaðan við Icesave haldreipið í sviptivindunum sem geysa í tómarúminu sem Davíðshrunið skildi eftir sig.

Ekki borga Icesave. -Ekki.

Nú ætla ég að setja mig í stellingar sálfræðingsins og koma með þá tilgátu að þessi ekki-borga-Icesave-þráyggja sé einhverskonar yfirvarp. Heimsmyndin er jú hruninn og alveg eins og margir austantjaldskommar fundu sér pólitískt skjól og réttæltingu undir skykkjunni hans Dalai Lama þegar kommúnisminn hrundi, þá finna íslenskir hægri menn sér pólitískt haldreipi í andstöðunni við að Íslendingar greiði Icesave skuldbindingarnar.

Mér þykir þetta vera svolítið klént því ég er alltaf að bíða eftir uppgjörinu við stefnuna, við Davíð og græðgiskarlana og kerlingarnar í Flokknum. Betra væri að beina yfirvarpinu þangað.

Þetta mál er allt að skýrast og sökudólgarnir eru alveg afhjúpaðir. Fyrst og fremst eru það stjórnendur Landsbankans (með Kjartan Gunnarsson framkvæmdastjórna FLokksins fremstan í broddi) og síðan fylgir Fjármálaeftirlitið fast á eftir. Þar er annar Sjálfstæðismaður sem settur var í embættið fyrst og fremst til þess að gera ekki neitt. Ekki er tilviljiun að svo pasturslítill og lélegur kandítat er valinn í þessa stöðu.

• Icesave málið er alveg ótrúlega einfalt þegar öllu er á botnin hvolft. Lög eru sett um að tryggja innistæður í öllum íslenskum bönkum sem nemur um 20. þús evrum
• Landsbankinn stofnar útibú í öðrum löndum þar sem gilda sömu lög og á Íslandi.
• Fjármálaeftirtlitið gerir EKKERT til að fylgjast með eða hindra þessa glæpareikninga enda naut Landsabankinn sérstakarar velvildar FLokksins á þessum tíma.

Þarna liggur hundurinn grafinn og þessvegna þurfum við að borga. Hefði Fjármálaeftirlitið staðið sig í stykkunu væri ekkert Icesave-mál! Ef að þessir glæpareikningar hefðu bara verið kannaðir, og að hugmyndin bak við þá hefði bara verið borin undir fagfólk innan Fjármálaeftirlitsins, dæmið skoðað með tilsjón af rekstri Landsbankans osfr.

Bara ef Fjármálaeftirlitið verið fjármálaeftirlit en ekki stoðdeild fyrir útrásina....

Óhamingju Íslands verður allt að vopni

Nú verður það fullkomnað.

Ríkisstjórnin springur og Framsókn og Sjálfstæðisflokkur komast aftur að kjötkötlunum.

Hvað skal segja? Þýðir nokkuð að væla.

Óhamingju Íslands verður allt að vopni

Fleiri góðar fréttir.

Það hlaut að koma að því. Nú er botninum náð. Nú erum við á botni dalsins. Nú sjáum við yfir völlinn. Kemur ekki í ljós að AGS-lánið margumtalaða er kannski ekkert svo mikið mál eftir alltsaman.

Þetta verður að skoða í kjölin af okkar besta fólki. Hugsið ykkur ef við gætum sleppt þessu ömurlega láni.

Það væri sannarlega lán, annarskonar og langþráð.

Ég vona bara að stjórnvöld hafi hugrekki til þess að viðurkenna, ef rétt reynist, að lánið sé óþarft. Höfum í huga að þetta er ekki pólitískt mál í sjálfu sér, þetta er ferðalag. Ef að forsendur breytast þá er ekkert að því að breyta um ferðaáætlun. Aðeins heimskinginn heldur kúrs þegar betri leið finnst.

Stórkostlegar fréttir.

Þessi frétt hérna er sú besta í marga mánuði. Bretar bjóðast til þess að aðstoða okkur í rannsókn á bankahruninu.

Hérna verða vatnaskilin. Núna gerist það.

Ef þessi aðstoð verður ekki þegin, þá sýður uppúr.

Þjóðin á þing?

Eins og margir þá fylgdist ég með þessu "gerum-upp-málin-fundi" hjá Borgarahreyfingunni. Enginn þingmanna sá sér samt ástæðu til að mæta á téðan fund. Sennilega er þar um að kenna skömmum fyrirvara á fundinum og skrifast því á stjórnina.

Þegar 3 þingmenn Borgarahreyfingarinnar kusu gegn aðildarviðræðum um ESB, þvert á gegn eigin orðum og stefnu Borgarahreyfingarinnar þá varð ég ekki bara sár og reiður. Ég barasta missti trúna á mannkynið en öðlaðist þess í stað trú á yfirnáttúrulegan álagablett sem ég fullyrði að sé undir ræðupúlti Alþingis. Álgablett sem breyti ærlegu fólki í ómerkinga. Ég er ekki að grínast þegar ég segjist hafa misst trúna á mannkynið. -Dýrið er stjórnlaust og óhemjandi.

Ég ætla að skýra þetta nánar. Ég er svo yfirgengilega hissa yfir því að á aðeins 3 mánuðum þá fuku öll stóru orðin Borgarahreyfingarinnar út um gluggann. Ég er alveg standandi bit. Ástæða fyrir góðu gengi Borgarahreyfingarinnar í kosningunum var fyrst og fremst sú eindregna krafa um að um stóru málin ætti að kjósa í þjóðaratkvæðagreiðslu. Um leið og sá gluggi opnaðist, að þjóðin fengi að kjósa um ESB, fóru atkvæði 3/4 hluta Borgarahreyfingarinnar þvert á þá stefnu. Ég er svo hissa, svo dapur og svo reiður yfir þessari vendingu. Álagabletturinn undir ræðupúlti Alþingis er sannarlega magnaður.

Þremenningarnir sem urðu fyrir þessum álögum afsaka sig á því að "augljós" tengsl séu á milli aðildarumsóknarinnar og Icesave. Tengsl sem aldrei hafa verið almennilega ljós og eru líka, þegar öllu er á botnin hvolft, skiljanleg. Icesave er ógeðisdrykkur.

Hugleiðum orðið "trúverðugleika".

Fasteignasali sem hefur selt 1000 íbúðir með góðum árangri þarf ekki nema eitt dómsmál vegna fúsks, til þess að eyðileggja trúverðugleika sinn. Orðsporði er mikilvægasta "eign" fasteignasala. Þarf að ræða þetta frekar? Eru ekki allir sammála um þetta? Sama á við um þingmenn. Allt veltur á trúverðugleika þeirra. Trúverðugleiki Þórs, Birgittu og Margrét er bara farinn. Hann fór með plottinu sem þau suðu saman í ESB umsóknarmálinu. Borgarahreyfingin var nefnilega ítrekað búin að fordæma nákvæmlega svona plott og taldi það meir að segja einn af grunnbrestunum í almennilegu lýðræði.

-Svo plottuðu þau eins og enginn væri morgundagurinn.

Ég er hissa, sár og reiður. Ég kaus þennan flokk í síðustu kosningum. Fram að plottinu hafði hreyfningin nefnilega staðið sig vel. Geysi vel meir að segja. Birgitta bloggaði af móði og afhjupaði helsta baráttumál Framsóknarflokksins á þeim tíma sem var "græna herbergið" í Alþingishúsinu. Þetta leit allt svo vel út.

Það er svolítið fyndið að segja frá því en ég hitti þremenningana á Hressó í sumarfríinu mínu rétt eftir svikin við kjósendur Borgarahreyfingarinnar. Ég var nýbúin að blogga eitilharða gagnrýni á "hauspokana" eins og ég kallaði þau en var skyndilega frammi fyrir þeim í garðinum á Hressó. Nú var að hrökkva eða stökkva. Ég stökk og gaf mig á tal við þau. Ég átti ágætis samtal við Birgittu og þar afsakaði hún afstöðu sína til ESB málsins með því að það væri tengt við Icesave. Fullyrðing sem reyndar er hípótetísk. Ekkert í ESB umsókinni snerti Icesave, en slíkt getur alveg átt sér stað á síðari stigum málsins.

Nú ætla ég ekki að taka afstöðu með eða á móti inngöngu í ESB og ítreka innilega mína skoðun að þjóðin eigi að kjósa um þetta mál eins og Borgarhreyfingin hélt alltaf fram.

Það sem flækir máli aðeins er því í 48. grein stjórnarskrár íslenska lýðveldisins segir að alþingismenn séu eingöngu bundnir við sannfæringu sína og eigi við neinar reglur frá kjósendum sínum. Hauspokarnir geta því alltaf réttlætt snúninginn með vísun í þessa grein. En þess má geta að þessi grein hefur alltaf verið notuð til þess að réttlæta öll stefnusvik allra flokka og allra þingmanna á öllum tímum.

Hvað með þetta grunnatriði að láta þjóðina ráða? -"Þjóðin á þing" stendur stórum stöfum á heimasíðu Borgarahreyfingarinnar.

Eftir samtal mitt við Birgittu mat ég það svo að hún var einfaldlega á móti inngöngu í ESB og var tilbúin til að taka slagin við kjósendur sína út af þessu máli, treysti á gullfiskaminni kjósenda og þar fram eftir götunum. "Þjóðin á þing" breyttist í "Birgittu á þing".

Þetta er sorglegt en líka svo mannlegt.

Ég stend með Þránni í þessu máli Hann er ólaskaður. Óflekaður. Traustsins verður. Ég ætla samt að gefa honum eitt heilræði. Hann á að sættast við hauspokana. Það eru meiri hagsmunir fólgnir í því að halda lífi í Borgarahreyfingunni en að kljúfa hana. Þingmenn koma og þingmenn fara. Hauspokarnir munu taka pokann sinn þegar þar að kemur. Kannski gerist þetta ekki aftur.

-Kannski

Móðursýki

Orðræðan á blogginu um eftirköst hrunsins einkennist af móðursýki. Mér skilst að búið sé að stofna grúppu á Facebook þar sem þess er krafist að útrásarvíkingarnir verði slitnir í sundur af 8 trylltum hestum, settir svo í pott, fullan af glóandi málmi og hann síðan steyptur í klóakrör.

Ég held að þetta sé vegna þess að upplýsingar sem koma fram á yfirborðið eru þess eðlis að reiði almennings er skiljanleg. Auðmannastétt Íslands hefur hagað sér með þeim hætti að undrum sætir. Auðstéttin fór bara í spilavítið með efnahagskerfið okkar. Svo má ekki gleyma að almenningur er orðin býsna vel að sér í atburðarásinni sem átti sér stað fyrir Hrunið. Bæði varðandi stjórnvaldsaðgerðir og aðgerðir bankanna. Fólk er byrjað að sjá hvað gerðist í raun og veru.

Nú sést t.d að margir náðu að stökkva af lestinni og koma út í hagnaði, hagnaði sem umsvifalaust var breytt í ríkisskuldabréf. Það þýðir að við Íslendingar tryggjum viðkomandi upphæð plús vextir (sem eru ekkert lágir). Þetta er að sjálfsögðu óþolandi. Við eigum nefnilega peningakerfið, það er ekki einhvað ósnertanlegt eða einhver fasti sem er óbreytanlegur.

Ég er bíð í barnaskap mínum eftir því að auðmennirnir komi bara og skili fénu. Það er að sjálfsögðu besta lausnin. Hugsanlega ætti að nota þessa leið til að fría auðstéttina frá lögsókn eins og gert var í Þýskalandi þegar komst upp um umsvifamikið skattsvikakerfi sem tegði anga sína til Lichtenstein. Skilaboð Merkel voru afar skýr. Skilið fénu með vöxtum og þið sleppið við ákæru.

Þetta þurfum við að gera.

Skemmtileg skilaboð....

Ég keypti á dögunum svona plast-filmu fyrir mat. Þegar heim var komið sá ég að ég hafið fengið skilaboð. Þetta er sniðugt.

-Samt einhver kuldi í þessu.

(Kaupþings)hundurinn grafinn.

Ég hef svolítð verið að leita að glæpnum sem allt hefur loga út af með Kaupþingsfundinn 25. september. Enginn fjölmiðill hefur skýrt nákvæmlega frá því hvað eða hvort einhver lög, skrifuð eða óskrifuð, hafi verið brotin. Hreiðar forstjóri segis ekkert hafa gert neitt rangt (eins og gefur að skilja...)

Ég er nefnilega það sem kallað var í gamla daga, "fattlaus". Ég fattaði ekki hvað var svona slæmt en ólíkt flestum sem ég þekki, viðkurkenni ég bara það sem ég fatta ekki. Blaðamenn voru ekki til taks enda uppteknir af því að skrifa risafyrirsagnir á borð við "bankarán aldarinnar". Það var því enginn hjálp í þeim. Ég skrifaðist á við vini mína og fékk púsluspil hér og þar en náði ekki að tengja. Fattaði ekki þetta.

Svo kom þetta þar sem ég var að hlusta á son minn þriggja ára gamlan útskýra fyrir mér hversvegna hann braut rúðu í leikskólanum, að það kviknaði á perunni.

Kaupþing braut lög með því að trekkja upp verðið á eigin hlutabréfum. Allt leit voða vel út á pappírunum og fjárfestar á borð við lífeyrissjóði, runnu á bragðið. Boltinn fór af stað og alveg eins og í bókhaldsbrotnum þarf að viðhalda svindlinu til þess að að komist ekki upp. Í tilfelli Kaupþings VARÐ að halda uppi verðinu á hlutabréfum því að þau voru sannarlega keypt fyrir alvöru peninga. Peninga sem fengnir voru að láni frá Þýskum bönkum. Ef að hlutabréfaverðið lækkaði þá varð bankinn að leysa til sín bréfin með ógurlegum afleiðingum fyrir hann sjálfan, enda bréfin orði verðlminni og yfirvofandi hrun blasti við. Þetta mátti nefnilega ekki komast upp því ef það hefið gerst hefið orðspor bankans farið út um gluggan, hlutabréfaverðið og æra stjórnendanna.

Við þetta má bæta að fyrir utan að lög um verðbréfaviðskipti voru brotin þá voru líka brotin lög um að banki má ekki lána tengdum aðilum sjálfum sér nema fyrir einhvert hámark. Hámark sem fór upp um þakið í tilfelli Kaupþings. Á meðan þessu stóð, fengu topparnir hjá Kaupþingi svo bónusa fyrir vel unnin störf (vegna hækkandi gengis) sem tengdust útlánabók og skammtímahagnaði. Svo áttu þau líka bréf sjálf og kauprétti osfr.

Þetta plott Kaupþings var stundað í öllum bönkunum með mismunandi útfærslum þó. Gott dæmi um aðferð Glitnis var t.d leynifélagið Stím. Til að plottið næði fram að ganga varð að tryggja að þetta kæmist ekki í fréttirnar og þessvegna var ásókn útrásarvíkinganna í fjölmiðla svona mikil. Ég er ekki að segja að ritstjórar fjölmiðlanna hafi vísvitandi þagað yfir þessu en ég held að með allskonar trikkum (há laun, hlunnindi, vinfengi við útrásarfólkið, laxveiðar osfr) hafi verið haldið frá þessu svínaríi.

Þarna liggur hundurinn grafinn.

Þetta hefur öll einkenni bókhalds-fjársvika. Smá fiff í byrjun til að manippúlera með tölur og svo vatt boltinn upp á sig.

Tjónið af þessu fyrir Íslendinga liggur ekki í augum uppi því skaðinn er fyrst og fremst hjá þeim sem lánuðu Kaupþingi, s.s þýskum bönkum. Hinvegar þegar hrunið var nýfarið af stað lánaði Seðlabankinn bönkunum 300 miljarða til að verjast falli. Þessir peningar eru farnir og koma aldrei aftur. Þessa ákvörun tók Davíð Oddson sjálfur og er þar með komin í sögubækurnar sem maðurinn sem tæmdi seðlabanka heillar þjóðar með einni undirskrift.

Eftirmálinn er svo rannsóknin á Hruninu sem því miður er umvafin tortryggni. Það er óþolandi. Skilanefndir bankanna eru skipaðar fyrrverandi bankabófum, flokkshundum og spilafélögum lykilfólks Hrunsins. Ekkert traust ríkir og ekki að ástæðulausu. Árni Tómasson er t.d formaður skilanefndar Glitnis en hann fær einnig miljón á mánuði fyrir að vinna fyrir Ólaf Ólafsson í Samskipum, einum af útrásarbarónunum. Sá á mikið undir að uppgjör Glitnis verið honum hagstætt. Eitthvað virðist fjármálaeftirlitið vera að koma til en það er alls ekki nóg. Hið rétta hefið verið að skipa útlendinga í skilanefndirnar og rannsóknarnefnd Alþingis. Því var lofað á sínum tíma en auðvitað svikið. -Hversvegna gæti einhver spurt?

Ég er ansi smeikur um að þessar meintu eignir bankanna séu bara loft. Nú á dögunum fór í gjaldþrot eitthvað ástralskt vínfyrirtæki sem skuldaði Landsbankanum 4o miljónir dollara. Fé sem að öllum líkindum er tapað. Ekki er ólíklegt að eignir bankanna séu svona froða. Dellu fyrirtæki sem annað hvort voru ónýt í byrjun eða stofnuð beinlínis til að fá að láni fé og fara svo á hausinn.

Það verður að opna lánabækur Landsbankans, Straums og Glitnis. Það verður að fá botn í þetta hroðalega mál. Ef við íslendingar eigum að getað litið framan í börnin okkar í framtíðinni þá VERÐUM við að fá allt upp á borðið. Ekki dugar neitt hálfkák eins og hingað til. Stjórnmálamennirnir verða að fara að halda með okkur en ekki þvæla um lögfræðilegan tittlingaskít.

-Upp með sópana ágætu þingmenn. Við kusum ykkur til að hreinsa til.

Farið að vinna!

Gerum þetta.

Nú þegar uppgjöf og hugleysi hafa bundist tryggðarböndum í hugum okkar Íslendinga ætla ég að samt, þrátt fyrir allt, að vera ærlegur. Ég ætla að gefa þessari konu þúsundkall. Ég á ekki krónu en þúsundkall ofan á yfirdrátttinn skiptir í rauninni engu helvítis máli.

Ég held þrátt fyrir allt að við Íslendingar séum ekki búin að gleyma samlíðan og samhjálp og hvet ykkur lesendur góðir til að ljá þessari manneskju hjálparhönd. Það tekur 44 sekúndur tekur að millifæra þúsundkall.

44 sekúndur góða fólk.

Gerum þetta. Verum tilræðismenn. Skjótum saman peningaslattta þar sem hans er þörf. Skorum hugleysið á hólm. Verum ærleg. Verum almennileg.

44 sekúndur.


- Gerum þetta.

Beðið eftir Yeltsín.

Það var flott móment þegar Boris Yeltsin braut á bak aftur valdaránstilraun í Sovíetríkunum sálugu þegar hann sem borgarstjóri Moskvu klifraði upp á skriðdreka og bauð samsærismönnum birginn. Umvafinn rússneska fánanum og auðsjáanlega maður andartaksins. Skilaboðin hans voru skýr.

Við viljum ekki sovíetið aftur. Það er búið. -Hér og fokking nú!

Ég er alltaf að bíða eftir Yeltsín á Íslandi. Ekki þó þessum sem ég vísa í og reyndist svo illa, heldur manneskju andartaksins. Manneskjunni sem leggur allt undir og uppsker allt. Íslenskir stjórnmálamenn og stjórnkerfisfólk eru kandítatar í þetta, þau hafa þetta í hendi sér en því miður hafa alltaf farið á mis við andartakið ef svo má að orði komast.

Og andartökin hafa nú ekki látið standa á sér að undanförnu. Í fljótheitum þá rennur upp fyrir mér heigulsáháttur Samfylkingarinnar sem lufsaðist í 3 mánuði í stjórn með hinum gerspillta Sjálfstæðisflokki. Enginn, Ekki hræða innan þessa Samfylkingarinar steig upp á skriðdreka, lagði allt undir og stoppaði þennan hroða og bjargaði æru jafnaðarmanna. Enginn! Ekki nokkur helvítis sála. Bara eitthverjar ályktanir og lögfræðipíp. Af hverju tók t.d varaformaðurinn ekki völdin í þessum flokki meðan formaðurinn var á spítala? Viðskiptaráðherrann Björgvin G er svo mikil gunga að hann lét það yfir sig ganga að vera ekki hafður með á fundum sem skiptu einhverju máli. Er Björgvin G maður andartaksins. Hetjan sem grípur í taumanna á vondri rás atburðanna og snýr hana í rétta átt eins og trylltan hest?

Takið eftir að sá stjórnmálamaður sem hefur sýnt af sér hvað mest hugrekki ef svo má að orði komast er Jóhanna Sigurðardóttir er hún óð í Jón Baldvin og laut lærra haldi. Hennar tími ser svo sannarlega kominn þó hetjudáðirnar virðast standa á sér. Hún að núna að halda með okkur, en ekki hlusta á smjörgreidda lögfræðidrýsla sem þekkja ekki muninn á réttu og röngu en eru rosalega flinkir í tæknilegum hártogunum um tittlingaskít.

Við Íslendingar þurfum hetju. Einhvern sem leggur allt undir.

Er hugleysið kerfislægt í stjórnmálaflokkunum? Er allt hugrakka fólkið einhverstaðar annarstaðar? Er alið á hugleysi? Eru allar þessar endalausu málamiðlanir í flokkstarfinu einhverskonar morfín á dug og þor? Er kannski ekkert í tísku að vera hugrakkur? Var það bara í gamladaga þegar fólk sýndi af sér hugrekki. -Er þetta bara búið?

Hugleysið fann sér bústað á Íslandi einhverntíman á miðri 20. öld. Þar hefur að orðið hluti af okkur, hluti af hugsunarhætti okkar. Partur af sálu þjóðarinnar. Við erum huglausir ræflar á bensínlausum Land Krúser. Við erum ryðgað gasgrill. Við erum fokking fótanuddtæki í Góða hirðinum. Nú er svo komið við erum að bíða eftir einhverjum góðum til að hirða okkur upp. Fyrirlitlegri þjóð er ekki til en Íslendingar. Fylking heilalausra límsniffara. 30% landsmanna myndi t.d kjósa Sjálfstæðisflokkinn ef kosið væri í dag. Hugsið ykkur! Þriðjungur landsmanna myndi kjósa flokkinn sem kom snjóflóðinu af stað í Skollahvlft. Skollahvilft heitir staðurinn milli heimskunnar og græðginnar

Þegar ég sá fréttir þess efnis að bófabankinn Kaupþing hefði tekist að banna fluting fréttar um það sem hefur verið kallað "stærsta bankarán sögunnar" og af mörgum talið mesta skúbb aldarinnar í íslenskum fjölmiðlaheimi, þá féllust mér hendur og límsniffaralíkinin harnaði í heilaberkinum innanverðum. Ef að það hefði verið töggur í Páli Magnússyni sjónvarpsstjóra þá hefi hann sagt þessum jakkafataklæddu lögfæði-smjörkúkum að hoppa upp í ****** á sér og láta fleygja þeim öfugum út úr byggingunni.

--Og birt helvítis fréttina.

Þarna fór æðislegt tækifæri forgörum til að gera eitthvað flott, sýna hugrekki, sýna þor. Fyrir þjóðina okkar, fyrir landið okkar. Fyrir fólkið.

og fyrir Ísland.